ABN Andhrajyothy: గుడ్ న్యూస్.. జర్నలిస్ట్ అవ్వాలనుకుంటున్నారా.. యువతకు ఆంధ్రజ్యోతి ఆహ్వానం
ABN, Publish Date - Jul 11 , 2025 | 09:22 AM
జర్నలిజం కేవలం ఒక వృత్తికాదు, ఇది ఒక సామాజిక కర్తవ్యం. మీరు నిజాయితీ, ధైర్యంతో సమాజంలో ఉన్న అన్యాయాలను ఓ జర్నలిస్టుగా వెలికితీయాలని అనుకుంటున్నారా?. అయితే ఏబీఎన్ ఆంధ్రజ్యోతి మీకో సువర్ణావకాశం కల్పిస్తోంది. ఆంధ్రజ్యోతి జర్నలిజం కాలేజీలో ట్రైనీ జర్నలిస్ట్గా చేరేందుకు నోటిఫికేషన్ జారీ చేసింది.
హైదరాబాద్: జర్నలిజం కేవలం ఒక వృత్తికాదు, ఇది ఒక సామాజిక కర్తవ్యం. మీరు నిజాయితీ, ధైర్యంతో సమాజంలో ఉన్న అన్యాయాలను ఓ జర్నలిస్టుగా వెలికితీయాలని అనుకుంటున్నారా?. అయితే ఏబీఎన్ ఆంధ్రజ్యోతి మీకో సువర్ణావకాశం కల్పిస్తోంది. ఆంధ్రజ్యోతి జర్నలిజం (ABN Andhra Jyothy journalism) కాలేజీలో ట్రైనీ జర్నలిస్ట్గా చేరేందుకు నోటిఫికేషన్ జారీ చేసింది. రేపటి సమాజాన్ని మెరుగుపరిచే స్ఫూర్తిదాయక జర్నలిస్టుగా ఎదిగేందుకు అవకాశం ఇస్తోంది. మరెందుకు ఆలస్యం.? ఈ గొప్ప సదవకాశాన్ని అందిపుచ్చుకుని, మీ కళ్ల ముందున్న సమాజాన్ని మరింత ఉన్నతంగా తీర్చిదిద్దేందుకు కృషి చేయండి. ట్రైనీ జర్నలిస్ట్గా దరఖాస్తు చేసేందుకు ఏం చేయాలో ఇప్పుడు తెలుసుకుందాం..
అర్హతలు:
ఇంగ్లీషు భాషలో వ్యవహారజ్ఞానం, తెలుగులోకి అనువాదం చేయగల నేర్పు
వర్తమాన వ్యవహారాలపై ఆసక్తి, అవగాహన
సరళమైన తెలుగులో రాయగలగడం
చక్కటి భావవ్యక్తీకరణ, డిగ్రీ ఉత్తీర్ణత
35 సంవత్సరాలకు మించని వయసు
దరఖాస్తు విధానం:
మీలో పై అర్హతలన్నీ ఉంటే పూర్తి పేరు, వయసు, విద్యార్హతలు, సాంకేతిక అర్హతలు, ఉద్యోగానుభవం, ఆసక్తులు వగైరా వివరాలన్నిటితో దరఖాస్తు చేయాలి.
దరఖాస్తుకు సర్టిఫికెట్ల జిరాక్స్ ప్రతులు, ఇటీవల తీసుకున్న రెండు ఫొటోలు జతపరచాలి.
దరఖాస్తులోను, కవరుపైన మీ పూర్తి చిరునామా, మొబైల్ నెంబర్, ఈ-మెయిల్, పరీక్ష రాయదలచుకున్న కేంద్రం స్పష్టంగా రాయాలి.
రాతపరీక్ష, ఇంటర్వ్యూ వివరాలు ఫోన్ ద్వారా మాత్రమే తెలియపరుస్తాం. అందువల్ల మీరు ఎప్పుడూ అందుబాటులో ఉండే మొబైల్ నెంబర్నే దరఖాస్తులో ఇవ్వాలి.
మీ రాష్ట్ర ప్రభుత్వ పనితీరుపై మీ అభిప్రాయం. తెలియపరుస్తూ సొంతంగా రాసిన వ్యాసాన్ని దరఖాస్తుకు తప్పనిసరిగా జతచేయాలి.
వ్యాసం లేని దరఖాస్తులను పరిశీలించం.
ఎంపిక:
అభ్యర్థుల ఎంపిక రాతపరీక్ష, ఇంటర్వ్యూ ద్వారా జరుగుతుంది.
రాతపరీక్షలో వర్తమాన వ్యవహారాలు, తెలుగు భాష, సాహిత్యం, అనువాద సామర్థ్యానికి సంబంధించిన ప్రశ్నలుంటాయి.
అభ్యర్థుల ఎంపికలో ఆంధ్రజ్యోతి యాజమాన్యానిదే తుది నిర్ణయం.
శిక్షణకు ఎంపికైన అభ్యర్థులు కనీసం మూడేళ్లు పని చేస్తామని హామీపత్రం ఇవ్వాలి.
శిక్షణ:
ఎంపిక చేసిన అభ్యర్థులకు ఆంధ్రజ్యోతి జర్నలిజం కళాశాలలో కనీసం ఆరునెలల శిక్షణ ఉంటుంది.
భాష, భావవ్యక్తీకరణ, వర్తమాన వ్యవహారాలపై అవగాహన, అనువాదం, ఎడిటింగ్లలో శిక్షణ ఉంటుంది.
శిక్షణ ముగించుకున్నాక ట్రైనీ ఉద్యోగులుగా అవకాశం లభిస్తుంది.
వారు ఆంధ్రజ్యోతి గ్రూపునకు చెందిన ఏ సంస్థలోనైనా,ఆంధ్రజ్యోతి యూనిట్లలో ఎక్కడైనా పని చేయడానికి సిద్ధంగా ఉండాలి.
వేతనం:
శిక్షణ కాలంలో నెలకు రూ.12,000
శిక్షణానంతరం ముఖ్య విభాగాల్లో పని చేయడానికి అర్హులైన వారికి పనితీరును బట్టి రూ.18,000 నుంచి 20,000.
జిల్లా విభాగాల్లో పని చేయడానికి ఎంపికైన వారికి రూ. 16,000 నుంచి రూ.18,000
పరీక్షా కేంద్రాలు..
హైదరాబాద్, వరంగల్, విజయవాడ, విశాఖపట్నం, తిరుపతి
దరఖాస్తులు చేరాల్సిన ఆఖరి తేదీ: 15 ఆగస్టు 2025
మెయిల్ పంపవలసిన చిరునామా : principal.journalism@andhrajyothy.com
దరఖాస్తులు పంపవలసిన చిరునామా:
ప్రిన్సిపాల్, ఆంధ్రజ్యోతి జర్నలిజం కళాశాల, ఆంధ్రజ్యోతి బిల్డింగ్స్, ప్లాట్ నెం. 76, జూబ్లీహిల్స్, రోడ్డు నం. 70, హైదరాబాద్ - 500 033
ఇవి కూడా చదవండి
వావ్.. ఈ బుల్లి ఏనుగు ఎంత క్యూట్గా అడుగుతోందో.. పుచ్చకాయల కోసం పరుగు..
ప్రముఖ నటుడి కాఫీ షాపుపై కాల్పులు.. ప్రారంభమైన 3 రోజులకే..
Updated Date - Aug 06 , 2025 | 11:35 AM
