రాశి ఫలాలు
మేషం
(మార్చి 21 - ఏప్రిల్‌ 20 మధ్య జన్మించిన వారు) కుటుంబ సభ్యుల కోసం విలువైన వస్తువుల కొనుగోలు చేస్తారు. సంకల్పం నెరవేరుతుంది. బంధుమిత్రుల రాకతో ఇల్లు సందడిగా వుంటుంది. రియల్‌ ఎస్టేట్‌, నిర్మాణ రంగాల వారికి ఆర్థికంగా ప్రోత్సాహకరంగా వుంటుంది. గోసేవ శుభప్రదం.
వృషభం
(ఏప్రిల్‌ 21 - మే 20 మధ్య జన్మించిన వారు) విద్యార్థులకు లక్ష్య సాధనలో పెద్దల సహకారం లభిస్తుంది. ప్రముఖులతో చర్చలు, సమావేశాలకు అనుకూలం. వాహన యోగం వుంది. సోదరీ, సోదరుల విషయాల్లో శుభపరిణామాలు సంభవం. ఇంటర్వ్యూలలో విజయం సాధిస్తారు. సేవా కార్యక్రమాలు సాంత్వన కలిగిస్తాయి.
మిథునం
(మే 21-జూన్‌ 21 మధ్య జన్మించిన వారు) సమావేశాలు, బృందకార్యక్రమాల్లో కొత్త పరిచయాలు ఏర్పడతాయి. బహుమతులు ఇచ్చిపుచ్చుకుంటారు. వేడుకలకు అవసరమైన నిధులు సమకూరతాయి. పెట్టుబడులు, పొదుపు పథకాలకు సంబంధించిన వ్యూహాలు ఫలిస్తాయి. సాయి ఆరాధన శుభప్రదం.
కర్కాటకం
(జూన్‌ 22 - జూలై 23 మధ్య జన్మించిన వారు) ప్రమోషన్లు, ఇంక్రిమెంట్లు అందుకుంటారు. హోటల్‌, వైద్యం, రిటైల్‌ వ్యాపారాల వారికి ఆర్థికంగా అనుకూలిస్తుంది. అదనపు ఆదాయం కోసం చేసే ప్రయత్నాలు ఫలిస్తాయి. వ్యవసాయం, పరిశ్రమల రంగాల వారు అనుకున్న పనులు పూర్తిచేయగలుగుతారు. గోసేవ శుభప్రదం.
సింహం
(జూలై 24 - ఆగస్టు 23 మధ్య జన్మించిన వారు) ప్రియతములకు సంబంధించి రహస్య సమాచారం తెలుసుకుంటారు. ఉన్నత విద్య, విదేశీ ప్రయాణాలకు అనకూలంగా ఉంటుంది. రాజకీయ, సినీ రంగాల వారికి జనసంబంధాలు విస్తరిస్తాయి. టెలివిజన్‌, రచనా రంగాల వారికి ప్రోత్సాహకరంగా ఉంటుంది.
కన్య
(ఆగస్టు 24 - సెప్టెంబరు 23 మధ్య జన్మించిన వారు) రియల్‌, ఎస్టేట్‌, నిర్మాణ రంగాల వారు మంచి ప్రతిఫలాలు అందుకుంటారు. బంధుమిత్రులతో వేడుకలు, విందుల్లో పాల్గొంటారు. బ్యాంకులు, ఆర్థిక సంస్థల రంగాల వారికి వృత్తి, వ్యాపారాల్లో ప్రోత్సాహకరంగా వుంటుంది. యూనియన్‌ కార్యకలాపాల్లో విజయం సాధిస్తారు.
తుల
(సెప్టెంబరు 24 - అక్టోబరు 23 మధ్య జన్మించిన వారు) ఇంటర్వ్యూలలో విజయం సాధిస్తారు. ఉద్యోగ, వ్యాపారాలకు సంబంధించి కీలక సమాచారం అందుకుంటారు. చిన్నారుల విషయంలో పెద్దలుగా మీ బాధ్యతలు నిర్వర్తిస్తారు. పొదుపు పథకాలు, విద్యా విషయాల్లో పెద్దల సహకారం లభిస్తుంది.
వృశ్చికం
(అక్టోబరు 24 - నవంబరు 22 మధ్య జన్మించిన వారు) కొత్త వ్యూహాలు అమలు చేసి విజయం సాధిస్తారు. ఆర్థిక విషయాలకు సంబంధించిన ప్రయాణాలు, సమావేశాలు ఫలిస్తాయి. రక్షణ, బోధన, న్యాయ, కన్సల్టెన్సీ విద్యా రంగాల వారికి ఆర్థికంగా అనుకూలంగా ఉంటుంది. అంచనాలు ఫలిస్తాయి. దత్తాత్రేయ స్వామిని ఆరాధించండి.
ధనుస్సు
(నవంబరు 23 - డిసెంబరు 21 మధ్య జన్మించిన వారు) ఆర్థిక వ్యవహారాల్లో సన్నిహితుల సహకారం లభిస్తుంది. బిల్లులు, ఫీజులు చెల్లిస్తారు. రుణప్రయత్నాలు ఫలిస్తాయి. రుణాలు, పెట్టుబడులు, షేర్‌మార్కెట్‌ లావాదేవీలకు సంబంధించి కీలక పత్రాలు అందుకుంటారు. సాయి ఆలయ ప్రదక్షిణలు శుభప్రదం.
మకరం
(డిసెంబరు 22-జనవరి 20 మధ్య జన్మించిన వారు) స్పెక్యులేషన్లు, పందాలు, పోటీల్లో విజయం సాధిస్తారు. ఆర్థిక పరిస్థితి ప్రోత్సాహకరంగా వుంటుంది. ప్రియతముల కోసం విలువైన వస్తువులు సమకూర్చుకుంటారు. బృందకార్యక్రమాలు, వేడుకల కోసం ఖర్చు చేస్తారు. గాయత్రీ మాతను ఆరాధించండి.
కుంభం
(జనవరి 21 - ఫిబ్రవరి 19 మధ్య జన్మించిన వారు) పరిశ్రమలు, వ్యవసాయ రంగాల వారు కీలక నిర్ణయాలు తీసుకుంటారు. ఆరోగ్యం, యోగ, ఆహార నియమాల విషయంలో శ్రద్ధ చూపుతారు. ఉద్యోగ ప్రయత్నాలు ఫలిస్తాయి. విందు వినోదాలు ఉల్లాసం కలిగిస్తాయి. సాయి ఆలయదర్శనం శుభప్రదం.
మీనం
(ఫిబ్రవరి 20 - మార్చి 20 మధ్య జన్మించిన వారు) చిన్నారులతో ప్రయాణాలు ఉల్లాసం కలిగిస్తాయి. గత అనుభవంతో ఆర్థికంగా లబ్ధి పొందుతారు. ఉన్నత విద్య, విదేశీ వ్యవహారాలు ఒక కొలిక్కి వస్తాయి. ప్రియతములకు సంబంధించి ముఖ్యమైన సమాచారం తెలుసుకుంటారు. గాయత్రీ ఆరాధన శుభప్రదం.
మేషం
ఈ వారం అనుకూలదాయకం. కష్టం ఫలిస్తుంది. ఆందోళన తగ్గి కుదుటపడ తారు. బంధుత్వాలు బలపడతాయి. పెట్టు బడుల విషయంలో పునరాలోచన మంచిది. ఆప్తుల సలహా పాటించండి. పనులు మొండిగా పూర్తిచేస్తారు. ఒక సమాచారం ఉత్తేజాన్నిస్తుంది. కొత్త యత్నాలకు శ్రీకారం చుడతారు. అవకాశాలను తక్షణం అంది పుచ్చుకోండి. ప్రతి విషయం క్షుణ్ణంగా తెలు సుకోవాలి. వేడుకకు సన్నాహాలు సాగిస్తారు.
వృషభం
ప్రతికూలతలు అధికం. అనా లోచిత నిర్ణయాలు తగవు. ఖర్చులు విపరీతం. రుణాలు, చేబదుళ్లు స్వీకరిస్తారు. పనులు ఒక పట్టాన సాగవు. ఆధిపత్యం ప్రదర్శించవద్దు. సౌమ్యంగా సమస్యలు పరిష్కరించుకోవాలి. పిల్లల విషయంలో మంచి జరుగుతుంది. కీలక పత్రాలు అందుకుంటారు. పాత మిత్రులు తారసపడతారు. ఆలోచనలు కార్యరూపం దాల్చుతాయి. వివాహయత్నాలు తీవ్రంగా సాగిస్తారు.
మిథునం
కీలక విషయాలపై పట్టు సాధిస్తారు. వ్యాపకాలు అధికమవుతాయి. బాధ్యతగా మెలగాలి. ఆదాయం సంతృప్తికరం. రోజువారీ ఖర్చులే ఉంటాయి. సావకాశంగా పనులు పూర్తి చేస్తారు. సోమవారం నాడు వ్యవహారాల్లో ఏకాగ్రత వహించండి. ప్రలోభా లకు లొంగవద్దు. కొత్త వ్యక్తులతో జాగ్రత్త. గృహాలంకరణ పట్ల ఆసక్తి పెంపొందుతుంది. విలాసవస్తువులు కొనుగోలు చేస్తారు. ద్విచక్రవాహనంపై దూర ప్రయాణం తగదు.
కర్కాటకం
ఆర్థికంగా నిలదొక్కుకుంటారు. ఖర్చులు సామాన్యం. కొన్ని సమస్యలు తొల గుతాయి. గృహం ప్రశాంతంగా ఉంటుంది. ఉల్లాసంగా గడుపుతారు. కొత్త పరిచయాలు ఏర్పడతాయి. పొగిడే వ్యక్తులతో జాగ్రత్త. మంగళవారం నాడు పనులు, బాధ్యతలు అప్పగించవద్దు. ఒక సంఘటన ఆలోచింప చేస్తుంది. అయినవారితో సంప్రదింపులు జరుపుతారు. ఎదుటివారి ఆంతర్యం గ్రహిం చండి. తొందరపాటు నిర్ణయాలు తగవు.
సింహం
లక్ష్యం నెరవేరుతుంది. ప్రశంసలు అందుకుంటారు. ఖర్చులు విపరీ తం. విలాసాలకు వ్యయం చేస్తారు. పెట్టు బడులకు అనుకూలం. గురువారం నాడు ఊహించని సంఘటనలు ఎదురవుతాయి. పెద్దలతో సంప్రదింపులు జరుపుతారు. కార్యక్రమాలు సాగవు. కొత్త యత్నాలకు శ్రీకారం చుడతారు. సాయం ఆశించవద్దు. చిన్ననాటి పరిచయస్తులు తారసపడతారు. గత సంఘటనలు అనుభూతినిస్తాయి.
కన్య
అన్ని రంగాల వారికీ బాగుం టుంది. ప్రతికూలతలు తొలగుతాయి. మీ నమ్మకం ఫలిస్తుంది. సంప్రదింపులకు అను కూలం. మీ ఇష్టాయిష్టాలను లౌక్యంగా తెలి యజేయండి. ఆలోచనల్లో మార్పు వస్తుంది. పొదుపు ధనాన్ని ముందుగానే గ్రహిస్తారు. కల్యాణ వేదికలు అన్వేషిస్తారు. ఫోన్‌ సందేశా లను నమ్మవద్దు. ప్రతి విషయం స్వయంగా తెలుసుకోవాలి. పనులు ఆలస్యంగానైనా అనుకున్న విధంగా పూర్తి చేస్తారు.
తుల
కార్యసాధనకు ఓర్పు ప్రధానం. ఆశావహదృక్పథంతో మెలగండి. పరిస్థితులు నిదానంగా చక్కబడతాయి. వ్యవహార ఒప్పందాల్లో జాగ్రత్త. ప్రలోభాలకు లొంగవద్దు. అనుభవజ్ఞుల సలహా పాటిం చండి. పిల్లల విషయంలో శుభపరిణామాలు న్నాయి. ఖర్చులు అదుపులో ఉండవు. అవసరాలు వాయిదా వేసుకుంటారు. ఆత్మీయుల ఆహ్వానం ఉత్సాహాన్నిస్తుంది. పనులు మొండిగా పూర్తి చేస్తారు.
వృశ్చికం
యత్నాలకు అయిన వారి ప్రోత్సాహం ఉంటుంది. మీ నమ్మకం వమ్ముకాదు. కొన్ని విషయాలు అనుకున్నట్టే జరుగుతాయి. పరిచయస్తులు ధనసహాయం అర్థిస్తారు. సకాలంలో పనులు పూర్తిచేస్తారు. బుధవారం నాడు అనవసర జోక్యం తగదు. కొన్ని విషయాలు చూసీచూడనట్టు వదిలే యండి. శుభకార్యానికి సన్నాహాలుసాగిస్తారు. బంధుత్వాలు బలపడతాయి. కీలక సమావేశాల్లో పాల్గొంటారు.
ధనుస్సు
పరిస్థితులు అనుకూలిస్తాయి. మనోధైర్యంతో వ్యవహరిస్తారు. కొత్త ఆలోచ నలు స్ఫురిస్తాయి. ఆదాయం బాగుంటుంది. రుణ సమస్యలు తొలగుతాయి. ఉత్సాహంగా పనులు పూర్తి చేస్తారు. కొత్త పరిచయాలు ఏర్పడతాయి. సంస్థల స్థాపనలకు అను కూలం. గురు, శుక్రవారాల్లో ఫోన్‌ సందేశాలు నమ్మవద్దు. అజ్ఞాతవ్యక్తులు మోసగించే ఆస్కారం ఉంది. ప్రతి విషయం స్వయంగా తెలుసుకోవాలి. పత్రాలు అందుకుంటారు.
మకరం
ఆదాయానికి తగ్గట్టుగా ఖర్చులుంటాయి. పెట్టుబడులు కలిసిరావు. కొత్త యత్నాలకు శ్రీకారం చుడతారు. సమ ర్థతకు ఏమంత గుర్తింపు ఉండదు. పట్టు దలతో మెలగండి. త్వరలో మీ కృషి ఫలి స్తుంది. పనులు హడావుడిగా సాగుతాయి. ఉత్సాహంగా గడుపుతారు. గృహంలో మార్పు చేర్పులకు అనుకూలం. శుభవార్తలు విం టారు. ఇతరుల విషయాల్లో జోక్యం తగదు. సంప్రదింపులు, సమావేశాల్లో పాల్గొంటారు.
కుంభం
వ్యవహారదక్షతతో రాణిస్తారు. ప్రముఖులతో పరిచయాలేర్పడతాయి. సభ్య త్వాలు స్వీకరిస్తారు. వ్యాపకాలు అధికమవు తాయి. వ్యతిరేకులతో జాగ్రత్త. విలాసాలకు విపరీతంగా వ్యయం చేస్తారు. మీ చొరవతో శుభకార్యం నిశ్చయమవుతుంది. పనులు మందకొడిగా సాగుతాయి. ఎవరినీ అతిగా నమ్మవద్దు. ఒక సమాచారం ఆలోచింప చేస్తుంది. సన్నిహితులతో సంభాషిస్తారు. ఆధ్యాత్మికత పెంపొందుతుంది.
మీనం
శుభకార్యాన్ని ఆర్భాటంగా చేస్తారు. మీ ఆతిథ్యం ఆకట్టుకుంటుంది. ఆదాయం సంతృప్తికరం. పెట్టుబడులు కలిసి రావు. నిలిపివేసిన పనులు పూర్తి చేస్తారు. కొత్త పరిచయాలు ఏర్పడతాయి. ఒక సమా చారం ఉత్తేజపరుస్తుంది. కొత్త యత్నాలు ప్రారంభిస్తారు. బుధవారం నాడు ప్రముఖుల సందర్శనం వీలుపడదు. ఆలోచనల్లో మార్పు వస్తుంది. గృహమార్పు అనివార్యం. మీ సాయంతో ఒకరికి మంచి జరుగుతుంది.
అశ్విని, భరణి, కృత్తిక 1 పాదం, ఆదాయం : 5, వ్యయం : 5; రాజపూజ్యం : 3, అవమానం : 1 మేష రాశి వారు శ్రీ శోభకృత్‌ నామ సంవత్సరంలో ఆర్థిక పురోగతి సాధిస్తారు. ప్రమోషన్‌ లభిస్తుంది. కోరుకున్న చోటుకు బదిలీ అవుతారు. గృహ నిర్మాణం లేదా స్థలసేకరణ చేస్తారు. ఉన్నత చదువులు చదివేందుకు, విదేశాలకు వెళ్లేందుకు చేసే ప్రయత్నాలు ఫలిస్తాయి. సృజనాత్మక రంగాల్లో రాణిస్తారు. స్నేహాలు, అనుబంధాలు బలపడతాయి. శుభకార్యాలు జరుగుతాయి. క్రీడలు, పరిశోధన, విద్యా రంగాల వారికి విజయం చేకూరుతుంది. రాజకీయ, సినీ, బోధన, న్యాయ, రక్షణ, మైనింగ్‌ రంగాల వారికి శుభప్రదం. సెప్టెంబర్‌ - జనవరి మాసాల మధ్య ఆరోగ్యం పట్ల శ్రద్ధ చూపించాలి. ప్రేమ వ్యవహారాల్లో ఆచితూచి వ్యవహరించాలి. ఆర్థిక విషయాల్లో తొందరపాటు తగదు. గురువు ఈ ఏడాది వ్యయస్థానంతో పాటు జన్మరాశిలో సంచారం చేస్తాడు. ఫలితంగా విలాసాలకు, దూరప్రయాణాలకు ఎక్కువగా సమయాన్ని కేటాయిస్తారు. రాజకీయ నేతలకు అనుకూలమైన కాలం. ఉన్నత పదవులు అందుకుంటారు. రాజకీయ, సినీరంగాలకు చెందినవారు మంచి ప్రాజెక్టులు చేపడతారు. టెక్స్‌టైల్స్‌, ఫొటోగ్రఫీ, కన్సల్టెన్సీ, విదేశీ ప్రాజెక్టులు, ఎగుమతులు, రవాణా, ఉన్నత విద్యారంగాల వారికి అనుకూలం. స్నేహ బాంధవ్యాలు పెంపొందుతాయి. వివాహ ప్రయత్నాలు ఫలిస్తాయి. విశ్వాసంతో అనుకున్న పనులు నిరాటంకంగా పూర్తిచేయగలుగుతారు. సంతానం విషయంలో శుభపరిణామాలు సంభవం. సెప్టెంబరు నుంచి జనవరి వరకు ఆర్థిక విషయాల్లో ఖర్చులు అధికమవుతాయి. ఆదాయం పెరిగినా డబ్బు మాత్రం చేతిలో నిలవదు. ఆరోగ్యం పట్ల శ్రద్ధ వహించాలి. సేవా కార్యక్రమాలు, పుణ్యకార్యాలు, తీర్థయాత్రలకు ఖర్చు చేస్తారు. మీ జన్మరాశి నుంచి 11వ స్థానంలో శని సంచారం కారణంగా వ్యాపారంలో లాభాలు ఆశించిన స్థాయిలో ఉండకపోవచ్చు. విలాసాలకు ఖర్చులు అధికమవుతాయి. ఆరోగ్యం పట్ల శ్రద్ధ చూపాలి. వృత్తి, వ్యాపారాల్లో ఒత్తిడికి లోనవుతారు. జూన్‌ నుంచి నవంబర్‌ వరకు ఆర్థిక పరిస్థితి ప్రోత్సాహకరంగా ఉంటుంది. వేడుకల్లో పాల్గొంటారు. క్రమశిక్షణతో, ఓరిమితో చేపట్టిన పనులు పూర్తి చేస్తారు. ఉదరసంబంధమైన సమస్యలు బాధిస్తాయి. 2023 అక్టోబర్‌ నెలాఖరు వరకు 1-7 స్థానాల్లో, ఆ తరువాత 12-6 స్థానాల్లో రాహు కేతు సంచారం ఫలితంగా వివాహ బంధం బలపడుతుంది. భాగస్యామి వల్ల ఆర్థికంగా లబ్ధి చేకూరుతుంది. మాట ఇచ్చి నిలబెట్టుకోలేకపోతారు. రుణబాధలు అధికమవుతాయి. అనవసర ఖర్చులు ఎక్కువవుతాయి. మానసిక ఆందోళనలకు లోనవుతారు. ఆరోగ్యం మందగిస్తుంది. వైవాహిక జీవితంలో ఒడిదుడుకులు ఎదుర్కొంటారు. పెట్టుబడుల్లో ఆచితూచి వ్యవహరించాలి. శ్రీ నరసింహ స్వామి ఆరాధనతో సత్ఫలితాలను సాధిస్తారు.
కృత్తిక 2,3,4; రోహిణి; మృగశిర 1,2 పాదాలు, ఆదాయం : 14, వ్యయం: 11; రాజపూజ్యం : 6, అవమానం : 1 వృషభ రాశి వారికి ఈ ఏడాది వృత్తి, ఉద్యోగాల్లో పురోగతి కనిపిస్తుంది. కొత్త వ్యాపారాలు ప్రారంభించి, విజయం సాధిస్తారు. ప్రముఖులతో పరిచయాలు లాభిస్తాయి. ఆర్థిక విషయాల్లో అభివృద్ధి సాధిస్తారు. గృహనిర్మాణ ప్రయత్నాలు ఫలిస్తాయి. శుభకార్యాలు జరుగుతాయి. దంపతుల మధ్య సదవగాహన నెలకొంటుంది. విద్యార్థులు చదువుల్లో రాణిస్తారు. ఉన్నత విద్యా విషయాలు, విదేశీ గమన ప్రయత్నాలకు అనుకూలం. సెప్టెంబర్‌ - జనవరి మాసాల మధ్య ఆర్థిక వ్యవహారాల్లో కొంత నిరుత్సాహంగా ఉంటుంది. మనశ్శాంతి లోపిస్తుంది. విద్యార్థులకు చదువుల పట్ల శ్రద్ధ లోపిస్తుంది. గురువు ఈ ఏడాది 11, 12 స్థానాల్లో సంచరిస్తున్న ఫలితంగా ఆదాయం పెరుగుతుంది. వృత్తి, వ్యాపారాల్లో పురోగతిని సాధిస్తారు. సంతానం విషయంలో అభివృద్ధి, శుభకార్యాలకు అవకాశం ఉంది. వివాహ ప్రయత్నాలు ఫలిస్తాయి. విద్య, వైజ్ఞానిక, ప్రచురణలు, ప్రకటనలు, బోధన, న్యాయ, సినీ, రాజకీయ రంగాలలో ఉన్న వారికి ఆర్థికంగా ప్రోత్సాహం లభిస్తుంది. అక్టోబర్‌ నుంచి టెక్స్‌టైల్స్‌, చలనచిత్రాలు, మత్స్య, రవాణా, టైల్స్‌, ఫోటోగ్రఫి, వడ్రంగి రంగాల వారికి ప్రోత్సాహకరంగా ఉంటుంది. ఉద్యోగంలో స్థిరత్వం సాధిస్తారు. విదేశీ గమనానికి, విదేశాలలో ఉన్నతచదువుల కోసం చేసే ప్రయత్నాలు ఫలిస్తాయి. సెప్టెంబరు - జనవరిమాసాల మధ్య పెద్దల ఆరోగ్యం మందగించే అవకాశం ఉంది. ఆర్థిక వ్యవహారాల్లో ఆచితూచి వ్యవహరించాలి. ఖర్చులు అంచనాలు మించిపోతాయి. ఈ ఏడాది మీ జన్మరాశి నుంచి 10వ స్థానంలో శని సంచారం జరుగుతున్న ఫలితంగా వృత్తి, వ్యాపారాల్లో పురోగతిని సాధిస్తారు. ఆరోగ్యం మెరుగుపడుతుంది. ప్రమోషన్లు అందుకుంటారు. జీతభత్యాలు పెరుగుతాయి. తలపెట్టిన పనులు పూర్తవుతాయి. పై అధికారుల నుంచి ప్రశంసలు అందుకుంటారు. జూన్‌ నుంచి నవంబర్‌ వరకు శని వక్రించిన కారణంగా స్వయంకృషి, కార్యదీక్ష, ఓరమి, ఏకాగ్రత, నిదానం, పట్టుదలతో అవరోధాలను అధిగమించి మీరు అనుకున్న లక్ష్యాలను సాధిస్తారు. నూనెలు, ఇనుము, భూములు, ఖనిజాలు, అలంకార వస్తువులు, దుస్తులు, డెయిరీ వ్యాపారులకు ప్రోత్సాహకరంగా ఉంటుంది. వృత్తి, వ్యాపారాల్లో అదనపు బాధ్యతలు మోయాల్సిరావచ్చు. గుండెకు సంబంధించిన సమస్యలు బాధించే అవకాశం ఉంది. 2023 అక్టోబర్‌ నెలాఖరు వరకు 12-6 స్థానాల్లో, ఆ తరువాత 11-5 స్థానాల్లో రాహు, కేతువుల సంచారం కారణంగా ప్రమోషన్లు అందుకుంటారు. అదనపు ఆదాయం కోసం చేసే ప్రయత్నాలు ఫలిస్తాయి. మనసు ఆందోళనగా ఉంటుంది. వాహనాలు నడిపే సమయంలో నిదానం అవసరం. విలాస ఖర్చులు అధికం. విద్యలో కొన్ని ఆటంకాలు ఎదురైనా చివరకు సత్ఫలితాలను సాధిస్తారు. కుటుంబ సభ్యుల్లో ఒకరి ఆరోగ్యం మందగించే అవకాశం ఉంది. అపార్థాలు, కోపావేశాల కారణంగా సంబంధాలు దెబ్బతింటాయి. పెట్టుబడుల్లో ఆచితూచి వ్యవహరించాలి. శ్రీ లక్ష్మీగణపతి ఆరాధన వల్ల శుభ ఫలితాలను పొందుతారు.
మృగశిర 3,4; ఆరుద్ర; పునర్వసు 1,2,3 పాదాలు, ఆదాయం : 2, వ్యయం: 11, రాజపూజ్యం : 2, అవమానం : 4 మిథున రాశి వారు శ్రీ శోభకృత్‌ నామ సంవత్సరంలో వృత్తి, వ్యాపారాల్లో అభివృద్ధిని సాధిస్తారు. ఉన్నత పదవులకు అవకాశం ఉంది. నూతన ఉద్యోగ ప్రయత్నాలు ఫలిస్తాయి. ఆర్థిక విషయాల్లో పురోగతిని సాధిస్తారు. న్యాయ పోరాటాల్లో విజయం సాధిస్తారు. రాజకీయ, ప్రభుత్వ, సహకార రంగాలకు చెందిన వారికి ప్రోత్సాహకరంగా ఉంటుంది. ఇంట్లో శుభకార్యాలు జరుగుతాయి. విద్యార్థులకు ప్రోత్సాహకరంగా ఉంటుంది. వ్యాపార రంగంలోని వారు లక్ష్యాలు సాధిస్తారు. సెప్టెంబర్‌ - జనవరి మాసాల మధ్య పెద్దల ఆరోగ్యం కలవరపెడుతుంది. ఖర్చులు అధికమవుతాయి. శుభప్రదుడైన గురువు ఈ ఏడాది 10, 11 స్థానాల్లో సంచరిస్తాడు. ఫలితంగా కొత్త ఉద్యోగాల కోసం చేసే ప్రయత్నాలు ఫలిస్తాయి. వృత్తి, ఉద్యోగ, వ్యాపారాలలో పురోగతి కనిపిస్తుంది. అదనపు ఆదాయం కోసం చేసే యత్నాలు ఫలిస్తాయి. వ్యాపార రంగంలోని వారికి ఊహించని విధంగా లాభాలు వస్తాయి. అధికారం, హోదా, గౌరవ ప్రతిష్ఠలు పెరుగుతాయి. తల్లిదండ్రుల విషయంలో శుభపరిణామాలు కనిపిస్తాయి. రాజకీయ రంగంలోని వారు ఉన్నత పదవులు అందుకుంటారు. ఆర్థిక పరిస్థితి మెరుగుపడుతుంది. పిల్లల విషయంలో అభివృద్ధి కనిపిస్తుంది. శుభకార్యాలకు అవకాశం ఉంది. వివాహ యత్నాలు ఫలిస్తాయి. సెప్టెంబర్‌ నుంచి జనవరి వరకు చిన్నపాటి బదిలీలు, మార్పులు చేర్పులు అసౌకర్యం కలిగిస్తాయి. వృత్తి వ్యాపారాల్లో చికాకులు అధికం. తొందరపాటు నిర్ణయాల వల్ల నష్టపోయే అవకాశం ఉంది. ఈ సంవత్సరం శని 9వ స్థానంలో సంచరిస్తున్న ఫలితంగా స్థిరాస్తులు సమకూర్చుకుంటారు. వృత్తి, వ్యాపారాల్లో లక్ష్యాలు సాధిస్తారు. చేపట్టిన పనులు విజయవంతంగా పూర్తి చేస్తారు. చిన్నారుల వైఖరి ఉల్లాసం కలిగిస్తుంది. బంధుమిత్రుల సహకారంతో మీరు నిర్దేశించుకున్న లక్ష్యాలను సాధిస్తారు. జూన్‌ నుంచి నవంబర్‌ వరకు శని వక్రగమనంలో ఉన్నందున పై అధికారుల నుంచి ఒత్తిడిని ఎదుర్కొంటారు. వృత్తిపరంగా బాధ్యతలు అధికమౌతాయి. ఆర్థిక విషయాల్లో ఆచితూచి వ్యవహరించాలి. చిన్నారుల విషయాల పట్ల అధిక శ్రద్ధ చూపాలి. బంధుమిత్రులతో అపార్థాలు వచ్చే అవకాశం ఉంది. ఈ ఏడాది అక్టోబరు వరకు 11-5 స్థానాల్లో, ఆ తరువాత 10-4 స్థానాల్లో రాహు కేతువుల సంచారం కారణంగా ఆర్థిక విషయాల్లో ప్రోత్సాహకరంగా ఉంటుంది. వివాహ ప్రయత్నాలు ఫలిస్తాయి. అనవసర ఖర్చులు పెరుగుతాయి. మనసు చికాకుగా ఉంటుంది. క్రీడాకారులకు అనుకూలంగా ఉంటుంది. స్పెక్యులేషన్లు, ఆర్థిక లావాదేవీల్లో జాగ్రత్త వహించాలి. ప్రేమ వ్యవహారాల్లో చికాకులు, షేర్లు, భాగస్వామ్యాల్లో చిక్కులు ఎదురయ్యే అవకాశం ఉంది. ఉన్నత చదువుల కోసం చేసే యత్నాలకు ఆటంకాలు ఎదురవుతాయి. శ్రీ రామచంద్రుని ఆరాధన వల్ల లాభం కలుగుతుంది.
పునర్వసు 4; పుష్యమి, ఆశ్లేష, ఆదాయం : 11, వ్యయం : 8; రాజపూజ్యం : 5, అవమానం : 4 కర్కాటక రాశి వారికి శ్రీ శోభకృత్‌ నామ సంవత్సరంలో వృత్తి, వ్యాపారాల్లో పురోగతి కనిపిస్తుంది. కొత్త వ్యాపార ప్రారంభానికి అనుకూలం. చేస్తున్న వ్యాపారాన్ని అభివృద్ధి చేస్తారు. ఆర్థిక విషయాల్లో పురోగతి సాధిస్తారు. ఆరోగ్యం మెరుగవుతుంది. విదేశాలకు వెళ్లేందుకు చేసే ప్రయత్నాలు ఫలిస్తాయి. వాహనం సమకూర్చుకుంటారు. గృహ నిర్మాణ యత్నాలు ఫలిస్తాయి. సేవా కార్యక్రమాల్లో పాల్గొంటారు. ఉన్నత పదవులు అందుకుంటారు. షేర్ల లావాదేవీల్లో లాభాలు గడిస్తారు. గురువు వక్రగమనంలో ఉండే సెప్టెంబర్‌ - జనవరి మాసాల మధ్య ఆందోళనలు అధికమవుతాయి. వృత్తి పరమైన ఒత్తిడులకు లోనవుతారు. న్యాయ, ఆరోగ్యపరమైన సమస్యలు తలెత్తుతాయి. షేర్ల లావాదేవీల్లో తగు జాగ్రత్తలు తీసుకోవాలి. మీ జన్మరాశి నుంచి 9, 10 స్థానాల్లో గురు సంచారం వల్ల విద్య, ఉన్నత విద్య, విదేశీ వ్యవహారాలకు అనుకూలం. వృత్తి, వ్యాపారాల్లో శుభపరిణామాలు సంభవం. ప్రమోషన్లు సాధిస్తారు. వ్యాపార విస్తరణకు తగిన సమయం. న్యాయ, ఆధ్యాత్మిక, బోధన, పత్రికలు, రక్షణ, కన్సల్టెన్సీ, ఆడిటింగ్‌, కళా రంగాలలో ఉన్నవారికి ప్రోత్సాహకరం. సంతానప్రాప్తికి అనుకూలం. ఉన్నత విద్య, విదేశీ వ్యవహార రంగాలు, రవాణా, ప్లానింగ్‌, శిక్షణ రంగాల వారు లక్ష్యాలు సాధిస్తారు. వృత్తి, వ్యాపారాల్లో పురోగతి కనిపిస్తుంది. రాజకీయ రంగంలోని వారికి ఉన్నత పదవులు లభిస్తాయి. వాహనాలు కొనుగోలు చేస్తారు. ఉద్యోగంలో మార్పులకు అనుకూలం. విద్యార్థులు, క్రీడారంగంలోని వారికి శుభప్రదం. పెద్దల సలహాలు, సహకారంతో మీరు నిర్దేశించుకున్న లక్ష్యాలు సాధిస్తారు. సెప్టెంబర్‌ నుంచి జనవరి వరకు గురువు వక్రించిన కారణంగా మీ పురోగతి చూసి అసూయపడే వారు పెరుగుతారు. పెట్టుబడుల్లో జాగ్రత్త వహించాలి. వృత్తి, వ్యాపారాల్లో శ్రమాధిక్యం తప్పకపోవచ్చు. ఈ ఏడాది మీ జన్మరాశి నుంచి 8వ స్థానంలో శని సంచారం జరుగుతుంది. ఫలితంగా ఆర్థిక విషయాల్లో ప్రోత్సాహకరంగా ఉంటుంది. భూమి లేదా ఇల్లు కొనుగోలు చేస్తారు. ప్రమోషన్‌ అందుకుంటారు. పాత బకాయిలు వసూలవుతాయి. ఋణ ప్రయత్నాలు ఫలిస్తాయి. వ్యాపారంలో పురోగతి కనిపిస్తుంది. శ్రమకు తగిన ఫలితం అందుకుంటారు. జూన్‌ - నవంబర్‌ మాసాల మధ్య వ్యాపారంలో ఆర్థికపరంగా ఒడిదుడుకులు ఎదుర్కొంటారు. కోర్టు వ్యవహారాలు వాయిదా పడతాయి. క్రయ విక్రయాల్లో నిదానం అవసరం. కొత్త వ్యాపారాల ప్రారంభానికి తగిన సమయం కాదు. ఎవరినైనా నమ్మి డబ్బు ఇస్తే, అది తిరిగి వచ్చే అవకాశాలు తక్కువ. పై చదువులకు ఆటంకాలు ఏర్పడే అవకాశం ఉంది. పెద్దల ఆరోగ్యం కొంత ఆందోళన కలిగిస్తుంది. వెన్నునొప్పి బాధిస్తుంది. ఈ ఏడాది అక్టోబరు 30 వరకు 10, 4 స్థానాల్లో, ఆ తరువాత ఏడాది అంతా 9-3 స్థానాల్లో రాహు కేతువుల సంచారం ఫలితంగా వివాహ ప్రయత్నాలు ఫలిస్తాయి. ఋణప్రయత్నాలు ఫలిస్తాయి. స్నేహ బాంధవ్యాలు పెంపొందుతాయి. విలాసాల పట్ల ఆసక్తి చూపుతారు. ఉద్యోగ ప్రయత్నాలకు ఆటంకాలు ఎదురవుతాయి. పట్టుదలతో ప్రయత్నించి చివరకు విజయం సాధిస్తారు. ఒత్తిళ్లు ఎదుర్కొంటారు. ఆస్తుల వ్యవహారాలు, ఆర్థిక విషయాల్లో ఇబ్బందులు పడతారు. శ్రీ సుబ్రహ్మణ్య స్వామి ఆరాధన వల్ల శుభ ఫలితాలను పొందుతారు.
మఖ, పుబ్బ, ఉత్తర 1 పాదం, ఆదాయం : 14, వ్యయం : 2; రాజపూజ్యం : 1, అవమానం : 7 శ్రీ శోభకృత్‌ నామ సంవత్సరంలో సింహ రాశి వారు ఆర్థికంగా పురోభివృద్ధి సాధిస్తారు. ఉద్యోగ, వ్యాపారాల్లో మార్పు కోసం చేసే ప్రయత్నాలు ఫలిస్తాయి. పైచదువులు, విదేశీ గమనానికి అనుకూలం. వివాహ ప్రయత్నాలు ఫలిస్తాయి. జనసంబంధాలు విస్తరిస్తాయి. కొత్త వ్యాపారాల ప్రారంభానికి తగిన సమయం. ప్రకటనలు, ఏజెన్సీ రంగాల వారికి అనుకూలం. రాజకీయ, కళ, సినీ, రక్షణ, విద్య, ఐ.టి. రంగాల వారికి ప్రోత్సాహకరంగా ఉంటుంది. సెప్టెంబర్‌ - జనవరి మాసాల మధ్య ఆర్థిక విషయాల్లో ప్రోత్సాహకరం. ఆరోగ్యం మెరుగు పడుతుంది. విలువైన వస్తువులను సమకూర్చుకుంటారు. వివాహ ప్రయత్నాలు ఫలిస్తాయి. ఈ సంవత్సరం గురువు 8, 9 స్థానాల్లో సంచరిస్తున్న ఫలితంగా ఆరోగ్యం పట్ల శ్రద్ధ వహించాలి. ఉద్యోగ, వ్యాపారాల్లో మార్పుల కోసం ప్రయత్నిస్తారు. కొత్త వ్యాపార ప్రారంభంలో ఆచితూచి నిర్ణయం తీసుకోవాలి. ఋణదాతల నుంచి ఒత్తిడి పెరుగుతుంది. న్యాయ, ఆధ్యాత్మిక, బోధన, పత్రికలు, రాజకీయ రంగాల వారికి అనుకూలంగా ఉంటుంది. ప్రణాళికాబద్ధంగా వ్యవహరించి లక్ష్యాలు సాధిస్తారు. ఉద్యోగులు ఆర్థికంగా అభివృద్ధి సాధిస్తారు. ఉన్నత చదువుల కోసం చేసే ప్రయత్నాలు ఫలిస్తాయి. ఆరోగ్యం మెరుగు పడుతుంది. వైద్యరంగంలోని వారికి పురోగతి కనిపిస్తుంది. సెప్టెంబరు - జనవరి మాసాల మధ్య విద్యార్థుల చదువులు మందకొడిగా సాగుతాయి. ఉద్యోగ, వ్యాపారాల్లో మంచి ఫలితాలు సాధిస్తారు. న్యాయ సంబంధిత వ్యవహారాలు పరిష్కారమవుతాయి. ఈ ఏడాది సప్తమ స్థానంలో శని సంచారం ఫలితంగా వైవాహిక జీవితంలో చికాకులు ఎదురయ్యే అవకాశం ఉంది. అనుకోని బాధ్యతలు భుజానికి ఎత్తుకోవాల్సి రావచ్చు. పెట్టుబడులు పెట్టేటప్పుడు జాగ్రత్తలు పాటించాలి. విలాసాలకు ఖర్చులు చేయడం మానాలి. చెడు స్నేహాలకు దూరంగా ఉండాలి. బంధు మిత్రుల నుంచి మాటపడాల్సి వస్తుంది. వ్యాపార అభివృద్ధి కోసం చేసే ప్రయత్నాలకు ఆటంకాలు కలుగుతాయి. జూన్‌ - నవంబర్‌ మధ్య వేడుకలు, శుభకార్యాలకు అవకాశం ఉంది. స్థిరాస్తులు కొనుగోలు చేస్తారు. స్పెక్యులేషన్లు లాభిస్తాయి. జన సంబంధాలు విస్తరిస్తాయి. స్నేహానుబంధాలు బలపడతాయి. గుండె, నేత్ర సంబంధమైన సమస్యలు బాధిస్తాయి. ఈ ఏడాది 9 - 3, 8 - 2 స్థానాల్లో రాహుకేతువుల సంచారం కారణంగా వాహనాలు నడిపే సమయంలో జాగ్రత్త వహించాలి. విదేశీ ప్రయత్నాలకు ఆటంకాలు ఎదురవుతాయి. ఉద్యోగ, వ్యాపారాల్లో చికాకులు అధికం. బదిలీలు, మార్పులు అసౌకర్యం కలిగిస్తాయి. ఉద్యోగం మారేందుకు ప్రయత్నిస్తారు. కుటుంబ వ్యవహారాలు కొంత అశాంతి కలిగిస్తాయి. అనవసర ఖర్చులు పెరుగుతాయి. సోదరీసోదరులు, బంధుమిత్రులతో సఖ్యత లోపిస్తుంది. శ్రీ వేంకటేశ్వరస్వామి ఆరాధన శుభ ఫలితాలన్నిస్తుంది.
ఉత్తర 2,3,4; హస్త; చిత్త 1,2 పాదాలు, ఆదాయం : 2, వ్యయం : 11; రాజపూజ్యం : 4, అవమానం : 7 కన్యరాశి వారికి ఈ ఏడాది సంకల్పం సిద్ధిస్తుంది. ఆర్థిక పరిస్థితి ప్రోత్సాహకరంగా ఉంటుంది. ఉద్యోగ, వ్యాపారాల్లో అభివృద్ధి కనిపిస్తుంది. వివాహాది శుభకార్యాలు జరుగుతాయి. ప్రత్యర్థులపై విజయం సాధిస్తారు. వాహనం కొనుగోలు చేస్తారు. కంపెనీ వాటాల విలువ పెరుగుతుంది. బ్యాంకు డిపాజిట్లు, మ్యూచ్యువల్‌ ఫండ్‌లపై మంచి ప్రతిఫలాలు అందుకుంటారు. జనసంబంధాలు విస్తరిస్తాయి. సెప్టెంబర్‌ - జనవరి మాసాల మధ్య ఆర్థిక వ్యవహారాల్లో ఆచితూచి వ్యవహరించాలి. పందాలు, పోటీలు, షేర్ల లావాదేవీల్లో నిదానం పాటించాలి. ఖర్చులు అంచనాలు మించిపోతాయి. ఈ ఏడాది 7, 8 స్థానాల్లో గురుసంచారం ఫలితంగా వివాహాది శుభకార్యాలు జరుగుతాయి. వ్యాపారాన్ని విస్తరించే ప్రయత్నాలు ఫలిస్తాయి. శ్రీవారు, శ్రీమతి విషయాలలో పురోగతి కనిపిస్తుంది. స్నేహితులు, బంధువులు, అభిమానులు మీ లక్ష్య సాధనలో సహకరిస్తారు. స్పెక్యులేషన్లు, షేర్ల లావాదేవీల్లో లాభాలు గడిస్తారు. ఉమ్మడి వ్యాపారం లాభాలను చేకూరుస్తుంది. విద్యార్థులకు శుభప్రదమైన కాలం. విదేశీ ప్రయాణాలు చేస్తారు. ఆస్తులు పెంపొందించుకుంటారు. ప్రకటనలు, ఏజెన్సీ రంగాల వారికి అనుకూలం. రాజకీయ, కళా, సినీ, రవాణా, విద్య, ఐ.టి. రంగాల వారికి ప్రోత్సాహకరంగా ఉంటుంది. గురువు వక్రగమనంలో ఉన్న సెప్టెంబర్‌ - జనవరి నెలల మధ్య కాలంలో వైవాహిక జీవితంలో చిక్కులు ఎదురయ్యే అవకాశం ఉంది. ఉన్నత చదువుల్లో మొదట ఆటంకాలు ఎదురైనా చివరకు సత్ఫలితాలు సాధిస్తారు. వ్యాపార విస్తరణ ప్రయత్నాలకు ఆటంకాలు ఎదురవుతాయి. ఖర్చులు అధికమవుతాయి. అనవసర వివాదాలకు దూరంగా ఉండాలి. ఆర్థిక విషయాల్లో మోసపోయే అవకాశం ఉంది. ఆరోగ్యం పట్ల శ్రద్ధ చూపాలి. శని ఈ సంవత్సరం 6వ స్థానంలో సంచార ఫలితంగా వృత్తి, వ్యాపారాల్లో పురోగతి సాధిస్తారు. శ్రమకు తగిన ప్రతిఫలం అందుకుంటారు. వివాహ ప్రయత్నాలు ఫలిస్తాయి. ఆర్థిక విషయాల్లో ప్రోత్సాహకరంగా ఉంటుంది. వ్యాపార విస్తరణకు అవకాశం ఉంది. కొత్త ఆలోచనలు స్ఫురిస్తాయి. వైద్యం, ఫార్మా రంగాల వారికి ప్రోత్సాహకరంగా ఉంటుంది. శని వక్రించిన జూన్‌ - నవంబర్‌ మాసాల మధ్య పెట్టుబడుల్లో నష్టం సంభవించే అవకాశం ఉంది. రుణబాధలు అధికం అవుతాయి. వ్యాపార రంగంలోని వారికి నెమ్మదిగా పురోగతి కనిపిస్తుంది. ఆరోగ్యం పట్ల శ్రద్ధ చూపించాలి. ఉద్యోగులు అదనపు బాధ్యతలు భుజానికి ఎత్తుకోవాల్సి వస్తుంది. పట్టుదలతో పనిచేసి లక్ష్యాలు సాధిస్తారు. దూర ప్రయాణాలు చేస్తారు. బంధుమిత్రుల రాకపోకలు అధికంగా ఉంటాయి. ఆస్తి కొనుగోలు వ్యవహారాలు వాయిదా వేయడం మంచిది. అక్టోబరు వరకు 8-2 స్థానాల్లో, ఆ తరువాత 7-1 స్థానాల్లో రాహు, కేతువుల సంచారం కారణంగా ఆరోగ్యం పట్ల ప్రత్యేక శ్రద్ధ చూపాలి. ఆర్థిక విషయాల్లో తొందరపాటు నిర్ణయాలు తగవు. డబ్బు విషయంలో మోసపోయే అవకాశం ఉంది. క్రయవిక్రయాలకు ఏమాత్రం అనుకూల సమయం కాదు. క్రయవిక్రయాలకు ఏ మాత్రం అనుకూల సమయం కాదు. కీలక నిర్ణయాలను వాయిదా వేయడం మంచిది. గృహ నిర్మాణ వ్యవహారాలకు ఆటంకాలు ఎదురవుతాయి. మనసు చికాకుగా ఉంటుంది. శ్రీ దత్తాత్రేయస్వామి ఆరాధన వల్ల శుభ ఫలితాలు కలుగుతాయి.
చిత్త 3,4; స్వాతి; విశాఖ 1,2,3 పాదాలు, ఆదాయం : 14, వ్యయం : 11; రాజపూజ్యం : 7, అవమానం : 3 తులా రాశి వారు శ్రీ శోభకృత్‌ నామ సంవత్సరంలో వృత్తి, వ్యాపారాల్లో అభివృద్ధి సాధిస్తారు. కష్టానికి తగిన ప్రతిఫలం అందుకుంటారు. కాంట్రాక్టులు, ఫార్మా, వైద్య రంగాల వారు లక్ష్యాలు సాధిస్తారు. పెద్దలు, ప్రముఖులతో పరిచయాలు ఏర్పడతాయి. వివాహ ప్రయత్నాలు ఫలిస్తాయి. విద్యార్థులకు శుభప్రదం. బ్యాంకింగ్‌, షేర్‌మార్కెట్‌ రంగాల వారికి ప్రోత్సాహకరంగా ఉంటుంది. సెప్టెంబర్‌ - జనవరి మాసాల మధ్య ఆరోగ్యం పట్ల శ్రద్ధ చూపాలి. పెట్టుబడుల్లో ఆచితూచి ముందడుగు వేయాలి. ఉన్నత చదువుల కోసం చేసే ప్రయత్నాలకు ఆటంకాలు ఎదురవుతాయి. ఆర్థిక విషయాల్లో నిదానం అవసరం. ఈ ఏడాది మీ జన్మరాశి నుంచి 6, 7 స్థానాల్లో గురు సంచారం ఫలితంగా వ్యవసాయం, పరిశ్రమల రంగాల వారికి అనుకూలం. ఉద్యోగ, వృత్తి, వ్యాపారాల్లో కొన్ని ఆటంకాలు ఎదురైనా మొత్తం మీద పురోగతి కనిపిస్తుంది. ఆత్మవిశ్వాసంతో చేసే ప్రయత్నాలు సఫలమవుతాయి. హోటల్‌, ఆహార ఉత్పత్తులు, ఔషధాలు, ఆస్పత్రులు, కేటరింగ్‌, నిత్యావసరాల రంగాల వారికి ప్రోత్సాహకరంగా ఉంటుంది. ఆరోగ్యం పట్ల శ్రద్ధ అవసరం. ఇంట్లో శుభకార్యాలు జరుగుతాయి. ప్రత్యర్థులపై విజయం సాధిస్తారు. ఉమ్మడి వ్యాపారం లాభిస్తుంది. కుటుంబ సమస్యలు పరిష్కారమవుతాయి. సెప్టెంబర్‌ నుంచి జనవరి వరకు ఆరోగ్యం మెరుగు పడుతుంది. పెట్టుబడుల నుంచి మంచి ప్రతిఫలితం అందుకుంటారు. ఉన్నత విద్యా విషయంలో ఆటంకాలను అధిగమించి లక్ష్యాలు సాధిస్తారు. కొత్త పరిచయాలు లాభిస్తాయి. ఈ ఉగాది మొదలు మీ జన్మరాశి నుంచి 5వ స్థానంలో శని సంచారం కారణంగా ప్రేమ వ్యవహారాల్లో చికాకులు అధికం. విద్యార్థులు అశ్రద్ధ కారణంగా నష్టపోయే ప్రమాదం ఉంది. భారీ వ్యాపారాలకు, కొత్త ప్రాజెక్టుల ప్రారంభానికి అనుకూల సమయం కాదు. రావలసిన డబ్బు సకాలంలో అందక ఇబ్బందిపడతారు. ప్రియతములతో భేదాభిప్రాయాలు తలెత్తుతాయి. ప్రతిభకు తగిన గుర్తింపు లభించకపోవడంతో నిరాశకు గురవుతారు. శని వక్రగమనంలో వున్న జూన్‌ - నవంబర్‌ మాసాల మధ్య వృత్తి, వ్యాపారాల్లో ప్రోత్సాహకరంగా ఉంటుంది. ఆరోగ్యం మెరుపడుతుంది. ఫార్మా, వైద్యం, కేటరింగ్‌, రిటైల్‌, హోటల్‌ రంగాల వారికి శుభప్రదం. క్రీడాకారులకు అనుకూలం. ఒత్తిళ్ల కారణంగా ఆరోగ్యం మందగిస్తుంది. ఈ ఏడాది అక్టోబరు 30 వరకు 7 - 1 స్థానాల్లో, ఆ తరువాత 6 - 12 స్థానాల్లో రాహు కేతువుల సంచారం కారణంగా ఆరోగ్యం పట్ల శ్రద్ధ చూపాలి. వివాహ ప్రయత్నాలకు ఆటంకాలు ఎదురవుతాయి. పెట్టుబడులు, స్పెక్యులేషన్లలో నెమ్మది పాటించాలి. ఆర్థిక విషయాల్లో ఇతరులకు సాయం చేసే విషయంలో ఒకటి రెండుసార్లు ఆలోచించాలి. వివాహ సంబంధాల్లో ఒడిదుడుకులు ఎదురవుతాయి. ప్రేమానుబంధాలు బెడిసికొట్టే అవకాశం ఉంది. చికాకులు కారణంగా ఏ విషయం మీదా దృష్టి కేంద్రీకరించలేకపోతారు. పార్వతీదేవీ ఆరాధన సత్ఫలితాలను ఇస్తుంది.
విశాఖ 4, అనూరాధ, జ్యేష్ఠ, ఆదాయం : 5, వ్యయం : 5; రాజపూజ్యం : 3, అవమానం : 3 వృశ్చిక రాశి వారికి ఈ సంవత్సరం వృత్తి, వ్యాపారాల్లో ప్రోత్సాహకరంగా ఉంటుంది. పెద్దల సలహాలను అమలు చేసి అన్ని రంగాల్లో విజయం సాధిస్తారు. పొదుపు పథకాలపై మంచి ప్రతిఫలాలు అందుకుంటారు. ఋణభారం తగ్గుతుంది. బ్యాంకింగ్‌, ఫైనాన్స్‌, విద్యాసంస్థలు, ప్రకటనల రంగాల వారికి ప్రోత్సాహకరం. సినిమాలు, టెలివిజన్‌, క్రీడలు, సృజనాత్మక రంగాల వారు సత్ఫలితాలు అందుకుంటారు. ప్రేమానుబంధాలు బలపడతాయి. వ్యాపార విస్తరణ ప్రయత్నాలు ఒక కొలిక్కి వస్తాయి. విద్యార్థులకు శుభప్రదం. ఉన్నత చదువుల కోసం చేసే ప్రయత్నాలు ఫలిస్తాయి. సెప్టెంబర్‌ - జనవరి మాసాల మధ్య ఆరోగ్యం పట్ల శ్రద్ధ చూపాలి. పిల్లలకు సంబంధించిన విషయాల్లో శుభపరిణామాలు సంభవిస్తాయి. 5-6 స్థానాల్లో గురువు సంచారం కారణంగా ఈ ఏడాది సంతానం విషయంలో శుభపరిణామాలు సంభవిస్తాయి. ఉన్నత విద్యా ప్రయత్నాలు ఫలిస్తాయి. వాయిదా పడుతున్న పనులు పూర్తి చేస్తారు. ఆర్థిక విషయాల్లో పట్టుదలతో వ్యవహరించి మీరు అనుకున్న లక్ష్యాలు సాధిస్తారు. మీలోని సృజనాత్మకతకు తగిన అవకాశాలు లభిస్తాయి. శాస్త్ర, విజ్ఞాన రంగాల వారికి ప్రోత్సాహకరంగా ఉంటుంది. పిల్లల విద్య, వివాహం, వృత్తి విషయాలలో అభివృద్ధి కనిపిస్తుంది. ఉద్యోగ యత్నాలు ఫలిస్తాయి. వృత్తి, వ్యాపారాల్లో వికాసం కనిపిస్తుంది. పెద్దలతో పరిచయాలు లాభిస్తాయి. గురువు వక్రగమనంలో ఉన్న సెప్టెంబర్‌ - జనవరి మాసాల మధ్య విద్య, ఆరోగ్యం పట్ల ప్రత్యేక శ్రద్ధ చూపాలి. ఉదర సంబంధమైన అనారోగ్య సమస్యలు తలెత్తే అవకాశం ఉంది. ఈ ఏడాది జన్మరాశి నుంచి 4వ స్థానంలో శని గ్రహ సంచారం కారణంగా ప్రతి పనిలో ఆలస్యం, ఆటంకాలు ఎదురవుతాయి. స్నేహాల వల్ల చదువుల పట్ల అశ్రద్ధ చూపే అవకాశం ఉంది. ప్రేమ వ్యవహారాల్లో చిక్కులు, ఆటంకాలెదురైనా ఓరిమితో అందరినీ ఒప్పించేందుకు యత్నిస్తారు. ఉన్నత విద్య కోసం చేసే ప్రయత్నాలు నెమ్మదిగా ఫలిస్తాయి. విద్యార్థులు అశ్రద్ధ కారణంగా నష్టపోయే అవకాశం ఉంది. శని వక్రించిన జూన్‌ - నవంబర్‌ మధ్య ఆస్తి వ్యవహారాలు పరిష్కారం అవుతాయి. తల్లిదండ్రుల ఆరోగ్యం మెరుగవుతుంది. వాహనం కొనుగోలు కోసం చేసే ప్రయత్నాలు ఫలిస్తాయి. రియల్‌ ఎస్టేట్‌ రంగంలోని వారికి ప్రోత్సాహకరంగా ఉంటుంది. హార్డ్‌వేర్‌, కలప, ఫర్నిచర్‌ వ్యాపారులకు ప్రోత్సాహంగా ఉంటుంది. కొత్త స్నేహాలు చిగురుస్తాయి. ప్రేమనుబంధాలు బలపడతాయి. ఈ ఏడాది అక్టోబరు నెలాఖరు వరకు 6-12 స్థానాల్లో, ఆ తరువాత వచ్చే ఉగాది వరకు 5-11 స్థానాల్లో రాహుకేతువుల సంచారం కారణంగా స్నేహ బాంధవ్యాల్లో సమస్యలు తలెత్తే అవకాశం ఉంది. వైవాహిక జీవితంలో సమస్యలు తలెత్తుతాయి. చేపట్టిన పనులు పూర్తి కాకపోవడంతో ఒత్తిడికి లోనవుతారు. ఆరోగ్యం పట్ల శ్రద్ధ చూపించాలి. ఋణబాధలు అధికమవుతాయి. అనవసర ఖర్చులు పెరుగుతాయి. తొందరపాటు నిర్ణయాల వల్ల నష్టపోయే అవకాశం ఉంది. శ్రీ దక్షిణామూర్తి ఆరాధన శుభ ఫలితాలనిస్తుంది.
మూల, పూర్వాషాఢ, ఉత్తరాషాఢ 1 పాదం, ఆదాయం : 8, వ్యయం: 11; రాజపూజ్యం : 6, అవమానం : 3 ధనుస్సు రాశి వారు శ్రీ శోభకృత్‌ నామ సంవత్సరంలో స్థల సేకరణ, గృహనిర్మాణం కోసం చేసే ప్రయత్నాల్లో విజయం సాధిస్తారు. గృహ నిర్మాణం, రియల్‌ ఎస్టేట్‌ వ్యాపారాల వారు పురోగతి సాధిస్తారు. కుటుంబ వ్యవహారాలు ఉల్లాసం కలిగిస్తాయి. ఉద్యోగంలో పురోగతి సాధిస్తారు. ఉన్నత విద్యాభ్యాసానికి అనుకూలమైన కాలం. కొత్త ప్రాజెక్టులు ప్రారంభిస్తారు. పెద్దల ఆరోగ్యం మెరుగవుతుంది. ప్రేమలు ఫలిస్తాయి. పెద్దల సహకారంతో లక్ష్యాలు సాధిస్తారు. సెప్టెంబర్‌ - జనవరి మాసాల మధ్య ఖర్చులు అధికంగా ఉంటాయి. ఆస్తుల క్రయ విక్రయాల్లో చిక్కులు ఎదురవుతాయి. కుటుంబ సభ్యుల ఆరోగ్యం పట్ల శ్రద్ధ చూపించాలి. ఈ ఏడాది 4, 5 స్థానాల్లో బృహస్పతి గ్రహం సంచరిస్తున్న ఫలితంగా విలువైన వస్తువులు, ఆభరణాలు, స్థిరచరాస్తులు సమకూర్చుకుంటారు. ఇంట్లో వేడుకలు, వివాహాది శుభకార్యాలు జరుగుతాయి. పెద్దల ఆరోగ్యం మెరుగుపడుతుంది. స్థల సేకరణ, గృహ నిర్మాణానికి అనుకూలం. స్టీలు, సిమెంట్‌ ఇతర నిర్మాణ సామగ్రి వ్యాపారులు, ఫర్నీచర్‌ రంగాల వారు లాభాలు అందుకుంటారు. పై చదువుల కోసం చేసే ప్రయత్నాలు ఫలిస్తాయి. న్యాయ పోరాటాల్లో విజయం సాధిస్తారు. గురువు వక్రగమనంలో ఉండే సెప్టెంబర్‌ - జనవరి మధ్య రియల్‌ ఎస్టేట్‌, గృహనిర్మాణ రంగాల వారు ఆచితూచి వ్యవహరించాలి. ఆర్థిక విషయాల్లో ప్రతికూలత కనిపిస్తుంది. కుటుంబ సభ్యుల వైఖరి మనస్తాపం కలిగిస్తుంది. న్యాయ పరమైన సమస్యలు తలెత్తే అవకాశం ఉంది. పెద్దల ఆరోగ్యం పట్ల శ్రద్ధ చూపించాలి. ఉగాది మొదలు మీ జన్మరాశి నుంచి 3వ స్థానంలో శని సంచారం ఫలితంగా కోర్టు వ్యవహారాల్లో విజయం సాధిస్తారు. ఇల్లు, స్థలం కొనుగోలు చేస్తారు. కొత్త పనులు చేపట్టేందుకు ప్రయత్నిస్తారు. బదిలీలు, సీట్ల మార్పిడి వల్ల అసౌకర్యానికి లోనవుతారు. దానివల్ల ఆందోళన పెరిగినా, నెమ్మదిగా పరిస్థితులు సర్దుకుంటాయి. కుటుంబ విషయాల్లో చికాకులు అధికం. సంతానం విషయాలు ఆందోళన కలిగిస్తాయి. విద్యార్థులకు చదువుల పట్ల అశ్రద్ధ పెరుగుతుంది. విలాసాలకు వెచ్చిస్తారు. శని వక్ర గమనంలో ఉన్న జూన్‌ - నవంబర్‌ మాసాల మధ్య ఆస్తి సమస్యలు పరిష్కారమవుతాయి. బదిలీ యత్నాలు ఫలిస్తాయి. కుటుంబంలో ఆహ్లాదకర వాతావరణం నెలకొంటుంది. ఇంట్లో, కార్యాలయంలో బాధ్యతలు అధికం. కండరాలకు సంబంధించిన సమస్యలు బాధిస్తాయి. ఈ ఏడాది 5-11, 4-10 స్థానాల్లో రాహు కేతువుల సంచారం వల్ల రుణ బాధలు అధికమవుతాయి. ఆర్థిక విషయాల్లో ఒత్తిడికి లోనవుతారు. విద్యార్థులు లక్ష్యసాధన కోసం అధికంగా శ్రమించాలి. ఆరోగ్యం పట్ల శ్రద్ధ చూపించాలి. క్రయవిక్రయాల్లో ఆచితూచి వ్యవహరించాలి. ఉద్యోగంలో ఒత్తిళ్ల కారణంగా రాజీనామా దాకా వెళతారు. ఓరిమి వహిస్తే పరిస్థితి మెల్లగా సర్దుకుంటుంది. శ్రీకృష్ణుడి ఆరాధన శుభ ఫలితాలనిస్తుంది.
ఉత్తరాషాఢ 2,3,4; శ్రవణం; ధనిష్ఠ 1,2 పాదాలు, ఆదాయం : 11, వ్యయం : 5; రాజపూజ్యం : 2, అవమానం : 6 మకర రాశి వారికి ఈ ఉగాది నుంచి ఉద్యోగ, వ్యాపారాల్లో అభివృద్ధి కనిపిస్తుంది. ఆర్థిక పరిస్థితి ప్రోత్సాహకరంగా ఉంటుంది. గతంలో చేసిన శ్రమకు ప్రతిఫలం అందుకుంటారు. ఉన్నత చదువుల కోసం విదేశాలకు వెళ్లేందుకు చేసే ప్రయత్నాలు ఫలిస్తాయి. బదిలీ యత్నాలు ఫలిస్తాయి. ప్రచురణ, మార్కెటింగ్‌, రవాణా, స్టేషనరీ, ఏజెన్సీలు, విద్యారంగంలోని వారికి ప్రోత్సాహకరంగా ఉంటుంది. విద్యార్థులు లక్ష్యాలు సాధిస్తారు. కాంట్రాక్టులు, ఒప్పందాలు లాభిస్తాయి. వాహన వ్యాపారులు, కన్సల్టెంట్‌లు, రిప్రజెంటేటివ్‌లకు అనుకూలం. సెప్టెంబర్‌ - జనవరి మాసాల మధ్య విద్యార్థుల్లో అశ్రద్ధ పెరుగుతుంది. వాహనాలు నడిపేటప్పుడు జాగ్రత్త వహించాలి. గురువు 3-4 స్థానాలలో సంచారం ఫలితంగా వృత్తి, వ్యాపారాల్లో శుభపరిణామాలు చోటుచేసుకుంటాయి. అన్నదమ్ములు, స్నేహితులు, బంధువుల సహకారంతో లక్ష్యాలు సాధిస్తారు. స్టేషనరీ, రవాణా, పాఠశాలలు, మార్కెటింగ్‌ రంగాల వారికి ప్రోత్సాహకరంగా ఉంటుంది. దూర ప్రయాణాలకు అనుకూలం. ఉద్యోగ, వ్యాపారాల్లో చిన్నపాటి మార్పులు చేస్తారు. పెద్దల ఆరోగ్యం మెరుగుపడుతుంది. స్థిరాస్తులు సమకూర్చుకుంటారు. ఉద్యోగులకు ప్రశంసలు లభిస్తాయి. ఉద్యోగం చేస్తూ పై చదువులు చదివేందుకు అనుకూలం. గురువు వక్రించిన సెప్టెంబర్‌ - జనవరి మాసాల మధ్య వృత్తి, వ్యాపారాల్లో కొంత నిరుత్సాహకరంగా ఉంటుంది. ఉద్యోగ యత్నాలకు ఆటంకాలు ఎదురయ్యే అవకాశం ఉంది. గౌరవ మర్యాదలకు భంగం కలిగించే ప్రయత్నాలు జరుగుతాయి. వాగ్వివాదాలకు దూరంగా ఉండాలి. జన్మరాశి నుంచి 2వ స్థానంలో ఈ ఏడాది శని సంచారం జరుగుతుంది. ఫలితంగా వివాహ ప్రయత్నాలు ఫలిస్తాయి. ఉద్యోగ అవకాశాలు అధికం. ఆర్థిక విషయాల్లో నిదానం పాటించాలి. పెద్దల పట్ల శ్రద్ధ వహించాలి. అనవసర ఖర్చులు అధికమవుతాయి. ఆర్థిక విషయాల్లో మధ్యవర్తిత్వం కారణంగా మాటపడాల్సి వస్తుంది. డబ్బు సకాలంలో చేతికి అందక ఇబ్బంది పడతారు. ప్రమోషన్లు అందుకుంటారు. వ్యాపారంలో మొదట ఇబ్బందులు ఎదురైనా, చివరకు మంచి ఫలితాలు సాధిస్తారు. శని వక్రగమనంలో ఉన్న జూన్‌ నుంచి నవంబర్‌ వరకు ఆర్థిక విషయాల్లో కొంత పురోగతి కనిపిస్తుంది. పెట్టుబడులు లాభిస్తాయి. కాళ్లు, కండరాలకు సంబంధించిన సమస్యలు బాధిస్తాయి. ఈ ఏడాది అక్టోబరు వరకు 4-10 స్థానాల్లో ఆ తరువాత 3-9 స్థానాల్లో రాహు, కేతు సంచార ఫలితంగా పెద్దల ఆరోగ్యం పట్ల శ్రద్ధ చూపించాలి. మనశ్శాన్తి లోపిస్తుంది. ఆస్తి వ్యవహారాల్లో చికాకులు తలెత్తుతాయి. ఉద్యోగంలో స్థలమార్పిడికి అవకాశం ఉంది. వేరే ఉద్యోగం కోసం చేసే ప్రయత్నాలు ఫలించకపోవచ్చు. ఆస్తులు పెంపొందించుకుంటారు. కుటుంబ వ్యవహారాలు మనస్తాపం కలిగిస్తాయి. విద్యార్థులకు చదువుల పట్ల శ్రద్ధ లోపిస్తుంది. అనవసర విషయాల్లో జోక్యం చేసుకుని మాట పడతారు. రియల్‌ ఎస్టేట్‌ రంగం వారు జాగ్రత్త వహించాలి. అన్ని విషయాల్లో అలస్యాలు, ఆటంకాలు మీ ఓరిమిని పరీక్షిస్తాయి. శ్రీ దుర్గాదేవి ఆరాధనతో దోషాలు తొలిగి, పురోగతి సాధిస్తారు.
ధనిష్ఠ 3,4; శతభిషం; పూర్వాభాద్ర 1,2,3 పాదాలు, ఆదాయం : 11, వ్యయం : 5; రాజపూజ్యం : 5, అవమానం : 6 కుంభరాశి వారికి ఈ ఏడాది సంకల్పం నెరవేరుతుంది. ఆర్థిక పరిస్థితి ప్రోత్సాహకరంగా ఉంటుంది. ఉద్యోగంలో బదిలీలు, ప్రమోషన్లకు అవకాశం ఉంది. ఆస్తి వ్యవహారాలు ఒక కొలిక్కి వస్తాయి. సంతానం విషయంలో పురోగతి కనిపిస్తుంది. పెట్టుబడులు లాభిస్తాయి. వ్యాపారంలో అభివృద్ధి కనిపిస్తుంది. ఆరోగ్యం మెరుగవుతుంది. శుభకార్యాలకు అవకాశం ఉంది. సెప్టెంబరు - జనవరి మాసాల మధ్య తొందరపాటు నిర్ణయాల వల్ల ఆర్థికంగా నష్టపోయే అవకాశం ఉంది. ఆహార నియమాలు పాటించాలి. మీ జన్మరాశి నుంచి 2, 3 స్థానాల్లో గురుగ్రహ సంచారం కారణంగా ఆర్థిక పరిస్థితి ప్రోత్సాహకరంగా ఉంటుంది. స్థిర, చరాస్తులు, విలువైన వస్తువులు సమకూర్చుకుంటారు. వృత్తి, వ్యాపారాలలో లాభాలకు, ఉద్యోగంలో పురోగతికి అవకాశం ఉంది. ప్రస్తుతం చేస్తున్న వ్యాపారంలో చిన్నపాటి మార్పులు చేయడం వల్ల లాభాలు ఆర్జిస్తారు. కుటుంబ వ్యవహారాలు ఆనందం కలిగిస్తాయి. విద్యార్థులు పట్టుదలతో కృషి చేసి సత్ఫలితాలు సాధిస్తారు. సోదరీసోదరుల విషయాల్లో శుభపరిణామాలు సంభవిస్తాయి. అనుబంధాలు బలపడతాయి. సోదరులు, సన్నిహితులతో సదవగాహన ఏర్పడుతుంది. చేపట్టిన పనులు విజయవంతంగా పూర్తిచేస్తారు. విద్యాసంస్థలు, కన్సల్టెన్సీ, ఏజెన్సీల వారికి శుభప్రదం. ఉద్యోగం చేస్తూ చదువుకునేందుకు అనుకూలం. సెప్టెంబర్‌ - జనవరి మాసాల మధ్య గురువు వక్రించిన కారణంగా ఆర్థిక విషయాల్లో తొందరపాటు తగదు. వృత్తి, వ్యాపారాల్లో నిదానం పాటించాలి. రవాణా, కన్సల్టెన్సీ, విద్యారంగాల వారు జాగ్రత్తగా ముందడుగు వేయాలి. జన్మరాశిలో శని సంచారం వల్ల ఆరోగ్యం పట్ల శ్రద్ధ చూపించాలి. అన్ని పనుల్లో ఆటంకాలు ఎదురవుతాయి. మనసు చంచలంగా ఉంటుంది. ఏ విషయంలోనూ ఒక స్థిరమైన నిర్ణయానికి రాలేకపోతారు. విద్యార్థులు అశ్రద్ధ కారణంగా నష్టపోతారు. ఆర్థిక విషయాల్లో వివాదాలు తలెత్తే అవకాశం ఉంది. మంచికి పోతే చెడు ఎదురవుతుంది. బదిలీ కోసం మీరు చేసే ప్రయత్నాలకు ఆటంకాలు ఎదురవుతాయి. ఇతరుల ఆర్థిక విషయాలలో తలదూర్చి అనవసరమైన చిక్కుల్లో పడతారు. జూన్‌ నుంచి నవంబర్‌ వరకు ఆలస్యాలను, వైఫల్యాలను లెక్కచేయకుండా ప్రయత్నాలు కొనసాగించి మీరు అనుకున్న లక్ష్యాలను సాధిస్తారు. స్థిరచరాస్తులు సమకూర్చుకుంటారు. షుగర్‌ సమస్య బాధిస్తుంది. ఈ ఏడాది 3 - 9, 2 - 8 స్థానాల్లో రాహుకేతువుల సంచారం కారణంగా బదిలీలకు అవకాశం ఉంది. డ్రైవింగ్‌లో నిదానం పాటించాలి. ఈ ఏడాది ప్రథమార్థంలో కొన్ని ఆటంకాలు ఎదురైనా సంవత్సరాంతంలో పరిస్థితి మెరుగవుతుంది. ఉన్నత చదువుల్లో పట్టుదలతో శ్రమించి సత్ఫలితాలు సాధిస్తారు. ఓరిమితో వ్యవహరిస్తే విజయం మీ సొంతం అవుతుంది. శ్రీ ఆంజనేయస్వామి ఆరాధన శుభప్రదం.
పూర్వాభాద్ర 4; ఉత్తరాభాద్ర, రేవతి, ఆదాయం : 8, వ్యయం : 11; రాజపూజ్యం : 1, అవమానం : 2 మీన రాశి వారు శ్రీ శోభకృత్‌ నామ సంవత్సరంలో అన్ని విషయాల్లో పురోగతి సాధిస్తారు. ఆర్థిక పరిస్థితి ప్రోత్సాహకరంగా ఉంటుంది. ఆకస్మిక ధనలాభం కలుగుతుంది. వ్యక్తిగత ప్రతిష్ఠ పెరుగుతుంది. ఉన్నత చదువులు, విదేశీయానం కోసం మీరు చేసే ప్రయత్నాలు ఫలిస్తాయి. విద్యార్థులు విజయం సాధిస్తారు. బంధు మిత్రుల సహకారంతో నిర్దేశించుకున్న లక్ష్యాలను సాధిస్తారు. వైద్య, రాజకీయ, సినీరంగాల వారికి ప్రోత్సాహకరంగా ఉంటుంది. సెప్టెంబర్‌ - జనవరి మాసాల మధ్య అశాంతికి లోనవుతారు. పెట్టుబడుల్లో ఆచితూచి వ్యవహరించాలి. ఆరోగ్యం పట్ల శ్రద్ధ చూపించాలి. ఈ ఏడాది గురువు మీ జన్మరాశిలో ఆ తరువాత రెండవ స్థానంలో సంచరిస్తాడు. ఫలితంగా సృజనాత్మక ప్రతిభతో వినూత్నమైన ప్రాజెక్టులు చేపడతారు. ప్రమోషన్లకు అవకాశం ఉంది. ఉద్యోగ ప్రయత్నాలు ఫలిస్తాయి. ఆరోగ్యం కొంత మందగించే అవకాశం ఉంది. బదిలీలకు అవకాశం ఉంది. బాంధవ్యాలు బలపడతాయి. కొత్త భాగస్వామ్యాలు లాభిస్తాయి. శత్రువులు కూడా మిత్రులుగా మారతారు. ఉన్నత విద్య, విదేశీ గమనయత్నాలు ఫలిస్తాయి. ఇంట్లో ఒక శుభకార్యం జరుగుతుంది. ఆర్థికంగా ప్రోత్సాహకరం. ఆస్తిపాస్తులు పెంపొందించుకుంటారు. సంతతి విషయంలో శుభ పరిణామాలు సంభవం. విద్య, వైజ్ఞానిక ఆధ్యాత్మిక, సాంస్కృతిక, రాజకీయ రంగాల వారికి పురోగతి కనిపిస్తుంది. కుటుంబం విస్తరిస్తుంది. వ్యాపారంలో లాభాలకు అవకాశం ఉంది. గురువు వక్రించిన సెప్టెంబర్‌ - జనవరి మాసాల మధ్య ఆరోగ్యం కొంత మెరుగుపడుతుంది. విద్యార్థులు విద్య పట్ల శ్రద్ధ చూపాలి. కొత్త వ్యాపారాలు మందకొడిగా సాగుతాయి. ఈ ఏడాది 12వ స్థానంలో శని సంచారం ఫలితంగా అనవసర ఖర్చులు పెరుగుతాయి. బాధ్యతలు అధికమవుతాయి. వ్యాపారం నెమ్మదిగా సాగుతుంది. తీర్థయాత్రలు, దానధర్మాలకు, విలాసాలకు ఖర్చు చేస్తారు. ప్రేమలు ఫలిస్తాయి. బంధుమిత్రుల పరిధి విస్తరిస్తుంది. పెద్దల సలహాలతో ముందడుగు వేయాలి. జూన్‌ నుంచి నవంబర్‌ వరకు శని వక్రించిన ఫలితంగా ఆరోగ్యం మందగిస్తుంది. శిరోవేదన, నరాలు, కండరాలకు సంబంధించిన సమస్యలు ఎదుర్కొంటారు. కుటుంబ సభ్యులతో ఎడబాటు తప్పకపోవచ్చు. పోలీసు, రక్షణ రంగాల వారికి చిక్కులు ఎదురవుతాయి. ఈ ఏడాది అక్టోబరు వరకు 2-8 స్థానాల్లో, ఆ తరువాత 1-7 స్థానాల్లో రాహు కేతువుల సంచారం కారణంగా ఇల్లు, స్థలం కొనుగోలు చేస్తారు. ఖర్చులు మీ అంచనాలు మించుతాయి. భారీగా పెట్టుబడులకు ఈ ఏడాది దూరంగా ఉండటం శ్రేయస్కరం. వ్యాపార రంగంలో అంచనాలు తలకిందులవుతాయి. ఆర్థిక వ్యవహారాల్లో చిక్కులు ఎదురవుతాయి. ఆస్తిపాస్తుల విషయాల్లో వివాదాలకు ఆస్కారం ఉంది. ఉద్యోగ, వ్యాపారాల్లో ఒత్తిడికి లోనవుతారు. మీరు డబ్బు సహాయం చేస్తే సకాలంలో తిరిగి రాక ఇబ్బందులు ఎదుర్కొనే ఆస్కారం ఉంది. వాహనాలు నడిపే సమయంలో జాగ్రత్త అవసరం. శ్రీ సూర్యనారాయణుడి ఆరాధన వల్ల శుభం కలుగుతుంది.