CM Revanth Reddy: గ్రూప్ -2 అభ్యర్థులకు ఉద్యోగ నియామక పత్రాలు అందజేసిన సీఎం రేవంత్రెడ్డి
ABN, Publish Date - Oct 19 , 2025 | 06:43 AM
గ్రూప్ -2 పరీక్షలో ఉత్తీర్ణులైన అభ్యర్థులకు శనివారం నాడు శిల్ప కళావేదికలో ఉద్యోగ నియామక పత్రాలని తెలంగాణ ముఖ్యమంత్రి రేవంత్రెడ్డి అందజేశారు. రేపటి నుంచి ఈ సైన్యం తెలంగాణ పునర్ నిర్మాణంలో భాగస్వాములవుతారని వ్యాఖ్యానించారు. అమరవీరుల ఆశయ సాధన, ప్రజల ఆకాంక్షలను నెరవేర్చే బాధ్యతను తమ ప్రభుత్వం తీసుకుంటుందని సీఎం రేవంత్రెడ్డి వెల్లడించారు.
గ్రూప్ -2 పరీక్షలో ఉత్తీర్ణులైన అభ్యర్థులకు శనివారం నాడు శిల్ప కళావేదికలో ఉద్యోగ నియామక పత్రాలని తెలంగాణ ముఖ్యమంత్రి రేవంత్రెడ్డి అందజేశారు.
రేపటి నుంచి ఈ సైన్యం తెలంగాణ పునర్ నిర్మాణంలో భాగస్వాములవుతారని వ్యాఖ్యానించారు.
అమరవీరుల ఆశయ సాధన, ప్రజల ఆకాంక్షలను నెరవేర్చే బాధ్యతను తమ ప్రభుత్వం తీసుకుంటుందని వెల్లడించారు సీఎం రేవంత్రెడ్డి.
దసరాకు ముందు 562 మందికి గ్రూప్-1 నియామక పత్రాలు అందించామని, ఇప్పుడు దీపావళికి ముందు 783 మందికి గ్రూప్-2 నియామక పత్రాలు అందిస్తున్నామని సీఎం రేవంత్రెడ్డి పేర్కొన్నారు.
ఉద్యోగులూ.. తల్లిదండ్రులను సంరక్షించుకోవడం.. పుట్టి పెరిగిన ఊరును అభివృద్ధి చేసుకోవడం మన బాధ్యత అని ఉద్ఘాటించారు సీఎం రేవంత్రెడ్డి.
రక్తం చెమటగా మార్చి మిమ్మల్ని ఇంతవాళ్లను చేసిన తల్లిదండ్రులను మరిచిపోవద్దని సూచించారు.
ఉద్యోగులు ఎవరైనా వారి తల్లిదండ్రులను పట్టించుకోకపోతే.. వారి జీతంలో నుంచి 10 నుంచి 15 శాతం కోత విధిస్తామని హెచ్చరించారు సీఎం రేవంత్రెడ్డి.
ఆ మొత్తాన్ని వారి తల్లిదండ్రుల ఖాతాలో వేస్తానని చెప్పుకొచ్చారు సీఎం రేవంత్రెడ్డి.
ఒకటో తేదీన మీకు జీతం ఎలా వస్తుందో.. అలాగే ఆ మొత్తం మీ తల్లిదండ్రుల ఖాతాలో కూడా ఒకటో తేదీనే పడుతుందని స్పష్టం చేశారు సీఎం రేవంత్రెడ్డి.
ఈ మేరకు త్వరలో చట్టం తీసుకొస్తామని సీఎం రేవంత్రెడ్డి ప్రకటించారు.
ఇప్పటి వరకూ మీరు సామాన్యులని, ఈరోజు నుంచి అధికారులని, బాధ్యతను సమర్థంగా నిర్వహించి ‘రైజింగ్ తెలంగాణ - 2047’ విజన్ డాక్యుమెంట్కు అనుగుణంగా పనిచేయాలని పిలుపునిచ్చారు.
అభివృద్ధిలో తెలంగాణను దేశంలోనే ఆదర్శంగా నిలపాలని నిర్దేశించారు సీఎం రేవంత్రెడ్డి.
నిస్సహాయులకు సహాయం చేయాలని, పేదలకు అండగా నిలవాలని ఉద్బోధించారు.
ఉద్యోగాలను భర్తీ చేయడమే ప్రధాన లక్ష్యంగా తమ ప్రభుత్వం చిత్తశుద్ధితో వ్యవహరిస్తుందని సీఎం రేవంత్రెడ్డి స్పష్టం చేశారు.
Updated Date - Oct 19 , 2025 | 07:26 AM