Social media: వయసుతో సంబంధం లేకుండా.. అందరూ సోషల్ మీడియాకు బానిసలే..
ABN, Publish Date - Dec 28 , 2025 | 01:04 PM
2025లో ప్రపంచవ్యాప్తంగా 541 కోట్ల మంది సోషల్ మీడియాను ఉపయోగించారు. ప్రపంచ జనాభాలో ఇది 65.7 శాతంగా ఉంది. ఏటా 24 కోట్ల మంది కొత్త వినియోగదారులు సోషల్ మీడియాకు ఆకర్షితులవుతున్నారు.
- ఇదీ లెక్క!
సోషల్మీడియా చూపుతున్న ప్రభావం అంతా ఇంతా కాదు. సెలబ్రిటీల నుంచి సామాన్యుల దాకా అందరి జీవితంలో భాగంగా మారిపోయింది. వయసుతో సంబంధం లేకుండా అందరూ సోషల్ మీడియాకు బానిసలే. అందుకే ప్రతీ ఏటా వినియోగదారుల సంఖ్య రెట్టింపవుతోంది. ప్రపంచవ్యాప్తంగా ఈ ఏడాది సోషల్ మీడియాను ఉపయోగిస్తున్న వారి గణాంకాలను చూస్తే ఆశ్యర్యపోవాల్సిందే...
- 2025లో ప్రపంచవ్యాప్తంగా 541 కోట్ల మంది సోషల్ మీడియాను ఉపయోగించారు. ప్రపంచ జనాభాలో ఇది 65.7 శాతంగా ఉంది. ఏటా 24 కోట్ల మంది కొత్త వినియోగదారులు సోషల్ మీడియాకు ఆకర్షితులవుతున్నారు.
- సోషల్ మీడియాపై ఒక వ్యక్తి రోజూ వెచ్చిస్తున్న సమయం సగటున 143 నిమిషాలు. అంటే 2 గంటల 23 నిమిషాలు.
- సోషల్ మీడియాలో ఎక్కువగా ఉపయోగిస్తున్న వాటిల్లో ఫేస్బుక్ అగ్రస్థానంలో ఉంది. ఫేస్బుక్ని చూస్తున్న వారి సంఖ్య నెలకు సగటున 307 కోట్లుగా ఉంది. యూట్యూబ్ చూస్తున్న వారు 205 కోట్లు ఉంటే, ఇన్స్టాని వాడుతున్న వారి సంఖ్య 200 కోట్లుగా ఉంది.
- ఫేస్బుక్ని రోజూ ఉపయోగించే వారి సంఖ్య 201 కోట్లు ఉంటే, యూట్యూబ్ డైలీ వీక్షకుల సంఖ్య 12 కోట్లుగా ఉంది.
- 98 శాతం మంది మొబైల్ ఫోన్ల నుంచే సోషల్ మీడియా ప్లాట్ఫామ్స్ని యాక్సెస్ చేస్తున్నారు.
- నెలకు 61 కోట్ల మంది యూజర్లు ఎక్స్(ట్విటర్)ను వాడుతున్నారు. వార్తలు, పాలిటిక్స్, రియల్ టైమ్ కన్వర్సేషన్ కోసం ‘ఎక్స్’ను ఎక్కువగా వాడుతున్నారు.
- వాట్సప్ని ఉపయోగిస్తున్న వారి సంఖ్య 200 కోట్లకు పైనే ఉంది. లాటిన్ అమెరికా, ఆసియా, ఆఫ్రికాలో వాట్సప్ వినియోగదారుల సంఖ్య ఎక్కువగా ఉంది. ప్రైవేటు, గ్రూప్ కమ్యూనికేషన్ కోసం వాట్సప్ని అధికంగా వాడుతున్నారు.
వయసు ఆధారంగా సోషల్ మీడియాను చూస్తున్నవారి గణాంకాలివి...
- మిలీనియల్స్ (27-42) సుమారు 6.85 కోట్లు- ఫేస్బుక్, యూట్యూబ్, ఇన్స్టా, వాట్సప్
- జెన్ జెడ్ (11-26) సుమారు 5.64 కోట్లు - ఇన్స్టా, స్నాప్చాట్, టిక్టాక్
- జెన్ ఎక్స్ (43-58) సుమారు 5.2 కోట్లు - ఫేస్బుక్, యూట్యూబ్
- బేబీ బూమర్స్ (59-77) సుమారు 3.7 కోట్లు - ఫేస్బుక్, మెసేజింగ్ యాప్స్
ఈ వార్తలు కూడా చదవండి..
బ్రేకులే లేనట్టు దూసుకుపోతున్న పసిడి, వెండి!
ఆ మావోయిస్టులకు ఆశ్రయం ఇవ్వొద్దు
Read Latest Telangana News and National News
Updated Date - Dec 28 , 2025 | 01:33 PM
