IBPS 2025: IBPS PO ప్రిలిమ్స్ అడ్మిట్ కార్డ్ విడుదల.. ఆగస్టు 17 నుంచి పరీక్ష ప్రారంభం..
ABN, Publish Date - Aug 15 , 2025 | 03:30 PM
పీవో ప్రిలిమినరీ పరీక్షకు సంబంధించిన అడ్మిట్ కార్డును ఇండియన్ ఇన్స్టిట్యూట్ ఆఫ్ బ్యాంకింగ్ పర్సనల్ సెలక్షన్ (IBPS) విడుదల చేసింది. పరీక్ష ఆగస్టు 17, 23, 24 తేదీల్లో జరుగుతుంది. పరీక్ష కోసం రిజిస్టర్ చేసుకున్న అభ్యర్థులు అధికారిక వెబ్సైట్ను సందర్శించి తమ హాల్ టికెట్ డౌన్లోడ్ చేసుకోవచ్చు. అడ్మిట్ కార్డును డౌన్లోడ్ చేసుకోవడానికి..
IBPS PO Admit Card 2025: ఇండియన్ ఇన్స్టిట్యూట్ ఆఫ్ బ్యాంకింగ్ పర్సనల్ సెలక్షన్ (IBPS) ప్రొబేషనరీ ఆఫీసర్ (PO) ప్రిలిమినరీ ఎగ్జామినేషన్ కోసం అడ్మిట్ కార్డ్ను విడుదల చేసింది. అడ్మిట్ కార్డ్ కోసం ఆసక్తిగా ఎదురుచూస్తున్న అభ్యర్థులు ఇప్పుడు IBPS ibps.in అధికారిక వెబ్సైట్ను సందర్శించడం ద్వారా వారి అడ్మిట్ కార్డ్ను డౌన్లోడ్ చేసుకోవచ్చు. IBPS PO 2025 ప్రిలిమినరీ పరీక్షకు హాజరయ్యే అభ్యర్థులు అడ్మిట్ కార్డ్ డౌన్లోడ్ చేసుకోవడానికి రిజిస్ట్రేషన్ నంబర్, రోల్ నంబర్ వంటి సూచించిన లాగిన్ ఆధారాలను ఉపయోగించాలి.
IBPS ఇటీవల మొత్తం 5208 ప్రొబేషనరీ ఆఫీసర్ పోస్టులకు నోటిఫికేషన్ విడుదల చేసిన సంగతి తెలిసిందే. తాజాగా ప్రిలిమ్స్ పరీక్ష అడ్మిట్ కార్డులను రిలీజ్ చేసింది. 2025, ఆగస్టు 17, 23, 24 తేదీలలో దేశవ్యాప్తంగా వివిధ పరీక్షా కేంద్రాలలో ఈ పరీక్ష జరుగుతుంది. పరీక్షకు హాజరు కావడానికి అడ్మిట్ కార్డుతో పాటు చెల్లుబాటు అయ్యే గుర్తింపు కార్డు, పాస్పోర్ట్ సైజు ఫోటోను తీసుకెళ్లడం తప్పనిసరి. ఈసారి సబ్జెక్టుల మార్కుల పంపిణీలో ప్రిలిమినరీ పరీక్ష సరళి మార్చడమైనది.
క్వాంటిటేటివ్ ఆప్టిట్యూడ్ మార్కులను 35 నుంచి 30కి తగ్గించారు.
రీజనింగ్ ఎబిలిటీ మార్కులను 30 నుండి 40కి పెంచారు.
ప్రాథమిక పరీక్ష మొత్తం వ్యవధి, ప్రశ్నల సంఖ్యలో ఎటువంటి మార్పు లేదు.
ప్రిలిమినరీ పరీక్ష అడ్మిట్ కార్డ్ని ఎలా డౌన్లోడ్ చేసుకోవాలి
అడ్మిట్ కార్డును డౌన్లోడ్ చేసుకోవడానికి, అభ్యర్థులు ముందుగా అధికారిక వెబ్సైట్ను సందర్శించాలి.
'IBPS PO అడ్మిట్ కార్డ్' లింక్పై క్లిక్ చేయండి.
రిజిస్ట్రేషన్ నంబర్, రోల్ నంబర్ వంటి నిర్దేశించిన లాగిన్ ఆధారాలను నమోదు చేయండి.
చివరగా అడ్మిట్ కార్డును డౌన్లోడ్ చేసుకోండి.
ఎంపిక ప్రక్రియ
ఎంపిక ప్రక్రియ మూడు దశల్లో పూర్తవుతుంది. అభ్యర్థులను ప్రిలిమినరీ ఎగ్జామ్ (ప్రిలిమ్స్), తరువాత మెయిన్స్ ఎగ్జామ్ (మెయిన్స్), చివరకు ఇంటర్వ్యూ ద్వారా ఎంపిక చేస్తారు.
ఈ వార్తలు కూడా చదవండి..
JNTU: ఆ ఎంఓయూతో విద్యార్థులకు మేలే..
Engineering Admissions: సీఎస్ఈలో 5,261.. కోర్లో 6,075
Read Latest Educational News
Updated Date - Aug 15 , 2025 | 03:32 PM
