Ram Mohan Naidu: కీలక పాత్ర పోషించేందుకు ఏపీ సిద్ధం
ABN, Publish Date - May 14 , 2025 | 09:55 PM
Ram Mohan Naidu: ఆంధ్రప్రదేశ్లో షిప్పింగ్ అభివృద్ధికి చర్యలు తీసుకోవాలని కేంద్ర షిప్పింగ్ మంత్రి సోనోవాల్ను పౌర విమానయాన శాఖ మంత్రి రామ్మోహన్ నాయుడు కోరారు.
న్యూఢిల్లీ, మే 14: ఆంధ్రప్రదేశ్ను అన్ని రంగాలుగా అభివృద్ధి పరచాలని చంద్రబాబు సారథ్యంలోని కూటమి భావిస్తుంది. ఆ క్రమంలో కూటమి ప్రభుత్వం వ్యూహాత్మకంగా అడుగులు వేస్తుంది. సుదీర్ఘ తీర ప్రాంతం కలిగిన ఆంధ్రప్రదేశ్ను లాజిస్టిక్ హబ్గా అభివృద్ధికి ఉప్పు భూముల వినియోగాన్ని గుర్తించి వాటిని ఆప్టిమైజ్ చేయాల్సిన అవసరం ఉందని కేంద్ర షిప్పింగ్ శాఖ మంత్రి సోనోవాల్ దృష్టికి కేంద్ర పౌర విమానయాన శాఖ మంత్రి రామ్మోహన్ నాయుడు తీసుకు వెళ్లారు.
బుధవారం న్యూఢిల్లీలో షిప్పింగ్ శాఖ మంత్రి సోనోవాల్తో మంత్రి రామ్మోహన్ నాయుడు సమావేశమయ్యారు. 974 కిలోమీటర్ల సుదీర్ఘ తీరంతో పాటు 42 లక్షలకుపైగా మత్స్యకార సమాజం ఉన్న రాష్ట్రమని మంత్రి సోనోవాలాకు మంత్రి రామ్మోహన్ నాయుడు వివరించారు. దేశ సముద్ర ఆర్థిక వ్యవస్థలో కీలక పాత్ర పోషించేందుకు ఆంధ్రప్రదేశ్ రాష్ట్రం సిద్ధంగా ఉందని తెలిపారు.
ఓడరేవుల అభివృద్ధి ద్వారా సముద్ర ఆర్థిక వ్యవస్థను బలోపేతం చేయడంతోపాటు, మెరైన్ ఇన్నోవేషన్కు ఏపీ కేంద్ర బిందువుగా మారేలా చర్యలు తీసుకోవాలని షిప్పింగ్ మంత్రి సోనోవాలాను రామ్మోహన్ నాయుడు కోరారు. అలాగే శ్రీకాకుళం జిల్లాలో నౌకాశ్రయం, ఓడరేవుకు సంబంధించిన మౌలిక సదుపాయాల అభివృద్ధిపై ఇరువురు మంత్రులు చర్చించారు. ఈ భేటీకి ఏపీ ప్రభుత్వ పరిశ్రమలు, మౌలిక సదుపాయాల శాఖ కార్యదర్శి యువరాజ్ తదితరులు హాజరయ్యారు.
ఈ వార్తలు కూడా చదవండి..
Veeraiah Chowdary: వీరయ్య చౌదరి హత్య కేసు ఛేదించిన పోలీసులు.. పలువురి అరెస్ట్
AP Governor Justice Abdul Nazeer: ఏపీ గవర్నర్ జస్టిస్ అబ్దుల్ నజీర్కు అవమానం
Cinema Tickets Rates: సినిమా టికెట్ల ధరలపై ప్రభుత్వం కీలక నిర్ణయం
Operation Sindoor: మసూద్ అజార్కు రూ. 14 కోట్లు చెల్లించనున్న పాక్
Donald Trump: అమెరికాకు సౌదీ బహుమతి.. స్పందించిన ట్రంప్
Teachers in Class Room: క్లాస్ రూమ్లోనే దుకాణం పెట్టిన హెడ్ మాస్టర్లు.. వీడియో వైరల్
For AndhraPradesh News And Telugu News
Updated Date - May 14 , 2025 | 09:58 PM
