Mumbai Indians: పంజాబ్ జట్టుపై ఓడిన ముంబై..టాప్ 2లోకి చేరాలంటే ఇంకా ఎన్ని గెలవాలి
ABN, Publish Date - May 27 , 2025 | 07:32 AM
ఐపీఎల్ 2025 సీజన్ 18 రసవత్తరంగా కొనసాగుతోంది. పంజాబ్ కింగ్స్ అద్భుత ప్రదర్శనతో మళ్లీ వార్తల్లోకెక్కింది. 69వ మ్యాచ్లో ముంబై ఇండియన్స్(Mumbai Indians)పై 7 వికెట్ల తేడాతో గెలిచి టాప్ 2 రేసులో నిలిచింది. ఇదే సమయంలో ఓడిన ముంబై జట్టు టాప్ 2 రేసులో నిలవాలంటే ఎన్ని మ్యాచులు గెలవాలి, అవకాశాలు ఎలా ఉన్నాయనే విషయాలను ఇప్పుడు తెలుసుకుందాం.
2025 ఐపీఎల్ (ipl 2025) 69వ మ్యాచ్లో ముంబై ఇండియన్స్పై (Mumbai Indians) పంజాబ్ కింగ్స్ 7 వికెట్ల తేడాతో ఘన విజయం సాధించింది. ముంబై నిర్దేశించిన 185 పరుగుల లక్ష్యాన్ని పంజాబ్ కేవలం 18.3 ఓవర్లలో 3 వికెట్లు కోల్పోయి ఛేదించింది. శ్రేయాస్ అయ్యర్ నాయకత్వంలో పంజాబ్ బ్యాటర్లు అద్భుతంగా ఆడారు. ఈ విజయంతో పంజాబ్ కింగ్స్ 19 పాయింట్లతో పాయింట్స్ టేబుల్లో టాప్ 2లో స్థానం ఖాయం చేసుకుంది. ఈ క్రమంలో మే 29న ముల్లన్పూర్లోని న్యూ పీసీఏ స్టేడియంలో క్వాలిఫయర్-1 ఆడనుంది.
టాప్ 2లో నిలవాలంటే ముంబైకి ఏం కావాలి..
మరోవైపు ముంబై ఇండియన్స్ జట్టు 13 మ్యాచ్లలో 8 విజయాలతో 16 పాయింట్లతో నాలుగో స్థానంలో నిలిచింది. ఈ ఓటమి ముంబైని ఎలిమినేటర్ మ్యాచ్ ఆడేలా చేసింది. ఇది మే 30న జరగనుంది. పాయింట్స్ టేబుల్లో ప్రస్తుతం పంజాబ్ కింగ్స్ 19 పాయింట్లతో అగ్రస్థానంలో ఉండగా, గుజరాత్ టైటాన్స్ 18 పాయింట్లతో రెండో స్థానంలో ఉంది. రాయల్ ఛాలెంజర్స్ బెంగళూరు (RCB) 17 పాయింట్లతో మూడో స్థానంలో, ముంబై 16 పాయింట్లతో నాలుగో స్థానంలో కలదు. టాప్-2 జట్లు క్వాలిఫయర్-1లో ఆడతాయి. ఇందులో గెలిచిన జట్టు నేరుగా ఫైనల్కు చేరుకుంటుంది. ఓడిన జట్టుకు క్వాలిఫయర్-2లో మరో అవకాశం ఉంటుంది. మూడు, నాలుగో స్థానాల జట్లు ఎలిమినేటర్ ఆడతాయి. ఇందులో ఓడిన జట్టు టోర్నమెంట్ నుంచి నిష్క్రమిస్తుంది.
ఆర్సీబీ ఓడితే మాత్రం..
ముంబై ఇప్పటికే తమ చివరి లీగ్ మ్యాచ్ను పంజాబ్తో ఆడేసింది. కాబట్టి వారికి మరో మ్యాచ్ లేదు. టాప్-2లో నిలవాలంటే, ముంబైకి ఇతర జట్ల ఫలితాలపై ఆధారపడాల్సి ఉంటుంది. ప్రస్తుత సమీకరణాల ప్రకారం, ముంబై టాప్-2లో చోటు సంపాదించే అవకాశాలు లేవు. ఎందుకంటే పంజాబ్ ఇప్పటికే 19 పాయింట్లతో టాప్-2ను ఖాయం చేసుకుంది. గుజరాత్ 18 పాయింట్లతో ఉంది. అయితే, ఆర్సీబీ మే 27న లక్నో సూపర్ జెయింట్స్తో జరిగే మ్యాచ్లో ఓడిపోతే, ముంబైకి ఎలిమినేటర్లో మెరుగైన స్థానం లభించే అవకాశం ఉంది. ఆర్సీబీ గెలిస్తే, వారు 19 పాయింట్లతో టాప్-2లో చేరతారు. ముంబై నాలుగో స్థానంలోనే ఉంటుంది.
పోటీ జట్లు
ముంబై ఇప్పుడు ఎలిమినేటర్లో ఆర్సీబీ లేదా గుజరాత్ టైటాన్స్తో తలపడే అవకాశం ఉంది. ఈ రెండు జట్లు కూడా బలమైన ఫామ్లో ఉన్నాయి. గుజరాత్ టైటాన్స్ 14 మ్యాచ్లలో 9 విజయాలతో అగ్రస్థానంలో ఉంది. వారి నెట్ రన్ రేట్ (+1.292) ముంబై కంటే గణనీయంగా బలంగా ఉంది. ఆర్సీబీ 17 పాయింట్లతో ఉంది. వీరి చివరి మ్యాచ్ ఫలితం వారి స్థానాన్ని నిర్ణయిస్తుంది.
ఇవీ చదవండి:
టీసీఎస్ ఏఐ.క్లౌడ్ వ్యాపార విభజన
సీక్రెట్ కోడ్ ట్రిక్స్.. సైబర్ నేరాలకు చెక్..
మరిన్ని క్రీడా, తెలుగు వార్తల కోసం క్లిక్ చేయండి
Updated Date - May 27 , 2025 | 07:32 AM
