AP Cabinet Meet: ఏపీ కేబినెట్ భేటీ.. పలు కీలక అంశాలకు ఆమోదం
ABN, Publish Date - Oct 04 , 2025 | 06:47 AM
ఆంధ్రప్రదేశ్ ముఖ్యమంత్రి నారా చంద్రబాబు నాయుడు అధ్యక్షతన శుక్రవారం ఏపీ సచివాలయంలో మంత్రిమండలి సమావేశం జరిగింది. ఈ సమావేశంలో పలు కీలక అంశాలపై కేబినెట్తో చర్చించారు సీఎం చంద్రబాబు.
ఆంధ్రప్రదేశ్ ముఖ్యమంత్రి నారా చంద్రబాబు నాయుడు అధ్యక్షతన శుక్రవారం ఏపీ సచివాలయంలో మంత్రిమండలి సమావేశం జరిగింది.
ఈ సమావేశంలో పలు కీలక అంశాలపై కేబినెట్తో చర్చించారు సీఎం చంద్రబాబు.
రాజధాని అమరావతిలో పనుల వేగవంతం కోసం, ప్రత్యేక ప్రాజెక్టుల అమలు కోసం స్పెషల్ పర్పస్ వెహికల్ను (ఎస్పీవీ) ఏర్పాటు చేస్తూ రాష్ట్ర మంత్రి మండలి కీలక నిర్ణయం తీసుకుంది.
కంపెనీ చట్టం కింద దీనిని ఏర్పాటు చేస్తారు. అలాగే, గతంలో భూసేకరణ నోటిఫికేషన్ నుంచి 343.36 ఎకరాల భూమిని ఉపసంహ రించుకునేందుకు సీఆర్డీఏ కమిషనర్కు కేబినెట్ అనుమతి ఇచ్చింది.
నీటి సంఘాల సభ్యుల ఎంపికకు, అధ్యక్ష, ఉపాధ్యక్ష పదవులకు సంబంధించి ఇద్దరు పిల్లల నిబంధనను తొలగించింది.
ఇందుకోసం రూపొందించిన ముసాయిదా బిల్లుకు ఆమోదం తెలిపింది. ఇద్దరు కన్నా ఎక్కువ మంది పిల్లలున్నా, ఈ పదవుల్లో కొనసాగటానికి ఈ బిల్లు వీలు కల్పిస్తుంది.
రాజధాని అమరావతికి ల్యాండ్ పూలింగ్ కోసం కొందరు రైతులు భూములు ఇవ్వలేదు. వారి నుంచి భూసేకరణ చట్టం 2013 ద్వారా భూములు తీసుకోవాలని కేబినెట్లో నిర్ణయం తీసుకున్నారు.
కేబినెట్ సమావేశంలో హోంమంత్రి వంగలపూడి అనిత
Updated Date - Oct 04 , 2025 | 06:48 AM