New Year 2026 Vastu Tips: న్యూ ఇయర్ 2026.. ఈ 4 పనులు చేయకండి..
ABN, Publish Date - Jan 01 , 2026 | 03:30 PM
2026 నూతన సంవత్సరం మొదటి రోజు మనం చేసే పనులు, మన జీవితంపై దీర్ఘకాలిక ప్రభావం చూపుతాయి. అందుకే, ఈ రోజున మంచి పనులు చేయడం, శాంతి ఉండే విధంగా వ్యవహరించడం అత్యంత ముఖ్యమైనది.
ఇంటర్నెట్ డెస్క్: 2026 నూతన సంవత్సరం మొదలైంది. కొత్త సంవత్సరానికి కొత్త ఆశలు, ఆశయాలు ఉంటాయి. ఇది చాలా ప్రత్యేకమైన రోజు, ఎందుకంటే నమ్మకాల ప్రకారం, ఒక వ్యక్తి నూతన సంవత్సరం మొదటి రోజును ఎలా ప్రారంభిస్తాడో, ఆ ఏడాది మొత్తం వారి జీవితాన్ని, ఆరోగ్యాన్ని, అదృష్టాన్ని ప్రభావితం చేస్తుంది. అందుకే చాలామంది కొత్త సంవత్సరం మొదటి రోజున పూజలు నిర్వహిస్తారు. అయితే, వాస్తు నిపుణుల ప్రకారం 2026 నూతన సంవత్సరం ప్రారంభంలో కొన్ని పనులు చేయకూడదు. ఎందుకంటే, ఈ పనులు చేయడం వల్ల జీవితంలో అనేక సమస్యలు పెరిగే అవకాశం ఉందని అంటారు. నూతన సంవత్సరం మొదటి రోజున ఏ పనులు చేయకూడదో ఇప్పుడు తెలుసుకుందాం..
గొడవలు పడకండి
తగాదాలు, గొడవలు, విభేదాలు ఎప్పుడూ జీవితంలో సమస్యలను తీసుకువస్తాయి. లక్ష్మీ దేవి ఎప్పుడూ గొడవలు ఉన్న ఇంట్లో ఉండదు. కాబట్టి, నూతన సంవత్సరం మొదటి రోజున కోపంగా ఉండడం, గట్టిగా మాట్లాడడం, వాగ్వాదాలు చేయడం మానుకోవాలి. ఇలా చేయడం వల్ల ఏడాది మొత్తం సమస్యలు ఎదురవుతాయి.
చిరిగిన బట్టలు వేసుకోకండి
పాత, చిరిగిన బట్టలు వేసుకోవడం హిందూ నమ్మకాల ప్రకారం అనర్థాన్ని సూచిస్తుంది. నూతన సంవత్సరం మొదటి రోజున ఈ తరహా బట్టలు ధరించడం మంచిది కాదు. ఇలాంటి బట్టలు ధరించడం వల్ల లక్ష్మీదేవికి కోపం వస్తుందని, ఆర్థిక సమస్యలు కలుగుతాయని నమ్మకం ఉంది. కాబట్టి, కొత్త బట్టలు వేసుకోవడం ఉత్తమం.
ఇంటిని చీకటిగా ఉంచవద్దు
ఇంటి ప్రతి భాగం ఎప్పుడూ వెలుగుతో ఉండాలని అంటారు. ముఖ్యంగా, నూతన సంవత్సరం మొదటి రోజున, ఇంటిని చీకటిగా ఉంచకూడదు. ఈశాన్య దిశను వెలిగించడం చాలా మేలు చేస్తుంది. అలాగే, ఇంటి ప్రధాన ద్వారానికి, ఆలయానికి దీపం వెలిగించండి.
డబ్బు లావాదేవీలు చేయవద్దు
జ్యోతిష్య నిపుణుల ప్రకారం, నూతన సంవత్సరం మొదటి రోజున డబ్బు లావాదేవీలు చేయకూడదు. ఈ రోజున డబ్బు లావాదేవీలు చేయడం వల్ల ఆర్థిక సమస్యలు రావచ్చని నమ్ముతారు. అప్పు లావాదేవీలకు దూరంగా ఉండటం మంచిది.
(Note: ఇందులోని సమాచారం ఇంటర్నెట్ ఆధారంగా మీకు అందించడం జరుగుతుంది. కేవలం మీ అవగాహన కోసమే.. ABN ఆంధ్రజ్యోతి దీనిని ధృవీకరించలేదు )
Also Read:
న్యూ ఇయర్ పార్టీ.. ఇండియాలో బెస్ట్ బీచ్ డెస్టినేషన్స్ ఏవో తెలుసా?
కొలెస్ట్రాల్ పెరిగినప్పుడు శరీరంలో కనిపించే సంకేతాలు ఇవే.!
For More Latest News
Updated Date - Jan 01 , 2026 | 03:30 PM
