Gmail: జీమెయిల్ యూజర్లకు గుడ్న్యూస్..
ABN, Publish Date - Dec 28 , 2025 | 09:31 AM
గూగుల్ జీమెయిల్లో కొత్త ఫీచర్ వచ్చింది. ఈమెయిల్ అడ్రస్ మార్చుకోవచ్చు. కొత్త అకౌంట్ అవసరం లేదు. ఇప్పటివరకు జీమెయిల్ అడ్రస్ మార్చడం అసాధ్యం. కానీ ఇప్పుడు గూగుల్ కొత్త ఫీచర్ను రోల్ అవుట్ చేస్తోంది.
ఆంధ్రజ్యోతి, డిసెంబర్ 28: మనదేశంలో 82 శాతానికి పైగా ప్రజలు జీ మెయిల్ వాడుతున్నారు. అంటే దాదాపు 120 కోట్ల మంది. అయితే, యూజర్లు ఎన్నో రోజులుగా చూస్తున్న జీ-మెయిల్ ఐడీని (యూజర్నేమ్) మార్చుకునే అవకాశాన్ని ఇప్పుడు తీసుకొచ్చింది. ఇంత వరకూ కొత్తగా ఇ-మెయిల్ ఐడీని క్రియేట్ చేసుకోవడం తప్ప ఇంకో ఆప్షన్ లేదు. దీనివల్ల పాత డేటా కోల్పోవడం ఇష్టం లేనివారు దాన్నే వాడుతున్నారు.
దీంతో ఇ-మెయిల్ ఐడీని మార్చుకునే వెసులుబాటును గూగుల్ తీసుకొచ్చింది. గూగుల్కు సంబంధించిన సపోర్ట్ పేజీలో ఈ ఆప్షన్ కనిపిస్తోంది. చివర్లో @జీమెయిల్.కామ్ అలానే ఉంటూ అడ్రస్ను మార్చుకోవచ్చన్నమాట. కొత్త ఇ-మెయిల్ ఐడీని ఎంచుకున్నప్పటికీ.. దాన్ని పాత అకౌంట్గానే గూగుల్ పరిగణిస్తుంది. పాత మెయిల్ ఐడీకి వచ్చిన ఫొటోలు, మెసేజులు, ఇ-మెయిల్స్ పోతాయన్న బాధ లేదు. అయితే, ఒకసారి గూగుల్ ఐడీ మార్చుకున్నాక మళ్లీ ఏడాది వరకు మార్చుకునే వెసులుబాటు ఉండదు.
అంతేకాదు, ఒక్కక్క యూజర్ మొత్తంగా మూడుసార్లు మాత్రమే ఇ-మెయిల్ ఐడీని మార్చుకునే అవకాశం ఉంది. ప్రస్తుతానికి ఈ ఆప్షన్ అందరికీ అందుబాటులోకి రాలేదు. కొందరికి మాత్రమే ఈ ఆప్షన్ రోలవుట్ చేసినట్లు తెలుస్తోంది. రాను రాను అందరికీ ఈ అవకాశం లభిస్తుంది.
ఇవి కూడా చదవండి
ఇది మృత్యువుతో ఆడుకోవడం కాక మరేంటి.. ఈ మహిళల ప్రమాదకర విన్యాసం చూస్తే..
పెళ్లిలో ఊహించని సంఘటన.. భర్తను ముద్దు పెట్టుకున్న మాజీ ప్రియురాలిపై..
Updated Date - Dec 28 , 2025 | 12:11 PM
