Shikhar Dhawan: కొత్త గర్ల్ఫ్రెండ్ గురించి చెప్పేసిన ధవన్.. ఆమెనే ప్రేయసి అంటూ..
ABN, Publish Date - Apr 03 , 2025 | 11:57 AM
Shikhar Dhawan Girlfriend: టీమిండియా మాజీ ఓపెనర్ శిఖర్ ధవన్ తన రిలేషన్షిప్ గురించి ఓ హింట్ ఇచ్చాడు. ఆమెనే తన కొత్త ప్రేయసి అని బయటపెట్టాడు. మరి.. ధవన్ కొత్త గర్ల్ఫ్రెండ్ ఎవరనేది ఇప్పుడు చూద్దాం..
టీమిండియా వెటరన్ ఓపెనర్ శిఖర్ ధవన్ క్రికెట్కు దూరమై చాన్నాళ్లు అవుతోంది. అయితే ఇతర విషయాల వల్ల అతడు వార్తల్లో నిలుస్తున్నాడు. ముఖ్యంగా చాంపియన్స్ ట్రోఫీ-2025 సమయంలో ధవన్ సోషల్ మీడియాలో బాగా వైరల్ అయ్యాడు. విడాకుల తర్వాత ఒంటరిగా ఉంటున్న ఈ సీనియర్ ప్లేయర్.. చాంపియన్స్ ట్రోఫీలో ఓ అందమైన అమ్మాయితో కలసి కనిపించాడు. దీంతో ఆమె అతడి కొత్త గర్ల్ఫ్రెండ్ అంటూ రూమర్స్ వినిపించాయి. అయితే ఆ తర్వాత వాళ్లు మళ్లీ జంటగా కనిపించకపోవడంతో వాటికి తాత్కాలికంగా బ్రేక్ పడింది. అయితే తాజాగా దీనిపై ధవన్ హింట్ ఇవ్వడంతో మళ్లీ రూమర్స్ జోరందుకున్నాయి. ఇంతకీ అతడు ఏమన్నాడంటే..
నా గర్ల్ఫ్రెండ్ తనే..
చాంపియన్స్ ట్రోఫీ మ్యాచుల సమయంలో ధవన్ పక్కన ఓ మిస్టరీ గర్ల్ కనిపించింది. ఆమె పేరు సోఫీ షైన్ అని, తనది ఐర్లాండ్ అని వినిపించింది. ధవన్తో ఆ అమ్మాయి డేటింగ్ చేస్తున్నట్లు పుకార్లు వినిపించాయి. అయితే దీనిపై అటు ఆ మిస్టరీ గర్ల్ గానీ ఇటు ధవన్ గానీ రియాక్ట్ కాకపోవడం, మళ్లీ ఎక్కడా జంటగా కనిపించకపోవడంతో దీన్ని అంతా మర్చిపోయారు. అయితే తాజాగా తన న్యూ రిలేషన్షిప్పై ధవన్ ఓపెన్ అయ్యాడు. ఓ ఇంటర్వ్యూలో భాగంగా అతడు మాట్లాడుతూ.. తాను ఎవరి పేరు తీసుకోబోనని, అయితే ఈ గదిలోని అత్యంత అందమైన అమ్మాయే తన గర్ల్ఫ్రెండ్ అని చెప్పాడు.
సేమ్ టు సేమ్
ధవన్ మాటలతో అలర్ట్ అయిన కెమెరామెన్.. ఆ రూమ్లోని ఓ అమ్మాయిపై ఫోకస్ చేయగా.. చాంపియన్స్ ట్రోఫీలో హల్చల్ చేసిన సోఫీలాగే ఉండటంతో ధవన్ తన లవ్ కన్ఫర్మ్ చేశాడనే అభిప్రాయాలు వ్యక్తం అవుతున్నాయి. ధవన్ ఎక్కడికి వెళ్లినా నయా గర్ల్ఫ్రెండ్ను తీసుకొనే వెళ్తున్నాడని.. దీనిపై రూమర్స్కు ఫుల్స్టాప్ పెడదామనే ఉద్దేశంతోనే ఈ రూమ్లో ఉన్న మోస్ట్ బ్యూటిఫుల్ గర్ల్ అంటూ హింట్ ఇచ్చాడని సోషల్ మీడియాలో నెటిజన్స్ అంటున్నారు. మరి.. వీళ్ల ప్రేమ వ్యవహారం ఎక్కడి వరకు వెళ్తుందో చూడాలి.
ఇవీ చదవండి:
స్టార్ యాక్టర్పై కోహ్లీ ఫ్యాన్స్ సీరియస్
మరిన్ని క్రీడా, తెలుగు వార్తల కోసం క్లిక్ చేయండి
Updated Date - Apr 03 , 2025 | 12:01 PM
