చందానగర్ పోలీస్ స్టేషన్ పరిధిలో భారీ అగ్నిప్రమాదం..
ABN, Publish Date - Dec 18 , 2025 | 04:18 PM
హైదరాబాద్లోని చందానగర్ పోలీస్ స్టేషన్ పరిధిలో గురువారం అగ్నిప్రమాదం సంభవించింది. లింగంపల్లి రైల్వే స్టేషన్ పక్కనే ఉన్న 52 అంతస్తుల భారీ భవన నిర్మాణం జరుగుతుంది. ఈ భవన నిర్మాణ కార్మికుల కోసం ఏర్పాటు చేసిన గుడిసెలో వంట గ్యాస్ సిలిండర్ భారీ శబ్దంతో పేలింది.
హైదరాబాద్లోని చందానగర్ పోలీస్ స్టేషన్ పరిధిలో గురువారం అగ్నిప్రమాదం సంభవించింది.
లింగంపల్లి రైల్వే స్టేషన్ పక్కనే ఉన్న 52 అంతస్తుల భారీ భవన నిర్మాణం జరుగుతుంది. ఈ భవన నిర్మాణ కార్మికుల కోసం ఏర్పాటు చేసిన గుడిసెలో వంట గ్యాస్ సిలిండర్ భారీ శబ్దంతో పేలింది.
దీంతో మంటలు వ్యాపించాయి. స్థానికులు, కార్మికులు వెంటనే అగ్నిమాపక సిబ్బందితోపాటు పోలీసులకు సమాచారం అందించారు.
అగ్నిమాపక శకటాలతో సహా సిబ్బంది ఘటన స్థలానికి చేరుకుని.. మంటలను అదుపులోకి తీసుకు వచ్చారు.
సహాయక చర్యలు కొనసాగుతున్నాయి.
ఈ ప్రమాదంపై పోలీసులు కేసు నమోదు చేసి దర్యాప్తు చేస్తున్నారు.
అయితే ఈ ప్రమాదంలో ఎవరైనా మరణించారా? గాయపడ్డారా? అనేది తెలియ రాలేదు.
ఈ గుడిసెలు అన్ని ఇనుప రేకులతో ఏర్పాటు చేశారు. సహాయక చర్యల్లో భాగంగా వాటిని తొలగిస్తున్నారు.
Updated Date - Dec 18 , 2025 | 04:25 PM