CM Nitish kumar: బిహార్లో కొలువు తీరిన నితీశ్ సర్కార్..
ABN, Publish Date - Nov 20 , 2025 | 09:14 PM
బిహార్లో ఎన్డీయే ప్రభుత్వం కొలువు తీరింది. ముఖ్యమంత్రిగా జేడీ (యూ) అధినేత నితీశ్ కుమార్ గురువారం పదోసారి ప్రమాణస్వీకారం చేశారు. రాజధాని పాట్నాలోని గాంధీ మైదానంలో నితీశ్ కుమార్తోపాటు పలువురు ఎమ్మెల్యేల చేత ఆ రాష్ట్ర గవర్నర్ ఆరిఫ్ మహమ్మద్ ఖాన్ ప్రమాణం చేయించారు.
బిహార్లో ఎన్డీయే ప్రభుత్వం కొలువు తీరింది. ముఖ్యమంత్రిగా జేడీ (యూ) అధినేత నితీశ్ కుమార్ గురువారం పదోసారి ప్రమాణస్వీకారం చేశారు. రాజధాని పాట్నాలోని గాంధీ మైదానంలో నితీశ్ కుమార్తోపాటు పలువురు ఎమ్మెల్యేల చేత ఆ రాష్ట్ర గవర్నర్ ఆరిఫ్ మహమ్మద్ ఖాన్ ప్రమాణం చేయించారు. సామ్రాట్ చౌదరి, విజయ్ కుమార్ సిన్హాలకు ఉప ముఖ్యమంత్రి పదవులు దక్కాయి.
ఈ ప్రమాణ స్వీకార కార్యక్రమానికి ప్రధాని మోదీతోపోటు కేంద్ర మంత్రులు అమిత్ షా, రాజ్నాథ్ సింగ్, జేపీ నడ్డా తదితరులు హాజరయ్యారు.
ఏపీ సీఎం చంద్రబాబుతోపాటు ఎన్డీయే పాలిత రాష్ట్రాల ముఖ్యమంత్రులు పాల్గొన్నారు.
బిహార్ అసెంబ్లీలో మొత్తం 243 స్థానాలకు రెండు విడతలుగా పోలింగ్ జరిగింది. ఈ అసెంబ్లీ ఫలితాలు నవంబర్ 14న వెలువడ్డాయి. ఈ ఎన్నికల్లో ఎన్డీయే 202 సీట్లు దక్కించుకుంది. ఈ ఎన్నికల్లో బీజేపీ 89 స్థానాల్లో విజయం సాధించింది. ప్రశాంత్ కిషోర్ పార్టీ ఒక్క స్థానాన్ని సైతం కైవసం చేసుకోకపోవడం గమనార్హం.
Updated Date - Nov 20 , 2025 | 09:14 PM