1. • Home » Lifestyle » Lose Weight in 15 Days by Doing This Every Night Before Bed Says Expert Mouni

Weight Loss: రాత్రిపూట ఈ పని చేస్తే చాలు..15 రోజుల్లోనే స్లిమ్ అవుతారు!

బిజీ లైఫ్‌ వల్ల ప్రజలకు ఆరోగ్యాన్ని జాగ్రత్తగా చూసుకోవడం కష్టంగా మారింది. లైఫ్ స్టైల్ మారడం వల్ల అధిక బరువు సమస్యతో బాధపడే వారు ఎక్కువవుతున్నారు. అలాంటి వారు రోజూ నిద్రపోయే ముందు ఈ ఒక్క పని చేస్తే చాలు. ఈ సింపుల్ ట్రిక్ ద్వారా కేవలం 15 రోజుల్లోనే బరువు తగ్గుతారు.

నేటి బిజీ జీవితంలో ఆరోగ్యాన్ని జాగ్రత్తగా చూసుకోవడం ఒక సవాలుగా మారుతోంది. తప్పుడు ఆహారపు అలవాట్లు, అనారోగ్యకరమైన జీవనశైలి కారణంగా ప్రజలు వివిధ వ్యాధుల బారిన పడుతున్నారు. నిశ్చల జీవనశైలి, వ్యాయామం లేకపోవడం వల్ల మధుమేహం, గుండె జబ్బుల ప్రమాదం ముంచుకొస్తోంది. దీనితో పాటు ఊబకాయం సమస్య కూడా వేగంగా పెరుగుతోంది. భారతదేశంలో ప్రతి ఎనిమిది మందిలో ఒకరు ఊబకాయంతో బాధపడుతున్నారంటే పరిస్థితి ఎలా ఉందో అర్థం చేసుకోవచ్చు. మరో ఆందోళనకరమైన విషయం ఏమిటంటే పిల్లలలో కూడా ఊబకాయం సమస్య తీవ్రంగా మారుతోంది. చాలా మంది బరువు తగ్గడానికి వివిధ చర్యలు తీసుకుంటారు. కానీ వారి ప్రయత్నాలు విజయవంతం కావడం లేదు. ఇలాంటి సందర్భం మీకూ ఎదురైతే రోజూ రాత్రిపూట ఈ సింపుల్ ట్రిక్ ఫాలో అవ్వండి చాలు. కేవలం 15 రోజుల్లోనే ఫలితం కనిపిస్తుంది.

బరువు పెరగడం ఎంత సులభమో, బరువు తగ్గడం కూడా అంతే కష్టం. శరీరంలో పేరుకుపోయిన అదనపు కొవ్వును తగ్గించడానికి చాలా మంది వివిధ రకాల ఆహారాలను అనుసరిస్తారు. ప్రతిరోజూ జిమ్‌కు వెళ్లి గంటల తరబడి చెమటలు కక్కుతూ కష్టపడతారు. కానీ కొన్నిసార్లు కఠినమైన డైట్లు, వర్కవుట్లు ఏవీ బరువును తగ్గించలేవు. డబ్బు ఖర్చు చేసినా ఫలితం మాత్రం శూన్యం అన్నట్టే ఉంటుంది. ఇలాంటి వారికోసం బరువు తగ్గిస్తూనే.. ఉత్సాహాన్ని పెంచే కొన్ని పానీయాలు ఉన్నాయి. ఈ డ్రింక్స్ శరీరాన్ని హైడ్రేట్ చేయడంతో పాటు పోషకాలను అందిస్తాయి. జీవక్రియను పెంచుతాయి. రాత్రిపూట ఈ పానీయాలను తాగితే 2 వారాల్లోనే బరువును తగ్గించుకోవచ్చు.

పుదీనా టీ

పుదీనా టీ తాగడం వల్ల జీర్ణక్రియ మెరుగుపడుతుంది. పడుకునే ముందు ఒక కప్పు పుదీనా టీ తాగడం వల్ల బాగా నిద్రపడుతుంది. పుదీనా టీ కూడా కేలరీలను వేగంగా బర్న్ చేయడానికి సహాయపడుతుంది. జీవక్రియ మెరుగుపడుతుంది. ఆకలిని నియంత్రిస్తుంది. ఫలితంగా, బరువు తగ్గుతారు.

దాల్చిన చెక్క నీరు

యాంటీఆక్సిడెంట్, యాంటీ ఇన్‌ఫ్లమేటరీ గుణాలు అధికంగా ఉండే దాల్చిన చెక్క రక్తంలో చక్కెరను నియంత్రిస్తుంది. మీరు ప్రతి రాత్రి ఒక కప్పు దాల్చిన చెక్క నీరు తాగితే శరీరం కేలరీలను వేగంగా బర్న్ చేస్తుంది.

మెంతి నీరు

మెంతిలో జీవక్రియను పెంచే, శరీరం నుంచి విషాన్ని తొలగించే బయోయాక్టివ్ సమ్మేళనాలు ఉంటాయి. ఇది బరువును నియంత్రించడాన్ని సులభతరం చేస్తాయి. రక్తపోటు కూడా నియంత్రణలో ఉంటుంది. రక్తహీనత ప్రమాదం తగ్గుతుంది.

అల్లం, పసుపు నీరు

అల్లం, పసుపులో కర్కుమిన్ ఉంటుంది. ఇది చర్మానికి కూడా మంచిది. బరువును అదుపులో ఉంచుతుంది.

జీలకర్ర టీ

జీలకర్ర టీ బరువు తగ్గడానికి ప్రయోజనకరంగా ఉంటుందని చెబుతారు. ఇందులో యాంటీఆక్సిడెంట్లు పుష్కలంగా ఉంటాయి. జీలకర్ర కండరాలను సడలించడంలో కూడా ప్రభావవంతంగా పనిచేస్తుంది. ఇది ఫైబర్, ఐరన్, కాపర్, కాల్షియం, పొటాషియం, మెగ్నీషియం, జింక్, మెగ్నీషియం, విటమిన్ ఎ, సి, ఇ, బి కాంప్లెక్స్ వంటి విటమిన్లకు మంచి మూలం. జీలకర్ర జీర్ణక్రియకు చాలా మంచిది. అపానవాయువు, అజీర్ణం, గ్యాస్, బరువు తగ్గడంలో ప్రభావవంతంగా ఉంటుంది. ఈ టీ తయారీ కోసం పుదీనా, జీలకర్ర, అల్లం తీసుకోవాలి. వీటన్నింటినీ కలిపి కనీసం10 నిమిషాలు మరిగించాలి. డిన్నర్ తర్వాత అర కప్పు ఈ నీరు తాగాలి.

గ్రీన్ టీ

బరువు తగ్గాలని కోరుకునే చాలామంది గ్రీన్ టీ తాగడానికి ఇష్టపడతారు. సాధారణంగా ఎక్కువ మంది పగటిపూట మాత్రమే గ్రీన్ టీ తాగుతారు. ఇందులో యాంటీఆక్సిడెంట్లు, కాటెచిన్లు ఉంటాయి. ఇవి జీవక్రియను మెరుగుపరచడానికి, కొవ్వును కరిగించడానికి సహాయపడతాయి. రోజూ నిద్రపోయే ముందు గ్రీన్ టీ తాగితే రాత్రిపూట కేలరీలను బర్న్ చేయడంలో సహాయపడుతుంది.

నిమ్మకాయ నీరు

మీరు త్వరగా బరువు తగ్గాలనుకుంటే నిద్రపోయే ముందు, తిన్న తర్వాత నిమ్మకాయ నీరు తాగడం మర్చిపోవద్దు. రాత్రిపూట నిమ్మకాయతో గోరువెచ్చని నీరు తాగడం వల్ల కేలరీలు త్వరగా కరిగిపోతాయి. నిమ్మకాయ నీరు శరీరాన్ని డీటాక్సిఫై చేయడానికి కూడా చాలా మంచిది. నిమ్మకాయ నీరు క్లోమం సజావుగా పనిచేయడానికి సహాయపడుతుంది.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)

Also Read:

ఇంట్లో వరమహాలక్ష్మిని ఈ సాధారణ పద్ధతిలో పూజించండి

28 ఏళ్ల క్రితం కనిపించుకుండా పోయి.. మంచులో మమ్మీగా..

For More Latest News