Breakfasts For Gut Health: ఈ అల్పాహారాలు.. జీర్ణవ్యవస్థకి టానిక్లా పనిచేస్తాయి!
ABN, Publish Date - Aug 16 , 2025 | 06:47 PM
పేగు ఆరోగ్యం మొత్తం శరీర ఆరోగ్యాన్ని ప్రభావితం చేస్తుంది. అందువల్ల, ఈ విషయంలో ప్రత్యేక శ్రద్ధ వహించడం చాలా ముఖ్యం. అల్పాహారం పేగు ఆరోగ్యాన్ని కాపాడటంలో కీలకపాత్ర పోషిస్తుందని ఎయిమ్స్ పరిశోధకులు కనుగొన్నారు. ఇందుకోసం ఈ కింది బ్రేక్ ఫాస్ట్ ఎంపికలను డైట్లో భాగం చేసుకోవాలని సూచిస్తున్నారు.
పేగులు ఆహారాన్ని జీర్ణం చేయడమే కాకుండా రోగనిరోధక శక్తిని పెంచడంలో, శరీరాన్ని శక్తివంతంగా ఉంచడంలో కూడా ముఖ్యమైన పాత్ర పోషిస్తాయి. ఆరోగ్యకరమైన జీర్ణవ్యవస్థ అనేది ఒక వ్యక్తి ఆరోగ్యకరమైన జీవితానికి సంకేతం. శరీర ఆరోగ్యం మొత్తాన్ని ప్రభావితం చేసే పేగు ఆరోగ్యం కాపాడుకునేందుకు ఒక్కటే మార్గం అంటున్నారు ఎయిమ్స్ నిపుణులు. ఉదయం నిద్ర లేవగానే తీసుకునే మొదటి ఆహారం అంటే బ్రేక్ ఫాస్ట్ విషయంలో తగిన జాగ్రత్తలు తీసుకుంటే చాలని సూచిస్తున్నారు. '4 Ps' లను సమర్థవంతంగా సమతుల్యం చేసే బెస్ట్ బ్రేక్ ఫాస్ట్ ఐడియాస్ మీకోసం..
1) గ్రీక్ యోగర్ట్ + బెర్రీలు + చియా విత్తనాలు
గ్రీక్ యోగర్ట్, బెర్రీలు, చియా విత్తనాల మిశ్రమం అద్భుత అల్పాహార ఎంపిక. ఒమేగా-3లు, ప్రోబయోటిక్స్, యాంటీఆక్సిడెంట్లతో నిండిన శక్తివంతమైన కలయిక. ఇది ఆరోగ్యకరమైన సూక్ష్మజీవుల సమతుల్యతను ప్రోత్సహిస్తుంది. వాపును తగ్గించడంలో సహాయపడుతుంది.
2) స్టీల్-కట్ ఓట్ మీల్ + ఫ్లాక్స్ సీడ్ + పచ్చి అరటి ముక్కలు
ఆకుపచ్చ అరటిలోని పిండి పదార్ధం ముఖ్యంగా మూడు విధాలుగా ఉపయోగపడుతుంది. పేగు స్థిరత్వాన్ని నిర్వహించడానికి, రక్తంలో చక్కెరను స్థిరీకరించడానికి, కరిగే ఫైబర్, ప్రీబయోటిక్లను సరఫరా చేయడానికి సహాయపడుతుంది.
3) గుడ్లు + నైట్రేట్ లేని మినిమల్లీ ప్రాసెస్డ్ చికెన్/టర్కీ సాసేజ్ + హోల్ గ్రెయిన్ టోస్ట్ (అవోకాడోతో)
ఫైబర్, ప్రోటీన్, మంచి కొవ్వులు అధికంగా ఉండే ఈ మిశ్రమంలో అవోకాడోను జోడించి అల్పాహారంగా సేవిస్తే పేగు ఆరోగ్యానికి మరీ మంచిది.
4) వెజ్జీ ఆమ్లెట్ + మల్టీగ్రెయిన్ టోస్ట్
ఈ రుచికరమైన అల్పాహారం పేగు కదలికలను ప్రోత్సహిస్తుంది. లీన్ ప్రోటీన్ను సంక్లిష్ట కార్బోహైడ్రేట్లు, ముఖ్యమైన విటమిన్లతో కలపడం ద్వారా శక్తి స్థాయిలను నిర్వహిస్తుంది.
5) టోఫు స్క్రాంబుల్ + సాటేడ్ వెజిటేబుల్స్
మొక్కల ఆధారిత అధిక ఫైబర్ కలిగిన ఈ అల్పాహారం కడుపుకు తేలికగా ఉంటుంది. ఫైటోన్యూట్రియెంట్లను అందిస్తుంది.
6) ఇడ్లీ, సాంబార్, కొబ్బరి చట్నీ
మొక్కల ఆధారిత ప్రోటీన్, ఫైబర్ అధికంగా ఉండే సాంబార్, కొబ్బరి చట్నీ, పులియబెట్టిన ఇడ్లీ పిండి మంచి బ్యాక్టీరియా పెరుగుదలను ప్రోత్సహించి.. పేగు ఆరోగ్యాన్ని పెంచుతుందని పోషకాహార నిపుణులు సూచిస్తున్నారు.
7) కూరగాయలు, వేరుశెనగతో పోహా
ఈ అల్పాహారం తేలికైనది కానీ కడుపు నింపుతుంది. కూరగాయలు, వేరుశెనగతో చేసిన పోహాలో ఉండే మొక్కల ఆధారిత ప్రోటీన్, ఫైబర్ జీర్ణక్రియను సులభతరం చేస్తాయి. పేగు ఆరోగ్యాన్ని ప్రోత్సహిస్తాయి.
(NOTE: ఇంటర్నెట్లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)
ఇవి కూడా చదవండి:
మన పూర్వీకులు అరటి ఆకుల్లో ఎందుకు తినేవారో తెలుసా?
జుట్టుతో తయారైన టూత్ పేస్ట్.. ఇన్ని లాభాలు ఉన్నాయా?..
Updated Date - Aug 16 , 2025 | 08:50 PM
