Power Grid Jobs 2025: పవర్ గ్రిడ్లో జాబ్స్..నెలకు లక్షకుపైగా జీతం, అప్లై చేశారా
ABN, Publish Date - Aug 28 , 2025 | 05:50 PM
మీరు ఎలక్ట్రికల్, సివిల్, ఎలక్ట్రానిక్స్ విభాగాల్లో బీటెక్ చదివి ప్రభుత్వ ఉద్యోగం కోసం చూస్తున్నారా. అయితే ఈ వార్త మీ కోసమే. ఎందుకంటే పవర్ గ్రిడ్ కార్పొరేషన్ ఆఫ్ ఇండియా లిమిటెడ్ ఇప్పుడు 1,543 ఫీల్డ్ సూపర్వైజర్, ఫీల్డ్ ఇంజినీర్ పోస్టుల నియామకానికి నోటిఫికేషన్ విడుదల చేసింది.
మీరు ఇంజినీరింగ్ చదివి, మంచి గవర్నమెంట్ జాబ్ కోసం వెతుకుతున్నారా? అయితే మీకు గుడ్ న్యూస్. ఎందుకంటే పవర్ గ్రిడ్ కార్పొరేషన్ ఆఫ్ ఇండియా లిమిటెడ్ (PGCIL) 2025లో మెగా రిక్రూట్మెంట్ ప్రకటించింది (Power Grid Jobs 2025). దేశవ్యాప్తంగా 1543 ఫీల్డ్ ఇంజినీర్, ఫీల్డ్ సూపర్వైజర్ పోస్టులు భర్తీ చేస్తున్నారు. ఈ పోస్టులకు నెలకు లక్షకు పైగా జీతం ఉంది. ఈ పోస్టులకు అప్లై చేయాలంటే ఎలాంటి అర్హతలు ఉండాలి, అప్లికేషన్ ప్రాసెస్, ఎంపిక విధానం ఏంటనే విషయాలను ఇక్కడ తెలుసుకుందాం.
ఎందుకు PGCIL జాబ్స్ స్పెషల్?
భారతదేశంలో విద్యుత్ రంగం వేగంగా వృద్ధి చెందుతోంది. పవర్ గ్రిడ్ అనేది దేశంలోని అతిపెద్ద ట్రాన్స్మిషన్ కంపెనీ, ఇది మహా రత్న స్టేటస్ కలిగి ఉంది. ఇక్కడ జాబ్ చేస్తే, మీరు దేశ నిర్మాణంలో భాగమవుతారు. ఫీల్డ్ ఇంజినీర్కు సుమారు రూ.1,00,000 నుంచి రూ.1,20,000 వరకు, సూపర్వైజర్కు రూ.80,000 నుంచి రూ.1,00,000 వరకు (అలవెన్సెస్తో సహా) జీతం లభించనుంది. ఇది కాంట్రాక్ట్ బేస్ అయినా, పర్ఫార్మెన్స్ బట్టి పర్మనెంట్ అవకాశాలు ఉన్నాయి. మీరు ఎలక్ట్రికల్, సివిల్ లేదా ఎలక్ట్రానిక్స్ బ్యాక్గ్రౌండ్ కలిగి ఉంటే, ఇది మీకు మంచి ఛాన్స్ అని చెప్పవచ్చు.
పోస్టుల వివరాలు
మొత్తం 1543 పోస్టులు ఉన్నాయి. వీటిని వివిధ కేటగిరీలుగా విభజించారు
ఫీల్డ్ ఇంజినీర్ (ఎలక్ట్రికల్): 532 పోస్టులు
ఫీల్డ్ ఇంజినీర్ (సివిల్): 198 పోస్టులు
ఫీల్డ్ సూపర్వైజర్ (ఎలక్ట్రికల్): 535 పోస్టులు
ఫీల్డ్ సూపర్వైజర్ (సివిల్): 193 పోస్టులు
ఫీల్డ్ సూపర్వైజర్ (ఎలక్ట్రానిక్స్ & కమ్యూనికేషన్): 85 పోస్టులు
ఈ పోస్టులు దేశవ్యాప్తంగా ఉన్న పవర్ గ్రిడ్ ప్రాజెక్టులకు సంబంధించినవి. మీరు ఏ రాష్ట్రంలోనైనా పోస్టింగ్ పొందవచ్చు. కాబట్టి ట్రావెల్ చేయడానికి రెడీగా ఉండండి.
అర్హతలు
వీటికి అప్లై చేయాలంటే, మీ వయస్సు సెప్టెంబర్ 17, 2025 నాటికి 29 సంవత్సరాలు మించకూడదు. కానీ, SC/STకు 5 సంవత్సరాలు, OBCకు 3 సంవత్సరాలు, PwDకు 10 సంవత్సరాలు సడలింపు ఉంది.
ఎడ్యుకేషన్ విషయానికొస్తే
ఫీల్డ్ ఇంజనీర్: సంబంధిత రంగంలో B.Tech లేదా BE (మినిమం 60% మార్కులు).
ఫీల్డ్ సూపర్వైజర్: సంబంధిత రంగంలో డిప్లొమా (మినిమం 60% మార్కులు).
అదనంగా, మీరు ఇంగ్లీష్, హిందీలో కమ్యూనికేట్ చేయగలిగి ఉండాలి. ఎక్స్పీరియన్స్ లేకపోయినా పర్లేదు, ఫ్రెషర్స్ కూడా అప్లై చేసుకోవచ్చు.
ఎంపిక ప్రక్రియ
ఫీల్డ్ ఇంజినీర్: రాత పరీక్ష (75 మార్కులు) + ఇంటర్వ్యూ (25 మార్కులు).
ఫీల్డ్ సూపర్వైజర్: రాత పరీక్ష మాత్రమే.
రాత పరీక్ష: 75 మల్టిపుల్ చాయిస్ ప్రశ్నలు 50 టెక్నికల్ (మీ బ్రాంచ్ సబ్జెక్ట్స్), 25 ఆప్టిట్యూడ్ (మ్యాథ్స్, రీజనింగ్, ఇంగ్లీష్). సమయం 1 గంట, నెగటివ్ మార్కింగ్ లేదు. సిలబస్ అధికారిక నోటిఫికేషన్లో ఉంది, దాన్ని డౌన్లోడ్ చేసి ప్రిపేర్ అవ్వండి. ఇంటర్వ్యూలో టెక్నికల్ నాలెడ్జ్, పర్సనాలిటీని టెస్ట్ చేస్తారు. దరఖాస్తులు ఆగస్టు 27, 2025 నుంచి ఆన్లైన్ (powergrid.in) విధానంలో ప్రారంభమయ్యాయి. చివరి తేదీ సెప్టెంబర్ 17, 2025.
ఇవి కూడా చదవండి
సెప్టెంబర్ 2025లో బ్యాంక్ సెలవుల పూర్తి లిస్ట్..ఎన్ని రోజులు వచ్చాయంటే..
అర్జెంటుగా డబ్బు అవసరం.. పర్సనల్ లోన్ తీసుకోవాలా? గోల్డ్ బెటరా?
మరిన్ని జాతీయ, తెలుగు వార్తల కోసం క్లిక్ చేయండి
Updated Date - Aug 28 , 2025 | 05:52 PM
