1. • Home » Business » Rupee Hits 6-Month Low How Will a 5% Decline Impact Indian Students In US Mouni

Indian Students : విదేశీ విద్యార్థులకు చుక్కలు చూపిస్తున్న డాలర్.. భారంగా మారిన చదువులు..

Indian Students : ఇటీవల రూపాయి విలువ డాలర్‌తో పోలిస్తే పడిపోవడంతో, విదేశాల్లో చదువుతున్న భారతీయ విద్యార్థులకు ఆర్థిక భారం పెరిగింది. గత ఆరు నెలల్లో రూపాయి దాదాపు 5% బలహీనపడటంతో, విదేశాల్లో ఉన్నత విద్య కోసం వెళ్తున్న విద్యార్థుల ఖర్చులు గణనీయంగా పెరిగాయి. ఉదాహరణగా, గతంలో రూ. 1 కోటి అయ్యే ఖర్చు ఇప్పుడు రూ. 5 లక్షలు అదనంగా భరించాల్సిన పరిస్థితి ఏర్పడింది. ఈ పరిణామాలు భారతీయ విద్యార్థులపై తీవ్ర ప్రభావం చూపించగా, ఉద్యోగ అవకాశాలు కూడా తగ్గిపోతున్నాయి.

Indian Students : ప్రస్తుతం అమెరికా, బ్రిటన్, కెనడా లాంటి దేశాలు వలస విధానాలను మరింత కఠినతరం చేస్తున్నాయి. బ్రిటన్‌లో విదేశీ విద్యార్థులు ఉన్నప్పటికీ, ఉద్యోగం పొందడానికి వారికి కనీసం 36,000-40,000 పౌండ్ల వార్షిక వేతనం ఉండాలి. కెనడా కూడా విద్యార్థుల కోసం వీసా విధానాల్లో మార్పులు చేస్తూ, కొన్ని ప్రత్యేక వీసా పథకాలను రద్దు చేసింది. దీంతో, చదువు తర్వాత అక్కడే ఉద్యోగం పొందాలనుకునే విద్యార్థులకు ఇది ఓ పెద్ద సవాలు అవుతోంది.

విద్యార్థులు తీసుకునే విద్యా రుణాలపై కూడా రూపాయి బలహీనత ప్రభావం చూపుతోంది. హెచ్‌డిఎఫ్‌సి క్రెడిలా సహ వ్యవస్థాపకుడు అజయ్ బొహోరా ప్రకారం, రూపాయి పడిపోవడంతో విదేశాల్లో చదివే విద్యార్థుల రుణ భారం మరింత పెరిగింది. గతంలో విద్యార్థులు డాలర్లలో సంపాదించి రుణాన్ని తేలికగా చెల్లించగలిగేవారు. కానీ ఇప్పుడు జీవన ఖర్చులు పెరగడంతో పాటు, వీసా కఠినతరమైన కారణంగా ఉద్యోగ అవకాశాలు కూడా తగ్గిపోతున్నాయి. ముఖ్యంగా అమెరికాలో అండర్‌గ్రాడ్యుయేట్ చదివే విద్యార్థులకు ఇది మరింత సమస్యగా మారింది. రూ. 1.5 కోట్లకు పైగా ఖర్చు పెట్టిన విద్యార్థులు, పని అనుమతులు తగ్గిపోవడం వల్ల, రుణాన్ని తిరిగి చెల్లించడానికి చాలా కాలం పడుతుంది.

కేవలం విద్యార్థులే కాకుండా, విదేశీ పర్యాటక ప్రయాణాలపై కూడా ఈ మార్పులు ప్రభావం చూపిస్తున్నాయి. రూపాయి విలువ తగ్గడం, హోటల్ ఖర్చులు పెరగడం, ఎయిర్‌ఫేర్ రేట్లు అధికమవడం వంటి అంశాల వల్ల టూర్స్ ఖరీదైనవిగా మారాయి. ప్రతి వేసవి సీజన్‌లో 15-20% ఖర్చు పెరుగుతుందని టూర్ ఆపరేటర్లు చెబుతున్నారు. ముఖ్యంగా యూరోప్, ఆగ్నేయాసియా దేశాలకు వెళ్లే భారతీయ ప్రయాణికులు ఈ పెరుగుదల ప్రభావాన్ని ఎక్కువగా అనుభవిస్తున్నారు. ఇలా రూపాయి విలువ పడిపోవడం ఒకవైపు ఎన్‌ఆర్‌ఐలకు లాభదాయకంగా ఉంటే, మరోవైపు భారతీయ విద్యార్థులు, పర్యాటకులు, రుణగ్రహీతలు తీవ్రంగా ప్రభావితమవుతున్నారు. రూపాయి స్థిరపడే వరకు ఈ సమస్యలు కొనసాగే అవకాశం ఉంది.

Read Also : Gold Rates : బంగారం ధరలు రోజూ ఒకేలా ఎందుకుండవు.. ఈ 5 అంశాలే ప్రధాన కారణం..

Business Idea : చేతిలో రూ.10000 ఉంటే చాలు.. ఈ 5 వ్యాపారాల్లో నెలకు రూ.30వేలు

Bitcoin Fluctuations: 84 వేల డాలర్ల వద్ద తచ్చాడుతున్న బిట్‌కాయిన్.. వారాంతంపైనే