New Posts: అర్థ గణాంక శాఖలో 166 పోస్టుల మంజూరు
ABN, Publish Date - Jul 04 , 2025 | 05:50 AM
కాలానుగుణ మార్పులు, జిల్లాల పునర్వ్యవస్థీకరణ నేపథ్యంలో అర్థగణాంక శాఖలో అక్కర్లేని 38 పోస్టులను రద్దుచేసి వాటి స్థానంలో 166 పోస్టులను ప్రభుత్వం మంజూరు చేసింది.
అక్కర్లేని 38 పోస్టుల రద్దు.. కొత్తపోస్టుల భర్తీకి ప్రభుత్వం ఓకే
హైదరాబాద్, జూలై 3(ఆంధ్రజ్యోతి): కాలానుగుణ మార్పులు, జిల్లాల పునర్వ్యవస్థీకరణ నేపథ్యంలో అర్థగణాంక శాఖలో అక్కర్లేని 38 పోస్టులను రద్దుచేసి వాటి స్థానంలో 166 పోస్టులను ప్రభుత్వం మంజూరు చేసింది. వీటిలో 12 ప్రధాన ప్రణాళికాధికారి, 12 సహాయ సంచాలకులు, 46 గణాంకాధికారులు, 64ఉప గణాంకాధికారులు, 5 సూపరింటె ండెంట్, 23 జూనియర్ అసిస్టెంట్ పోస్టులున్నాయి.
ఈమేరకు ఆర్థిక శాఖ ముఖ్యకార్యదర్శి సందీ్పకుమార్ సుల్తానియా గురువారం జీవో జారీ చేశారు. 8 సహాయ గణాంకాధికారులు, 15 టైపిస్ట్, 8 ఎల్డీ స్టెనో, 7 డ్రైవర్ పోస్టులు రద్దు చేసిన వాటిలో ఉన్నాయి. కొత్తగా మంజూరు చేసిన పోస్టులను తెలంగాణ పబ్లిక్ సర్వీస్ కమిషన్ ద్వారా భర్తీ చేయనున్నారు.
Updated Date - Jul 04 , 2025 | 05:50 AM
