Monsoon Tips: వర్షాకాలంలో చీటికిమాటికీ జ్వరం వస్తోందా.. అయితే ఇలా చేయండి..
ABN, Publish Date - Aug 12 , 2025 | 09:46 PM
వర్షాకాలంలో రోగనిరోధక శక్తి బలహీనంగా ఉంటుంది. ఈ కారణంగా చాలా మంది జలుబు, జ్వరంతో ఇబ్బంది పడుతుంటారు. కొందరైతే పదే పదే జ్వరంతో అవస్థలు పడుతుంటారు. అయితే..
వర్షాకాలంలో రోగనిరోధక శక్తి బలహీనంగా ఉంటుంది. ఈ కారణంగా చాలా మంది జలుబు, జ్వరంతో ఇబ్బంది పడుతుంటారు. కొందరైతే పదే పదే జ్వరంతో అవస్థలు పడుతుంటారు. అయితే కొన్ని పండ్లు, కొన్ని పానీయాలు తీసుకోవడం వల్ల ఈ సమస్య నుంచి ఉపశమనం కలుగుతుందని నిపుణులు చెబుతున్నారు. అవేంటో ఇప్పుడు తెలుసుకుందాం.
వర్షాకాలంలో హెర్బల్ టీలు తాగడం వల్ల రోగనిరోధక శక్తి పెరుగుతంది. ఇందులోని యాంటీఆక్సిడెంట్లు, యాంటీ బాక్టీరియల్, యాంటీ ఇన్ఫ్లమేటరీ లక్షణాలు జీర్ణక్రియను మెరుగుపరుస్తాయి.
పెరుగు, మజ్జిగ, వెన్న వంటి ప్రోబయోటిక్ ఆహారాలు తీసుకోవడం వల్ల శరీరానికి తగినంత ప్రొటీన్ అందుతుంది. అలాగే రోగనిరోధక శక్తి కూడా పెరుగుతుంది. అలాగే పాల ఉత్పత్తులు, చిక్పీస్, కాయధాన్యాలు, బీన్స్ వంటివి విరివిగా తీసుకోవాలి.
వర్షాకాలంలో రోగనిరోధక శక్తి పెంచడంలో సిట్రస్ పండ్లు బాగా పని చేస్తాయి. నారింజ, బొప్పాయి, నిమ్మకాయలు, చెర్రీస్, జామ, దానిమ్మ వంటి పండ్లను ఎక్కువగా తీసుకోవాలి.
పసుపులోని కర్కుమిన్, యాంటీ ఇన్ఫ్లమేటరీ, యాంటీఆక్సిడెంట్లు శరీరంలో ఇన్ఫెక్షన్లతో పోరాడటంలో సాయం చేస్తాయి.
బొప్పాయిలో రోగనిరోధక శక్తిని పెంచడానికి అవసరమైన విటమిన్లు A, C, E ఉన్నాయి. అలాగే కడుపు ఆరోగ్యాన్ని కూడా పెంపొందిస్తాయి. బొప్పాయిని క్రమం తప్పకుండా తీసుకోవడం వల్ల ఇన్ఫెక్లన్ల నుంచి రక్షణ లభిస్తుంది.
ఈ విషయాలన్నీ కేవలం అవగాహన కోసం మాత్రమే. ఎలాంటి సమస్య వచ్చినా వెంటనే వైద్యుడిని సంప్రదించాలి.
Updated Date - Aug 12 , 2025 | 09:46 PM