Kitchen Hacks: పొరపాటున కూడా ఈ 5 వస్తువులను ఫ్రిడ్జ్ డోర్లో పెట్టొద్దు..
ABN, Publish Date - Aug 27 , 2025 | 07:26 AM
చాలా మంది వంటింట్లోని ఆహార పదార్థాలన్నింటినీ ఫ్రిడ్జ్లో పెడుతుంటారు. అయితే కొన్ని వస్తువులను ఫ్రిడ్జ్లో పెట్టడం వల్ల సమస్యలు తలెత్తుతాయి.
చాలా మంది వంటింట్లోని ఆహార పదార్థాలన్నింటినీ ఫ్రిడ్జ్లో పెడుతుంటారు. అయితే కొన్ని వస్తువులను ఫ్రిడ్జ్లో పెట్టడం వల్ల సమస్యలు తలెత్తుతాయి. అవేంటో ఇప్పుడు తెలుసుకుందాం.
చాలా మంది పాలను రిఫ్రిజిరేటర్ తలుపు ప్రాంతంలో ఉంచుతుంటారు. ఇలా చేయడం వల్ల పాలలోని ఉష్ణోగ్రత దెబ్బతిని త్వరగా పాడవుతాయి. కాబట్టి పాలను ఎప్పుడూ ఫ్రిడ్జ్ లోపలి భాగంలో పెట్టాలి.
గుడ్లను కూడా ఎక్కువ మంది ఫ్రిడ్జ్ డోర్లో పెడుతుంటారు. తలుపు వద్ద ఉష్ణోగ్రత తరచూ మారడం వల్ల గుడ్లలో బ్యాక్టీరియా పెరుగుతుంది. కాబట్టి వీటిని కూడా కార్టన్లో ఉంచి లోపలి భాగంలో పెట్టాలి.
పచ్చి మాంసం, చికెన్ వంటి ఆహారాలు ఫ్రిడ్జ్ డోరు వద్ద ఉంచకండి. వీటి నుంచి విడుదలయ్యే రసాలు ఇతర ఆహారాలను పాడుచేస్తాయి. కాబట్టి వీటిని ఎప్పుడూ ఫ్రిడ్జ్ కింద భాగంలో ఉన్న షెల్ప్లో పెట్టాలి.
పండ్లు, కూరగాయలను కూడా ఫ్రిడ్జ్ డోర్ వద్ద ఉంచకూడదు. ఇలా చేస్తే అవి త్వరగా పాడవుతాయి. వీటి కోస ఫ్రిడ్జ్లో ఏర్పాటు చేసిన ప్రత్యేకమైన స్థలంలోనే ఉంచాలి.
పనీర్, జున్నును కూడా డోర్ వద్ద పెట్టకూడదు. ఇలా చేస్తే అవి కూడా త్వరగా పాడవుతాయి. కాబట్టి వీటిని కూడా లోపలి భాగంలో ఉంచాలి.
తలుపు డోరు వద్ద త్వరగా చెడిపోని సాస్, జ్యూస్, నీరు తదితరాలను మాత్రమే ఉంచాలి. ఇవి త్వరగా చెడిపోవు కాబట్టి.. ఫ్రిడ్జ్ డోరు వద్ద ఉంచినా ఎలాంటి ఇబ్బందీ ఉండదు.
Updated Date - Aug 27 , 2025 | 07:26 AM