Carrot Health Tips: రోజూ మీ ఆహారంలో.. క్యారెట్ను చేర్చడం వల్ల ఎన్ని లాభాలున్నాయో తెలుసా..
ABN, Publish Date - Sep 18 , 2025 | 08:10 PM
రోజూ మీ ఆహారంలో క్యారెట్ను చేర్చడం వల్ల అనేక ఆరోగ్య ప్రయోజనాలు ఉన్నాయి.
రోజూ మీ ఆహారంలో క్యారెట్ను చేర్చడం వల్ల అనేక ఆరోగ్య ప్రయోజనాలు ఉన్నాయి. అవేంటో ఇప్పుడు తెలుసుకుందాం.
క్యారెట్లలో విటమిన్ ఎ కంటిచూపును మెరుగుపరుస్తుంది. అలాగే వీటిలో ఉండే బీటా కెరోటిన్.. కళ్లను ఆక్సీకరణ ఒత్తిడి నుండి రక్షించడంతో పాటూ కంటిశుక్లం ప్రమాదాన్ని తగ్గిస్తుంది.
రోజూ మీ ఆహారంలో క్యారెట్ చేర్చడం వల్ల రోగనిరోధక శక్తి బలపడుతుంది . క్యారెట్లోని పోషకాలు వ్యాధితో పోరాడే సామర్థ్యాన్ని పెంచుతాయి.
క్యారెట్లలో పొటాషియం, కరిగే ఫైబర్.. రక్తపోటు నియంత్రిస్తుంది. అలాగే అధిక కొలెస్ట్రాల్ను నివారించడంలోనూ సాయం చేస్తాయి. తద్వారా గుండె ఆరోగ్యాన్ని పెంపొందిస్తాయి.
క్యారెట్లలోని ఫైబర్ మలబద్ధక సమస్య నుంచి ఉపశమనం కలిగిస్తుంది. ఈ క్యారెట్లు ఆరోగ్యకరమైన గట్ బ్యాక్టీరియాను ప్రోత్సహించడంతో పాటూ జీర్ణ వ్యవస్థను మెరుగుపరుస్తాయి.
క్యారెట్లు చక్కెరను నెమ్మదిగా విడుదల చేస్తాయి. దీనివల్ల రక్తంలో చక్కెర అకస్మాత్తుగా పెరిగే ప్రమాదం తగ్గుతుంది. అలాగే ఇందులోని ఫైబర్ గ్లూకోజ్ శోషణ నెమ్మదిగా జరిగేలా చేస్తుంది.
రోజూ మీ ఆహారంలో క్యారెట్లను చేర్చడం వల్ల క్యాన్సర్ ప్రమాదం కూడా తగ్గుతుంది. క్యారెట్లలోని యాంటీఆక్సిడెంట్లు, కెరోటినాయిడ్లు.. క్యాన్సర్ వంటి ప్రాణాంతక వ్యాధుల నుండి రక్షణ కల్పిస్తాయి.
ఈ విషయాలన్నీ కేవలం అవగాహన కోసం మాత్రమే. ఎలాంటి అనారోగ్య సమస్య తలెత్తినా వెంటనే వైద్యుడిని సంప్రదించాలి.
Updated Date - Sep 18 , 2025 | 08:13 PM