Passion Fruit: శ్రీకృష్ణ ఫలం ఎప్పుడైనా చూశారా.. దీన్ని తినడం వల్ల ఎన్ని లాభాలున్నాయో తెలుసా..
ABN, Publish Date - May 21 , 2025 | 09:17 PM
శ్రీకృష్ణ ఫలం.. దీన్నే ఆంగ్లంలో ప్యాషన్ ఫ్రూట్ అని కూడా అంటారు. చాలా అరుదుగా దొరికే ఈ పండ్లలో అనేక ఔషధ గుణాలు ఉన్నాయని నిపుణులు చెబుతున్నారు.
శ్రీకృష్ణ ఫలం.. దీన్నే ఆంగ్లంలో ప్యాషన్ ఫ్రూట్ అని కూడా అంటారు. చాలా అరుదుగా దొరికే ఈ పండ్లలో అనేక ఔషధ గుణాలు ఉన్నాయని నిపుణులు చెబుతున్నారు. ఈ పండు తినడం వల్ల కలిగే ఆరోగ్య ప్రయోజనాల గురించి ఇప్పుడు తెలుసుకుందాం.
ఊదా, పసుపు రంగుల్లో కనిపించే ఈ పండు తీపి, పుల్లని రుచితో పాటూ ప్రత్యేకమైన వాసన కలిగి ఉంటుంది. ఇందులోని విటమిన్లు, ఖనిజాలు, యాంటీఆక్సిడెంట్లు ఆరోగ్యాన్ని అందిస్తాయి.
ఈ పండులోని విటమిన్-సి, యాంటీ ఆక్సిడెంట్లు రోగ నిరోధక శక్తిని పెంపొందించడంలో సాయం చేస్తాయి.
జీర్ణక్రియను మెరుగపచడంతో పాటూ మలబద్ధక సమస్య నుంచి కూడా ఉపశమనం కలిగిస్తుంది.
ప్యాషన్ ఫ్రూట్లోని పొటాషియం రక్తపోటును స్థిరంగా ఉంచడంలో సాయం చేస్తుంది.
రక్తంలో చక్కెర స్థాయిని నియంత్రించడంలో ఈ పండు బాగా పని చేస్తుంది.
కృష్ణ ఫలంలో విటమిన్- సి, బీటా కెరోటిన్, పాలీఫెనాల్స్ వంటి యాంటీఆక్సిడెంట్లు ఉంటాయి. ఇవి ఫ్రీ రాడికల్స్ వల్ల శరీరానికి కలిగే నష్టాన్ని నివారిస్తాయి.
ఈ పండులో సెరటోనిన్, ట్రిప్టోఫాన్ వంటి సమ్మేళనాలు పుష్కలంగా ఉంటాయి. ఇవి నిద్ర హార్మోన్లను విడుదల చేయడానికి సహాయపడతాయి.
ఈ విషయాలన్నీ కేవలం అవగాహన కోసం మాత్రమే. ఎలాంటి సమస్య వచ్చినా వెంటనే వైద్యుడిని సంప్రదించాలి.
Updated Date - May 21 , 2025 | 09:17 PM