Cloves: వేసవిలో లవంగాలు తినడం వల్ల ఎన్ని లాభాలున్నాయో తెలుసా..
ABN, Publish Date - Apr 30 , 2025 | 09:51 PM
లవంగాలు ఆరోగ్యానికి మేలు చేస్తాయనే విషయం తెలిసిందే. అయితే వేసవిలో లవంగాలు తీసుకోవడం వల్ల చాలా ఆరోగ్య ప్రయోజనాలు ఉన్నాయి.
లవంగాలు ఆరోగ్యానికి మేలు చేస్తాయనే విషయం తెలిసిందే. అయితే వేసవిలో లవంగాలు తీసుకోవడం వల్ల చాలా ఆరోగ్య ప్రయోజనాలు ఉన్నాయి. అవేంటో ఇప్పుడు తెలుసుకుందాం.
లవంగాల్లో యూజినాల్ అనే సమ్మేళనం ఉంటుంది. ఇది జీర్ణ ఎంజైమ్లను ప్రేరేపిస్తుంది. తద్వారా ఆహారం బాగా జీర్ణమవుతుంది.
లవంగాల్లో యాంటీ ఏజింగ్ గుణాలు ఉన్నాయి. ఇవి చర్మంపై వడదెబ్బను నిరోధించడంతో పాటూ అనేక సమస్యల నుంచి ఉపశమనం కలిగిస్తాయి.
లవంగాలు తినడం వల్ల శరీరానికి చల్లదనం కలుగుతుంది. వేసవిలో వచ్చే వేడిని ఇవి తగ్గిస్తాయి.
వేసవిలో నిర్జలీకరణం వల్ల నోరు పొడిబారడం, దుర్వాసన తదితర సమస్యలు తలెత్తుతాయి. లవంగాలు నోటిలోని హానికరమైన బ్యాక్టీరియాను తొలగించి తాజాదనాన్ని అందిస్తాయి.
లవంగాలలోని క్రిమినాశక ప్రభావం శరీరాన్ని లోపలి నుండి రక్షిస్తుంది. అలాగే వేడి దద్దుర్లు, చర్మ వ్యాధుల నుండి ఉపశమనం కలిగిస్తుంది.
లవంగాలు మితంగా తీసుకోవాలి. అమితంగా తీసుకోవడం వల్ల కడుపు నొప్పి, చర్మంపై చికాకు తదితర సమస్యలు తలెత్తే ప్రమాదం ఉంటుంది.
Updated Date - Apr 30 , 2025 | 09:51 PM
