Health Tips: నెయ్యి దీపం వెలిగించిన గదిలో నిద్రపోతే.. ఎన్ని లాభాలున్నాయో తెలుసా..
ABN, Publish Date - Aug 22 , 2025 | 01:46 PM
ప్రశాంతమైన నిద్ర కోసం నిపుణులు కొన్ని చిట్కాలు సూచిస్తున్నారు. నెయ్యి దీపం వెలిగించిన గదిలో పడుకోవడం వల్ల ఎన్నో లాభాలున్నాయని చెబుతున్నారు.
ప్రస్తుత ఉరుకుపరుగుల జీవితంలో మనిషి ప్రశాంతతను కోల్పోతున్నాడు. చాలా మంది కనీసం మంచి నిద్రకూ నోచుకోలేకపోతున్నారు. ఈ కారణంగా అనేక అనారోగ్య సమస్యలతో ఇబ్బంది పడుతున్నారు. ప్రశాంతమైన నిద్ర కోసం నిపుణులు కొన్ని చిట్కాలు సూచిస్తున్నారు. నెయ్యి దీపం వెలిగించిన గదిలో పడుకోవడం వల్ల ఎన్నో లాభాలున్నాయని చెబుతున్నారు. అవేంటో ఇప్పుడు తెలుసుకుందాం.
నెయ్యి దీపం నుంచి వచ్చే పొగను పీల్చడం వల్ల శ్వాసకోశ పనితీరు మెరుగుపడుతుంది. అలాగే మీ నాడీ వ్యవస్థ కూడా మెరుగుపడుతుంది.
నెయ్యిలోని విటమిన్ ఎ, డీ, ఈ, సీలు చర్మం ప్రకాశవంతంగా మారేందుకు సహకరిస్తాయి. అలాగే కణాల మరమ్మత్తులో కూడా సాయం చేస్తాయి.
నెయ్యి ఆమ్లతను తగ్గించి, నిద్రను మెరుగుపరుస్తుంది. సరైన నిద్ర వల్ల శరీరం, మనస్సు ఆరోగ్యం ఉంటుంది.
నెయ్యి దీపం నుంచి వచ్చే వాసన పీల్చడం వల్ల గురక సమస్య కూడా తగ్గుతుంది. అలాగే నిద్రలేమి సమస్య నుంచి ఉపశమనం కలుగుతుంది.
మంచి ఫలితాల కోసం స్వచ్ఛమైన నెయ్యిని ఎంచుకోవాలని నిపుణులు సూచిస్తున్నారు. అయితే శ్వాసకోశ తదితర సమస్యలు ఉన్న వారు వైద్యుడి సలహాలు, సూచనలు తీసుకోవాలి.
Updated Date - Aug 23 , 2025 | 02:11 PM