Health Tips: ఈ 7 వస్తువులను మీ ముఖంపై పూశారంటే.. ఏమవుతుందో తెలుసా..
ABN, Publish Date - May 14 , 2025 | 02:03 PM
ప్రస్తుతం యువతీయువకులు ఫిట్నెస్తో పాటూ అందంగా కనిపించేందుకు ఏవేవో జాగ్రత్తలు తీసుకుంటున్నారు. కొందరైతే ముఖానికి ఏవేవో క్రీములు రాస్తుంటారు. అయితే ఇలా ముఖంపై క్రీములు రాసే విషయంలో జాగ్రత్తగా ఉండాలని నిపుణులు సూచిస్తున్నారు.
ప్రస్తుతం యువతీయువకులు ఫిట్నెస్తో పాటూ అందంగా కనిపించేందుకు ఏవేవో జాగ్రత్తలు తీసుకుంటున్నారు. కొందరైతే ముఖానికి ఏవేవో క్రీములు రాస్తుంటారు. అయితే ఇలా ముఖంపై క్రీములు రాసే విషయంలో జాగ్రత్తగా ఉండాలని నిపుణులు సూచిస్తున్నారు. ముఖ్యంగా ఈ 7 వస్తువులను ముఖంపై అప్లై చేస్తే.. అనారోగ్య సమస్యలు తలెత్తుతాయని చెబుతున్నారు. అవేంటో తెలుసుకుందాం..
ముఖంపై బాడీ లోషన్ రాసుకోవడం సమస్యలకు దారి తీస్తుంది. బాడీ లోషన్లు మందంగా ఉండడం వల్ల చర్మంపై రంధ్రాలు మూసుకుపోతాయి. ఇది చివరకు మొటిమలు, అలెర్జీలకు దారి తీస్తుంది.
ముఖంపై చక్కెరను వినియోగించవద్దు. ఇలా చేస్తే చర్మం పొడిగా, ఎర్రగా మారి చికాకును పట్టిస్తుంది.
ముఖాన్ని వేడి నీటితో కడుక్కోకూడదు. ఇలా చేయడం వల్ల చర్మంపై తేమ స్థాయి తగ్గిపోయి సమస్యలకు దారి తీస్తుంది. గోరు వెచ్చని నీటిని వినియోగించడం వల్ల చర్మ రంధ్రాల్లో మురికి తొలగిపోతుంది.
నిమ్మకాయ తొక్కను వాడడం వల్ల చర్మం దెబ్బతింటుంది. చర్మం ఎరుపు రంగులోకి మారడంతో పాటూ చికాకును కలిగిస్తుంది.
టూత్పేస్టును ముఖంపై రాయడం కూడా ప్రమాదం. ఇలా చేస్తే చర్మం దెబ్బతినడంతో పాటూ మొటిమలు పెరిగిపోయాయి.
వంట సోడా ముఖానికి పూయడం వల్ల సమస్యలు తలెత్తుతాయి. అందులోని ఆల్కలీన్ లక్షణాలు చర్మంలో పీహెచ్ స్థాయిని దెబ్బతీస్తాయి. అలాగే మొటిమలు పెరిగేందుకు కారణమవుతాయి.
చర్మానికి కొబ్బరి నూనె మేలు చేసినా.. ముఖంపై రాయడం వల్ల రంధ్రాలు మూసుకుపోతాయి. తద్వారా మొటిమలు పెరిగిపోతాయి.
Updated Date - May 14 , 2025 | 02:03 PM
