Hair Health Tips: మీ నూనెలో ఇది కలిపి జుట్టుకు రాస్తే.. ఎన్ని ప్రయోజనాలు ఉంటాయో తెలుసా..
ABN, Publish Date - Sep 17 , 2025 | 06:36 PM
ప్రస్తుతం చాలా మంది ఫిట్గా ఉండడంతో పాటూ అందంగా కనిపించేందుకు ఆసక్తిచూపుతున్నారు. అందంగా కనిపించాలంటే ముఖంతో పాటూ జట్టు కూడా ఒత్తుగా ఉండాలి. అయితే ప్రస్తుతం అనేక మంది జుట్టు సమస్యలతో బాధపడుతున్నారు..
ప్రస్తుతం చాలా మంది ఫిట్గా ఉండడంతో పాటూ అందంగా కనిపించేందుకు ఆసక్తిచూపుతున్నారు. అందంగా కనిపించాలంటే ముఖంతో పాటూ జట్టు కూడా ఒత్తుగా ఉండాలి. అయితే ప్రస్తుతం అనేక మంది జుట్టు సమస్యలతో బాధపడుతున్నారు. ఇలాంటి వారి కోసం ఓ అద్భుతమైన చిట్కాను తీసుకొచ్చాం. మీరు రోజూ వాడే నూనెలో ఈ పొడి కలిపి రాస్తే జుట్టు బలంగా మారడంతో పాటూ మెరిసిపోతుంది.
రోజూ మీరు వాడే నూనెలో కొద్దిగా మెంతి పొడి కలిపి జుట్టుకు రాసుకుంటే అనేక ఆరోగ్య ప్రయోజనాలు ఉంటాయి. ఇది మీ జుట్టును వేర్ల నుండి బలోపేతం చేయడంతో పాటూ మెరిచేలా చేస్తుంది.
కొబ్బరి, బాదం లేదా ఆలివ్ నూనెలో ఈ పొడిని మిక్స్ చేయొచ్చు. ఒక చిన్న గిన్నెలో 2, 3 టేబుల్ స్పూన్ల హెయిర్ ఆయిల్ తీసుకుని, అందులో చిటికెడు మెంతుల పొడిని కలపాలి. దీన్ని బాగా కలిపిన తర్వాత కొద్దిగా వేడి చేయాలి. చల్లార్చిన ఈ మిశ్రమాన్ని జుట్టుకు అప్లై చేయాలి.
ఈ మిశ్రమాన్ని జుట్టు కుదుళ్లకు తగిలేలా వేళ్లతో బాగా మసాజ్ చేయాలి. ఇలా చేయడం వల్ల జుట్టుకు రక్త ప్రసరణ పెరిగి బలంగా మారుతుంది.
నూనెలో మెంతుల పొడిని కలిపి రాత్రంతా ఉంచడం వల్ల మరిన్ని ప్రయోజనాలు పొందవచ్చు. అలాగే ఈ మిశ్రమానికి నిమ్మకాయ లేదా పెరుగు వేసి హెయిర్ మాస్క్ లాగా అప్లై చేయొచ్చు.
మెంతుల్లో ఉండే ప్రోటీన్, ఐరన్, విటమిన్లు, యాంటీఆక్సిడెంట్లు.. జుట్టుకు పోషణ ఇస్తాయి. అలాగే జుట్టు రాలడాన్ని తగ్గించి, చండ్రును కూడా తొలగిస్తాయి.
ఈ విషయాలన్నీ కేవలం అవగాహన కోసం మాత్రమే. ఎలాంటి సమస్య తలెత్తినా వెంటనే సదరు వైద్య నిపుణులను సంప్రదించాలి.
Updated Date - Sep 17 , 2025 | 06:36 PM