Health Tips: కాలేయ క్యాన్సర్ రాకుండా ఉండాలంటే.. ఈ 6 తప్పులు అస్సలు చేయొద్దు..
ABN, Publish Date - Sep 11 , 2025 | 01:32 PM
మన శరీరంలో అతి ముఖ్యమైన అవయవాల్లో కాలేయం ఒకటి. శరీరంలోని విష పదార్థాలను తొలగించడంతో పాటూ అనేక విధులను నిర్వర్తిస్తుంటుంది. అయితే కొన్ని తప్పులు చేయడం వల్ల కాలేయానికి క్యాన్సర్ సోకే ప్రమాదం ఉంటుంది.
మన శరీరంలో అతి ముఖ్యమైన అవయవాల్లో కాలేయం ఒకటి. శరీరంలోని విష పదార్థాలను తొలగించడంతో పాటూ అనేక విధులను నిర్వర్తిస్తుంటుంది. అయితే కొన్ని తప్పులు చేయడం వల్ల కాలేయానికి క్యాన్సర్ సోకే ప్రమాదం ఉంటుంది. ఆ తప్పులేంటో ఇప్పుడు తెలుసుకుందాం.
అతిగా మద్యం సేవించడం వల్ల కాలేయం ప్రమాదంలో పడుతుంది. ఈ అలవాటు వల్ల కాలేయ కణాలు దెబ్బతినడంతో పాటూ వాపు, మచ్చలకు కారణమవుతుంది. తద్వారా కాలేయం తీవ్రంగా దెబ్బతింటుంది.
అధిక చక్కెర గల ఆహారాలను ఎక్కువగా తీసుకోవడం వల్ల కూడా కాలేయం దెబ్బతింటుంది. ఇలాంటి ఆహారం తీసుకోవడం వల్ల కాలేయంలో కొవ్వు పేరుకుపోతుంది. తద్వారా కాలేయ వాపు, క్యాన్సర్ వంటి సమస్యలకు దారి తీస్తుంది.
ఎలాంటి శారీరక శ్రమ లేకుండా ఎక్కువ సేపు కూర్చోవడం వల్ల కూడా కాలేయం పనితీరు మందగిస్తుంది. శరీరంలో కొవ్వు పేరుకుపోవడం వల్ల కాలేయంలో శుభ్రపరిచే ప్రక్రియ ఆగిపోతుంది. ఇది చివరకు ఫ్యాటీ లివర్, క్యాన్సర్కు దారి తీసే ప్రమాదం ఉంటుంది.
జంక్ ఫుడ్, వేయించిన, ప్రాసెస్ చేసిన ఆహారం ఎక్కువగా తినడం వల్ల కూడా కాలేయంపై ఒత్తిడి పడుతుంది. ఆ ఆహారంలోని అధిక ఉప్పు, నూనె.. కాలేయంలో కొవ్వు పేరుకుపోవడానికి కారణమవుతాయి. చివరకు ఇది క్యాన్సర్కు దారి తీయొచ్చు.
పదే పదే అలసట, ఉబ్బరం, కడుపు నొప్పిగా ఉన్నా నిర్లక్ష్యం చేయొద్దు. ఈ లక్షణాలు కొన్నిసార్లు చివరకు సిర్రోసిస్, క్యాన్సర్గా మారే ప్రమాదం ఉంటుంది.
నిద్ర సరిగా లేకపోవడం, ఒత్తిడి వంటివి కూడా కాలేయ సమస్యలకు దారి తీస్తాయి. అలాగే కొవ్వు పేరుకుపోయి.. కొన్నేళ్లకు కాలేయ క్యాన్సర్గా మారొచ్చు.
ఈ విషయాలన్నీ కేవలం అవగాహన కోసం మాత్రమే. ఎలాంటి సమస్య తలెత్తినా వెంటనే వైద్యుడిని సంప్రదించాలి.
Updated Date - Sep 11 , 2025 | 01:32 PM