Health Tips: ఉదయం నిద్ర లేచిన వెంటనే ఈ లక్షణాలు కనిపిస్తున్నాయా.. అయితే వెంటనే జాగ్రత్త పడండి..
ABN, Publish Date - May 27 , 2025 | 09:43 PM
ప్రస్తుత జీవన విధానంలో చాలా మంది అనేక రకాల వ్యాధులతో ఇబ్బంది పడుతున్నారు. కొందరు అవగాహన లేక ఆరోగ్య సమస్యల పట్ల నిర్లక్ష్యం వహిస్తున్నారు.
ప్రస్తుత జీవన విధానంలో చాలా మంది అనేక రకాల వ్యాధులతో ఇబ్బంది పడుతున్నారు. కొందరు అవగాహన లేక ఆరోగ్య సమస్యల పట్ల నిర్లక్ష్యం వహిస్తున్నారు. ఉదయం నిద్ర లేవగానే ఈ లక్షణాలు కనిపిస్తే వెంటనే జాగ్రత్తపడాలని వైద్య నిపుణులు సూచిస్తున్నారు. అవేంటో ఇప్పుడు తెలుసుకుందాం.
ఉదయం నిద్రలేచిన సమయంలో రక్తపోటు ఎక్కువగా ఉంటే.. నిర్లక్ష్యం చేయొద్దు. ఇలాంటి లక్షణాలు గుండె సంబంధిత సమస్యలకు సంకేతం కావొచ్చు.
ఉదయం శ్వాస తీసుకోవడంలో ఇబ్బందిగా ఉంటే జాగ్రత్త పడాలి. తరచూ శ్వాస తీసుకోవడంలో సమస్యగా ఉంటే వెంటనే వైద్యుడిని సంప్రదించాలి.
తలనొప్పి, తల తిరగడం వంటి లక్షణాలు కనిపిస్తుంటే వెంటనే జాగ్రత్త పడాలి. ఉదయం నిద్రలేచిన వెంటనే తల తిరుగుతున్నట్లు అనిపించినా, బలహీనంగా అనిపించినా అది గుండెపోటుకు సంకేతం కావచ్చు.
ఉదయం నిద్ర లేచిన వెంటనే అసౌకర్యంగా అనిపించడం, ఛాతీ బిగుతుగా అనిపించడం గుండెపోటు లక్షణం కావచ్చు. ఇలాంటి లక్షణాలు కనిపిస్తుంటే.. వెంటనే వైద్యుడిని సంప్రదించాలి.
రోజూ తగినంత నిద్రపోకపోవడం వల్ల శరీరం అలసటకు గురవుతుంది. ఇది గుండెకు మంచిది కాదు. ఎలాంటి కారణం లేకుండా అలసిపోయినట్లు అనిపిస్తుంటే గుండె సంబంధిత సమస్యకు సంకేతం కావచ్చు.
ఉదయం నిద్రలేవగానే వాంతులు, వికారం అనిపించినా గుండెపోటుకు సంకేతం కావచ్చు. తరచూ ఇలాంటి సమస్య ఎదురవుతుంటే వైద్యుడిని సంప్రదించి పరీక్షలు చేయించుకోవాలి.
Updated Date - May 27 , 2025 | 09:43 PM