ABN Andhra Jyothy: అక్షరం అండగా - పరిష్కారమే అజెండాగా.. కార్యక్రమంలో వేమూరి ఆదిత్య
ABN, Publish Date - May 22 , 2025 | 02:47 PM
ఏబీఎన్ ఆంధ్రజ్యోతి ఆధ్వర్యంలో తిరుపతిలో అక్షరం అండగా - పరిష్కారమే అజెండాగా కార్యక్రమం నిర్వహించారు. ఆంధ్రజ్యోతి ఈడీ వేమూరి ఆదిత్య ఆధ్వర్యంలో జరిగిన ఈ కార్యక్రమానికి తిరుపతి ఎమ్మెల్యే ఆరణి శ్రీనివాసులు ముఖ్య అతిథిగా హాజరయ్యారు.
ఏబీఎన్ ఆంధ్రజ్యోతి ఆధ్వర్యంలో తిరుపతిలో అక్షరం అండగా - పరిష్కారమే అజెండాగా కార్యక్రమం నిర్వహించారు. ఆంధ్రజ్యోతి ఈడీ వేమూరి ఆదిత్య ఆధ్వర్యంలో జరిగిన ఈ కార్యక్రమానికి తిరుపతి ఎమ్మెల్యే ఆరణి శ్రీనివాసులు ముఖ్య అతిథిగా హాజరయ్యారు.
ఆంధ్రజ్యోతి ఈడీ వేమూరి ఆదిత్య మాట్లాడుతూ.. సమస్యలు ప్రచురించడమే కాకుండా.. వాటిని పరిష్కరించే దిశగా కూడా చర్యలు చేపట్టామని తెలిపారు. అక్షరం అండగా - పరిష్కారమే అజెండాగా కార్యక్రమం ద్వారా ఇప్పటి వరకు రూ.60 లక్షల పనులు పూర్తి చేశామని, ఇంకా రూ.87.30 లక్షల పనులకు అనుమతులు వచ్చాయని పేర్కొన్నారు.
ప్రజా సమస్యల పరిష్కారంలో ఆంధ్రజ్యోతి, ఏబీఎన్ ఆంధ్రజ్యోతికి సహకరించిన అధికారులతో పాటు ప్రజాప్రతినిధులకు ఆంధ్రజ్యోతి ఈడీ వేమూరి ఆదిత్య ధన్యవాదాలు తెలియజేశారు.
తిరుపతి ఎమ్మెల్యే ఆరణి శ్రీనివాసులు మాట్లాడుతూ ఏబీఎన్ ఆంధ్రజ్యోతి నిర్వహించిన కార్యక్రమంలో ఆర్వో ప్లాంట్ ఏర్పాటు చేయాలని గతంలో ప్రజలు కోరారన్నారు. దీంతో తమ సొంత నిధులతో ఈ ప్లాంట్ ఏర్పాటు చేశామని చెప్పారు. వంద రోజులు క్రితం నిర్వహించిన సభలో ప్రజలు అడిగిన అన్ని సమస్యల పరిష్కారానికి తాము చర్యలు తీసుకున్నామని చెప్పారు.
తిరుపతి మున్సిపల్ కార్పొరేషన్ కమిషనర్ మౌర్య మాట్లాడుతూ.. ఏబీఎన్ ఆంధ్రజ్యోతి ఈ కార్యక్రమం చేపట్టిన అనంతరం జీవకోనపై తాము ప్రత్యేక దృష్టి పెట్టామని తెలిపారు. నీటి, వీధి దీపాలు, వీధి కుక్కలు, స్మశాన పనులు ఇలా ప్రతి చిన్నా పెద్దా సమస్యలపై ప్రత్యేక దృష్టి పెట్టామని చెప్పారు. ఈ కార్యక్రమం సందర్భంగా ఆర్వో ప్లాంట్ను ఆంధ్రజ్యోతి ఈడీ వేమూరి ఆదిత్య ప్రారంభించారు.
రహదారులు, కాలువలు సమస్యలపై ఎన్నో ఏళ్లుగా ఎంతో మంది దృష్టికి తీసుకు వెళ్లామని.. కానీ వారి వల్ల సాధ్యం కాని పనులు ఏబీఎన్ ఆంధ్రజ్యోతి ద్వారా పరిష్కారమయ్యాయని తిరుపతి మున్సిపల్ కార్పొరేషన్ కమిషనర్ మౌర్య తెలిపారు. ఈ సందర్భంగా ఏబీఎన్ ఆంధ్రజ్యోతితోపాటు అధికారులు, ప్రజాప్రతినిధులకు జీవకోన ప్రజలు కృతజ్ఞతలు తెలిపారు.
అభివృద్ధి పనులను ప్రారంభిస్తున్న ఆంధ్రజ్యోతి ఈడీ వేమూరి ఆదిత్య
Updated Date - May 22 , 2025 | 02:47 PM