Health Tips: టీ తాగిన తర్వాత ఈ 6 ఆహార పదార్థాలు అస్సలు తినకండి..
ABN, Publish Date - Sep 30 , 2025 | 09:50 AM
చాలా మంది ఉదయం నిద్ర లేవగానే టీ, కాఫీతో మొదలెట్టి.. రోజంతా మధ్య మధ్యలో తాగుతూనే ఉంటారు. అయితే టీ, కాఫీ అలవాటు ఎక్కువైతే అనారోగ్యానికి దారి తీస్తుందనే విషయం తెలిసిందే. అయితే టీ తాగిన తర్వాత కొన్ని ఆహార పదార్థాలు తినకూడదనే విషయం చాలా మందికి తెలీదు..
చాలా మంది ఉదయం నిద్ర లేవగానే టీ, కాఫీతో మొదలెట్టి.. రోజంతా మధ్య మధ్యలో తాగుతూనే ఉంటారు. అయితే టీ, కాఫీ అలవాటు ఎక్కువైతే అనారోగ్యానికి దారి తీస్తుందనే విషయం తెలిసిందే. అయితే టీ తాగిన తర్వాత కొన్ని ఆహార పదార్థాలు తినకూడదనే విషయం చాలా మందికి తెలీదు. ఇలా చేయడం వల్ల కూడా అనారోగ్య సమస్యలు తలెత్తుతాయి. ఆ ఆహారాలు ఏంటో ఇప్పుడు తెలుసుకుందాం.
టీ, కాఫీలో టానిన్లతో పాటూ కెఫిన్ ఉంటుంది. ఇది శరీరం ఇనుము శోషణకు ఆటంకం కలిగిస్తుంది. దీనివల్ల టీ తాగిన తర్వాత ఇనుము అధికంగా ఉండే పాలకూర, పచ్చి కూరగాయలు, బెల్లం వంటి ఆహార పదార్థాలు తీసుకోకూడదు. ఇలా చేయడం వల్ల రక్తహీనత, బలహీనత వంటి సమస్యలకు దారి తీస్తుంది.
టీ తాగిన తర్వాత సమోసాలు, పకోడీలు లేదా చిప్స్ వంటి వేయించిన ఆహారం తీసుకోవడం కూడా అనారోగ్య సమస్యలను కలిగిస్తుంది. ఇలా చేయడం వల్ల టీలోని టానిన్లు శరీర కొవ్వును విచ్ఛిన్నం చేసే ప్రక్రియను నెమ్మదిస్తాయి, ఇది ఉబ్బరం లేదా వాయువుకు దారితీస్తుంది.
టీ, కాఫీ తాగిన వెంటనే నారింజ, నిమ్మకాయలు ఇతర సిట్రస్ పండ్లను తినడం కూడా మంచిది కాదు. ఈ పండ్లలో ఉండే విటమిన్ సి.. ఇది ఇనుము శోషణకు సహాయపడుతుంది. అయితే టీ తర్వాత వీటిని తినడం వల్ల దాని లక్షణాల తగ్గిపోవడంతో పాూట కడుపులో ఆమ్లత్వం పెరిగిపోతుంది.
టీ తాగిన తర్వాత చాలా మంది పనీర్ పకోడాలు, పాల ఉత్పత్తులను తీసుకుంటుంటారు. ఇలా చేయడంపై వల్ల జీర్ణక్రియనూ ప్రతికూలంగా ప్రభావం పడుతుంది. టీ, పాల ఉత్పత్తులు కలిపి తీసుకోవడం వల్ల కడుపులో ఆమ్లతత్వం, అజీర్ణ సమస్యలు తలెత్తుతాయి.
టీ తాగిన తర్వాత సాధారణంగా బిస్కెట్లు, స్వీట్లు లేదా కేకులు తింటుంటారు. ఈ అలవాటు కూడా మీ ఆరోగ్యంపై ప్రభావం చూపిస్తుంది. టీ తాగిన వెంటనే స్వీట్లు తినడం వల్ల రక్తంలో చక్కెర స్థాయిలు వేగంగా పెరుగడం, తగ్గడం జరుగుతుంది. దీని వల్ల అలసట, చిరాకు, ఊబకాయం, మధుమేహం వంటి వ్యాధులు కూడా వస్తాయి.
టీ తాగిన తర్వాత ప్రోటీన్ లేదా ఫైబర్ అధికంగా ఉండే పప్పులు, చిక్పీస్, కిడ్నీ బీన్స్ లేదా ప్రోటీన్ మరియు ఫైబర్ అధికంగా ఆహారాలను తీసుకోవడం మానేయండి. టీలోని టానిన్లు, కెఫిన్.. జీర్ణక్రియను నెమ్మదిస్తాయి. ఇది ఉదర భారం, గ్యాస్ సంబంధిత సమస్యలకు దారితీస్తుంది.
ఈ విషయాలన్నీ కేవలం అవగాహన కోసం మాత్రమే. ఎలాంటి సమస్య వచ్చినా వెంటనే వైద్యుడిని సంప్రదించాలి.
Updated Date - Sep 30 , 2025 | 09:50 AM