Chia Seeds: చియా గింజలు మంచిదే అయినా.. ఈ 7 పదార్థాలతో కలిపి తింటే ఏమవుతుందో తెలుసా..
ABN, Publish Date - May 10 , 2025 | 07:16 AM
చియా గింజలు ఆరోగ్యానికి మేలు చేస్తాయి. వీటిలో ఉండే ప్రోటీన్, ఫైబర్, యాంటీఆక్సిడెంట్లు వివిధ రకాలుగా మేలు చేస్తాయి. అయితే ..
చియా గింజలు ఆరోగ్యానికి మేలు చేస్తాయి. వీటిలో ఉండే ప్రోటీన్, ఫైబర్, యాంటీఆక్సిడెంట్లు వివిధ రకాలుగా మేలు చేస్తాయి. అయితే ఈ గింజలను కొన్ని ఆహార పదార్థాలతో కలిపి తీసుకోవడం వల్ల అనారోగ్య సమస్యలు తలెత్తే ప్రమాదం ఉంది. అవేంటో ఇప్పుడు తెలుసుకుందాం..
చక్కెర శాతం ఎక్కువగా ఉండే ఆహారాలతో చియా గింజలను కలిపి తీసుకోకూడదు. చక్కెర తీసుకోవడం వల్ల కేలరీలు పెరుగుతాయి. దీంతో చియా గింజల ప్రయోజనాలను పొందడంలో ఇబ్బంది కలుగుతుంది.
ఎక్కువ ఉప్పు ఉండే ఆహారంతో కలిపి తీసుకోవడం వల్ల కూడా అనారోగ్య సమస్యలు ఎదురవుతాయి. సోడియం పెరగడం వల్ల రక్తపోటు పెరగడంతో పాటూ అనేక అనారోగ్య సమస్యలు చుట్టుముట్టే ప్రమాదం ఉంది.
వెన్న లేదా అధిక శాతం కొవ్వు పదార్థాలతో కలిపి చియా గింజలు తినకూడదు. ఇలా చేస్తే చియా గింజల ప్రయోజనాలు పొందకపోగా.. గుండెకూ ఇబ్బంది కలుగుతుంది.
చియా గింజలతో కారం, నల్ల మిరియాలు తదితరాలు కలపకూడదు. ఇలా చేయడం వల్ల కడుపు నొప్పి, గ్యాస్, అజీర్ణ సమస్యలు తలెత్తుతాయి.
చియా గింజలను ఇతర విత్తనాలతో కలిపి ఎండబెట్టకూడదు. ఇలా చేస్తే కడుపులోని నీటిని పీల్చుకుంటాయి. తద్వారా కడుపు నొప్పి, అధిక బరువు సమస్యలు తలెత్తుతాయి. కాబట్టి చియా గింజలను నానబెట్టిన తర్వాత తినాలి.
ఐస్ క్రీం, స్మూతీ తదితర తీపి పదార్థాలతో కలిపి చియా గింజలను తీసుకోకూడదు. ఇలా చేయడం వల్ల కడుపు సమస్యలతో పాటూ రక్తంలో చక్కెర స్థాయి పెరిగిపోతుంది.
ప్యాక్ చేసిన రసంలో చియా గింజలను నానబెట్టకూడదు. ఇలా చేస్తే రక్తంలో చక్కెర శాతం పెరుగుతుంది.
ఈ విషయాలన్నీ కేవలం అవగాహన కోసం మాత్రమే. ఎలాంటి సమస్య వచ్చినా వెంటనే వైద్యుడిని సంప్రదించాలి.
Updated Date - May 10 , 2025 | 07:16 AM
