Health Tips: నెల రోజుల పాటు రోజుకు 5 నానబెట్టిన బాదం పప్పులు తింటే.. జరిగేది ఇదే..
ABN, Publish Date - Sep 04 , 2025 | 09:02 PM
బాదం పప్పులో అనేక పోషకాలు ఉంటాయి. వీటిని తరచూ తీసుకోవడం వల్ల పలు ఆరోగ్య ప్రయోజనాలు మన సొంతమవుతాయి. అయితే రోజూ 5 బాదం పప్పులు తినడం వల్ల అనేక ఆరోగ్య ప్రయోజనాలు ఉన్నాయని నిపుణులు చెబుతున్నారు.
బాదం పప్పులో అనేక పోషకాలు ఉంటాయి. వీటిని తరచూ తీసుకోవడం వల్ల పలు ఆరోగ్య ప్రయోజనాలు మన సొంతమవుతాయి. అయితే రోజూ 5 బాదం పప్పులు తినడం వల్ల అనేక ఆరోగ్య ప్రయోజనాలు ఉన్నాయని నిపుణులు చెబుతున్నారు. అవేంటో ఇప్పుడు తెలుసుకుందాం.
రోజూ 5 నానబెట్టిన బాదంపప్పు తినడం వల్ల ఆహారంలోని పోషకాలు శరీరానికి అందుతాయి. అలాగే బద్ధకం, అసౌకర్యం వంటి సమస్యలు దూరమై.. కడుపు తేలిగ్గా మారుతుంది.
బాదంలోని ఆరోగ్యకరమైన కొవ్వులు, ప్రోటీన్, ఫైబర్.. శరీరానికి అవసరమైన శక్తిని విడుదల చేయడంలో సహాయపడతాయి. అలాగే రోజంతా చురుగ్గా ఉండేలా చేస్తాయి.
బాదంలోని శక్తివంతమైన యాంటీఆక్సిడెంట్లు దెబ్బతిన్న చర్మ కణాలకు మరమ్మతులు చేసి, కొత్త కణాలను సృష్టించడంలో సహాయపడుతుంది.
బాదంలో రైబోఫ్లేవిన్, ఎల్-కార్నిటైన్ అనే పోషకాలు మెదడు పనితీరును మెరుగుపరుస్తాయి. మెదడు నిత్యం చురుగ్గా ఉండేలా సాయం చేస్తాయి.
బాదంలోని పొటాషియం, మెగ్నీషియం.. రక్తానికి అవసరమైన ఆక్సిజన్ అందించడంలో సాయం చేస్తుంది. అలాగే రక్త ప్రసరణ సజావుగా సాగేలా చేయడంతో పాటూ గుండెకు రక్తాన్ని పంప్ చేయడంలో సాయం చేస్తుంది.
బాదంలోని ఫైబర్, ప్రోటీన్.. బరువు నియంత్రణలో ఉంచడంలో సాయం చేస్తాయి. అదేవిధంగా కోరికలను నియంత్రించడంలో బాదం సహాయపడుతుంది.
బాదంలోని మెగ్నీషియం, భాస్వరం అనే ఖనిజాలు ఎముకలకు అదనపు బలాన్ని ఇస్తాయి. బాదం ఎముకలను బలంగా ఉంచడమే కాకుండా దంతాలను బలంగా ఉంచడంలో కూడా సహాయపడతాయి.
ఈ విషయాలన్నీ కేవలం అవగాహన కోసం మాత్రమే. ఎలాంటి సమస్య వచ్చినా వెంటనే వైద్యుడిని సంప్రదించాలి.
Updated Date - Sep 04 , 2025 | 09:02 PM