Monsoon Health Tips: వర్షాకాలంలో పాలకూర రసం తాగితే ఏమవుతుందో తెలుసా..
ABN, Publish Date - Jul 06 , 2025 | 02:04 PM
వర్షాకాలంలో అనేక వ్యాధులు చుట్టుముడుతుంటాయి. దీన్ని దృష్టిలో ఉంచుకుని ఆహార విషయంలో జాగ్రత్తలు తీసుకోవడం మంచిది. వర్షాకాలంలో పాలకూర రసం తాగితే..
వర్షాకాలంలో అనేక వ్యాధులు చుట్టుముడుతుంటాయి. దీన్ని దృష్టిలో ఉంచుకుని ఆహార విషయంలో జాగ్రత్తలు తీసుకోవడం మంచిది. వర్షాకాలంలో పాలకూర రసం తాగితే ఎలాంటి ప్రయోజనాలు ఉంటాయో ఇప్పుడు తెలుసుకుందాం.
పాలకూరలోని పొటాషియం రక్తపోటును అదుపులో ఉంచుతుంది. అధిక రక్తపోటు సమస్య ఉన్న వారికి పాలకూర చాలా బాగా పని చేస్తుంది.
వర్షాకాలంలో జలుబు, దగ్గు, జ్వరం వంటి సమస్యలు ఎక్కువగా వస్తుంటాయి. పాలకూరలోని విటమిన్-సి, యాంటీఆక్సిడెంట్లు.. రోగనిరోధక శక్తిని పెంపొందిస్తాయి.
పాలకూరలో విటమిన్- కె, కాల్షియం తదితర పోషకాలు పుష్కలంగా ఉంటాయి. ఇవి ఎముకలను బలంగా చేయడంతో పాటూ దంత ఆరోగ్యాన్ని మెరుగుపరుస్తాయి.
పాలకూరలోని ఇనుము శరీరంలో ఎర్ర రక్త కణాలను పెంచుతుంది. రక్తహీనత సమస్యను దూరం చేస్తుంది.
పాలకూరలో ఫైబర్ జీర్ణక్రియను మెరుగుపరుస్తుంది. అలాగే మలబద్ధకాన్ని దూరం చేయడంతో పాటూ పేగు ఆరోగ్యాన్ని మెరుగుపరుస్తుంది.
పాలకూరలో లుటిన్, జియాక్సంతిన్ తదితరాలు కంటి ఆరోగ్యానికి సహకరిస్తాయి. కంటి శుక్లం, దృష్టి లోపం సమస్యలను దూరం చేస్తాయి.
ఈ విషయాలన్నీ కేవలం అవగాహన కోసం మాత్రమే. ఎలాంటి సమస్య వచ్చినా వెంటనే వైద్యుడిని సంప్రదించాలి.
Updated Date - Jul 06 , 2025 | 02:04 PM