Spinal Health: మీ వెన్నెముక ఇనుములా మారిపోవాలా.. అయితే ఇవి తీసుకోండి చాలు..
ABN, Publish Date - Jun 03 , 2025 | 01:46 PM
ప్రస్తుత జీవన విధానంలో ఎంతో మంది నడుం నొప్పి, వెన్ను నొప్పితో సతమతమవుతున్నారు. అయితే కొన్ని ఆహార పదార్థాలు తీసుకోవడం ద్వారా వెన్నెముక ఆరోగ్యాన్ని మెరుగుపరుచుకోవచ్చు.
ప్రస్తుత జీవన విధానంలో ఎంతో మంది నడుం నొప్పి, వెన్ను నొప్పితో సతమతమవుతున్నారు. అయితే కొన్ని ఆహార పదార్థాలు తీసుకోవడం ద్వారా వెన్నెముక ఆరోగ్యాన్ని మెరుగుపరుచుకోవచ్చు. అలాగే శరీరంలోని మిగతా ఎముకలను కూడా బలంగా మార్చుకోవచ్చు. అదెలాగో ఇప్పుడు తెలుసుకుందాం.
రోజూ పాల ఉత్పత్తులను క్రమం తప్పకుండా తీసుకోవాలి. అలాగే జీడిపప్పు, బాదం, నువ్వులు, గుమ్మడి గింజలు, కూరగాయలు తదితరాలను తీసుకోవడం వల్ల ఎముకలు దృఢంగా మారతాయి.
కండరాలు కూడా బలంగా మారడం వల్ల ఎముకలు కూడా బలంగా ఉంటాయి. ఇందుకోసం పెరుగు, గుడ్లు, మాంసం వంటకాలు, బీన్స్ ఎక్కువగా తినాలి.
ఒమేగా-3 కొవ్వు ఆమ్లాలు అధికంగా ఉండే ఆహారాన్ని తినడం వల్ల ఎముకలు, కీళ్ల ఆరోగ్యం మెరుగుపడుతుంది. బాదం, వాల్నట్స్, చేపలు, చియా, అవిసె గింజలు వంటి విత్తనాల్లో ఒమేగా-3 కొవ్వు ఆమ్లాలు పుష్కలంగా ఉంటాయి.
పాలకూర, క్యారెట్లు, బీట్రూట్, బెల్ పెప్పర్స్, గూస్బెర్రీస్ తదితరాలను విరివిగా తీసుకోవాలి. వీటిలోని యాంటీఆక్సిడెంట్లు వెన్నెముకతో సహా ఇతర ఎముకలు కూడా బలంగా మారతాయి.
ఈ విషయాలన్నీ కేవలం అవగాహన కోసం మాత్రమే. ఎలాంటి సమస్య వచ్చినా వెంటనే వైద్యుడిని సంప్రందించాలి.
Updated Date - Jun 03 , 2025 | 01:46 PM