ఈ జంతువుల్లో ‘హెచ్ఐవీ’ తరహా వైరస్!
ABN, Publish Date - Jul 09 , 2025 | 09:00 PM
Animals with HIV like Virus: మనుషులకు మాత్రమే హ్యూమన్ ఇమ్యునో డెఫిషియెన్సీ వైరస్ (HIV), అక్వైర్డ్ ఇమ్యునో డెఫిషియెన్సీ సిండ్రోమ్ (AIDS) వంటివి సోకుతాయనుకుంటే అది చాలా పొరపాటు. నిజానికి కొన్ని జంతువుల్లో అచ్చం ఇలాంటి వైరస్ లే సోకుతుంటాయని శాస్త్రవేత్తలు చెబుతున్నారు. ఆ జంతువుల పేర్లేంటో తెలిస్తే ఆశ్చర్యపోకమానరు.
జంతువుల్లో HIV కి దగ్గరి బంధువు అయిన సిమియన్ ఇమ్యునో డెఫిషియెన్సీ వైరస్ (SIV) సోకుతుంది. ఇది ప్రధానంగా చింపాంజీలు, గొరిల్లాలు వంటి క్షీరదాల్లో కనిస్తుంది.
HIV-1, HIV-2 అనేవి SIV నుంచే ఉద్భవించాయని నమ్ముతారు. నిపుణుల అభిప్రాయం ప్రకారం, SIV ప్రధానంగా చింపాంజీలు, మాండ్రిల్స్, మకాక్ కోతులు వంటి ఆఫ్రికన్ క్షీరదాల నుంచి వచ్చింది.
కొన్ని అధ్యయనాలు పిల్లులలో ఫెలైన్ ఇమ్యునో డెఫిషియెన్సీ వైరస్ (FIV), ఆవులలో బోవిన్ ఇమ్యునో డెఫిషియెన్సీ వైరస్ (BIV) ను ఉన్నట్లు గుర్తించారు.
SIVcpz సోకిన చింపాంజీల్లో బరువు తగ్గడం, తరచుగా ఇన్ఫెక్షన్లు, బలహీనమైన రోగనిరోధక వ్యవస్థ ఇలా AIDS వంటి లక్షణాలే కనిపించాయి.
కుక్కలలో HIV లేదా SIV వంటి వైరస్ సోకినట్లు నిరూపించడానికి ఇంకా సరైన శాస్త్రీయ ఆధారం లేదు. నిపుణుల అభిప్రాయం ప్రకారం, కుక్కలకు ఇతర వైరల్ వ్యాధులు రావచ్చు కానీ AIDS కాదు.
క్షీరదాల్లో లైంగిక సంబంధం, రక్త మార్పిడి, తల్లి బిడ్డకు జన్మనిచ్చినప్పుడు లేదా తల్లిపాల ద్వారా SIV వ్యాపిస్తుంది. పిల్లులలో FIV కాటు లేదా రక్తం ద్వారా వ్యాపిస్తుంది.
Updated Date - Jul 09 , 2025 | 09:00 PM