Sri Ramakonda Temple in Mahbubnagar: అమావాస్య.. శ్రీరామకొండకు పోటెత్తిన భక్తులు
ABN, Publish Date - Sep 21 , 2025 | 02:27 PM
మహబూబ్నగర్ జిల్లా కోయిలకొండ మండల కేంద్రంలోని శ్రీరామకొండకు భక్తులు పోటెత్తారు. ఈ రోజు ఆదివారం.. అందునా మహాలయ పక్ష అమావాస్య కావడంతో జిల్లాలోని వివిధ ప్రాంతాల నుంచి శ్రీరామకొండకు భక్తులు వెల్లువెత్తారు. ఈ సందర్భంగా శ్రీరాముడికి భక్తులు ప్రత్యేక పూజలు నిర్వహించారు. భక్తులు వేల సంఖ్యలో తరలి వచ్చారు.
మహబూబ్నగర్ జిల్లా కోయిలకొండ మండల కేంద్రంలోని శ్రీరామకొండకు భక్తులు పోటెత్తారు. అందునా ఆదివారం.. అది కూడా మహాలయ పక్ష అమావాస్య కావడంతో జిల్లాలోని వివిధ ప్రాంతాల నుంచి శ్రీరామకొండకు భక్తులు వెల్లువెత్తారు.
ఈ సందర్భంగా శ్రీరాముడికి భక్తులు ప్రత్యేక పూజలు నిర్వహించారు. భక్తులు వేల సంఖ్యలో తరలిరావడంతో అందుకు అవసరమైన ఏర్పాట్లు చేశారు.
ప్రతి ఏడాది ఏప్రిల్ మాసంలో వచ్చే అమావాస్య రోజు.. భారీ ఎత్తు జాతర నిర్వహిస్తారు. ఈ జాతరకు తెలంగాణ రాష్ట్రంలోని వివిధ జిల్లాల నుంచి భక్తులు భారీగా శ్రీరామకొండకు తరలి వస్తారు. అందుకోసం జిల్లా అధికారులు ప్రత్యేక ఏర్పాట్లు చేస్తారు.
త్రేతాయుగంలో శ్రీరాముడు తన భార్య సీతాదేవి, సోదరుడు లక్ష్ముణుడితో కలిసి వనవాసంకు వెళ్లారు. ఆ సమయంలో వీరు.. ఈ కొండపై విశ్రాంతి తీసుకున్నట్లు చెబుతారు. అందుకే ఈ కొండను శ్రీరామకొండ అని పిలుస్తారు.
శ్రీరాముని పాద ముద్రతు నేటికి కనిపించడం విశేషం. భక్తుల సైతం ఆ పాదాలను సందర్శిస్తారు.
ఇక కొండపై సీతాదేవి కూర్చొన్న రాయిని సీతమ్మ గుండుగా పిలుస్తారు. అనంతరం ఈ కొండపై ఋషులు సైతం తపస్సు చేశారని అంటారు.
ఈ కొండపై కోనేరు ఉంటుంది. దాంట్లో నీరు నిత్యం నిండుగా ఉంటుందంటారు.
ఈ దేవాలయం చారిత్రాత్మక కోయిలకొండ కోట సమీపంలో ఉంది. ఈ దేవాలయాన్ని సందర్శించిన భక్తులు.. ఈ కోటను సైతం సందర్శిస్తారు.
ఈ కొండపై రాముడి దర్శనం అనంతరం కోనేటిలోని నీటిని.. అక్కడి చెట్టు కొమ్మలను భక్తులు ఇంటికి తీసుకు వెళ్లారు. అమావాస్య రోజు కొండపై ఉన్న మొక్కలు సంజీవనిగా మారతాయని భక్తులు ప్రగాఢంగా విశ్వసిస్తారు.
Updated Date - Sep 21 , 2025 | 02:27 PM