GHMC: నిమజ్జనం పూర్తి.. రంగంలోకి దిగిన జీహెచ్ఎంసీ సిబ్బంది
ABN, Publish Date - Sep 07 , 2025 | 06:43 PM
గణపతి నవరాత్రులు పూర్తయ్యాయి. వినాయకుడి నిమజ్జనం దాదాపుగా పూర్తయింది. మరికొన్ని ఆదివారం మధ్యాహ్నం (సెప్టెంబర్ 7వ తేదీ) వరకు జరిగాయి. ఈ నిమజ్జనం సందర్భంగా శనివారం నగరంలోని వివిధ ప్రాంతాల నుంచి ట్యాంక్ బండ్ వద్దనున్న హుస్సేన్ సాగర్కు భారీగా వినాయకుడి విగ్రహాలు తరలి వెళ్లాయి.
గణపతి నవరాత్రులు పూర్తయ్యాయి. వినాయకుడి నిమజ్జనం దాదాపుగా పూర్తయింది. మరికొన్ని ఆదివారం మధ్యాహ్నం (సెప్టెంబర్ 7వ తేదీ) వరకు జరిగాయి.
ఈ నిమజ్జనం సందర్భంగా శనివారం నగరంలోని వివిధ ప్రాంతాల నుంచి ట్యాంక్ బండ్ వద్ద ఉన్న హుస్సేన్ సాగర్కు భారీగా వినాయకుడి విగ్రహాలు తరలి వెళ్లాయి.
ఈ నిమజ్జనాన్ని వీక్షించేందుకు ట్యాంక్ బండ్ వద్దకు భారీగా ప్రజలు చేరుకున్నారు. దీంతో పరిసర ప్రాంతమంతా చెత్త చెదారంతో నిండిపోయింది.
దాంతో ఆదివారం ఉదయం ఆ పరిసర ప్రాంతాలను గ్రేటర్ హైదరాబాద్ మున్సిపల్ కార్పొరేషన్ (జీహెచ్ఎంసీ) సిబ్బంది శుభ్రం చేశారు.
అయితే ఈ నిమజ్జనాన్ని వీక్షించేందుకు వచ్చి.. తిరుగు ప్రయాణంలో రవాణా సౌకర్యాలు లేక పోవడంతో.. పలువురు ట్యాంక్ బండ్ పరిసర ప్రాంతాల్లోని పార్కుల్లో నిద్రకు ఉపక్రమించారు.
ఇంకోవైపు హుస్సేన్ సాగర్లో వినాయకుడి నిమజ్జనం సందర్భంగా ప్లాస్టర్ ఆఫ్ పారిస్తో చేసిన వ్యర్థాలు భారీగా చేరాయి. వాటిని సైతం వెలికి తీసే పనిలో జీహెచ్ఎంసీ సిబ్బంది నిమగ్నమై ఉన్నారు.
Updated Date - Sep 07 , 2025 | 07:27 PM