Montha Cyclone: హనుమకొండలో సీఎం రేవంత్ పర్యటన..
ABN, Publish Date - Oct 31 , 2025 | 08:52 PM
మొంథా తుపాను కారణంగా ఉమ్మడి వరంగల్ జిల్లాలని పలు ప్రాంతాలు నీటిలో చిక్కుకుపోయాయి. ఈ నేపథ్యంలో శుక్రవారం ముఖ్యమంత్రి రేవంత్ రెడ్డి హనుమకొండలో పర్యటించారు. అనంతరం రాష్ట్రంలో వరదలపై హనుమకొండ కలెక్టరేట్లో సీఎం రేవంత్ రెడ్డి సమీక్ష నిర్వహించారు. ఈ తుపాను ప్రభావంతో తెలంగాణలోని 12 జిల్లా్ల్లో తీవ్ర నష్టం వాటిల్లిందన్నారు. పంట నష్టం, ఆస్తి నష్టం, దెబ్బతిన్న రూడ్లపై నివేదికలు తెప్పించాలని.. ప్రజా ప్రతినిధుల వద్దకు వచ్చిన నివేదికలను కలెక్టర్లకు పంపాలని ఆదేశించారు.
మొంథా తుపాను కారణంగా ఉమ్మడి వరంగల్ జిల్లాలని పలు ప్రాంతాలు నీటిలో చిక్కుకుపోయాయి. ఈ నేపథ్యంలో శుక్రవారం ముఖ్యమంత్రి రేవంత్ రెడ్డి హనుమకొండలో పర్యటించారు.
అనంతరం రాష్ట్రంలో వరదలపై హనుమకొండ కలెక్టరేట్లో సీఎం రేవంత్ రెడ్డి సమీక్ష నిర్వహించారు.
ఈ తుపాను ప్రభావంతో తెలంగాణలోని 12 జిల్లా్ల్లో తీవ్ర నష్టం వాటిల్లిందన్నారు. పంట నష్టం, ఆస్తి నష్టం, దెబ్బతిన్న రూడ్లపై నివేదికలు తెప్పించాలని.. ప్రజా ప్రతినిధుల వద్దకు వచ్చిన నివేదికలను కలెక్టర్లకు పంపాలని ఆదేశించారు.
అన్ని నివేదికలు సమీకరించి నిర్ణీత విధానంలో కేంద్రానికి నివేదించాల్సి ఉంటుందన్నారు. ఇక తుపాను నష్టాలపై కేంద్ర నిధులు రాబట్టుకోవాల్సి ఉందని తెలిపారు. ఈ విషయంలో అలసత్వం ప్రదర్శించ వద్దని అధికారులకు సూచించారు.
నిర్లక్ష్యం వహించిన అధికారులపై చర్యలు తీసుకుంటామని హచ్చరించారు. ధనిక రాష్ట్రమని కేంద్రం నుంచి రావాల్సిన నిధులు వదులకున ప్రసక్తే లేదన్నారు.
ప్రకృతి విపత్తుల సమయంలో ప్రజలకు అందించాల్సిన ఆర్థిక సాయంపై గతంలో ఇచ్చిన జీవో ప్రకారం.. తాజా వరదల్లో మృతి చెందిన వారి కుటుంబాలకు రూ. 5 లక్షల పరిహారం ఇవ్వాలని ప్రభుత్వం నిర్ణయించింది.
ఇళ్లు మునిగిన వారికి రూ. 15 వేల చెప్పున నష్టపరిహారం చెల్లించనున్నట్లు సీఎం రేవంత్ రెడ్డి ప్రకటించారు.
గుడిసెలు కోల్పోయిన వారికి ఇందిరమ్మ ఇళ్లు ఇచ్చేలా చర్యలు చేపట్టాలని అధికారులకు సూచించారు. ఎకరా పంట నష్టానికి రూ. 10 వేలు చెప్పున అందించనున్నారు.
అలాగే ఆవులు, గేదెలు మృత్యువాత పడితే రూ. 50 వేలు, మేకలు, గొర్రెలకు రూ. 5 వేు చెల్లించేందుకు చర్యలు చేపట్టాలని సీఎం రేవంత్రెడ్డి ఆదేశించారు.
ఈ పర్యటనలో ముఖ్యమంత్రి రేవంత్ వెంట జిల్లా ఇన్ఛార్జ్ మంత్రి పొంగులేటి శ్రీనివాసులు రెడ్డి, జిల్లాకు చెందిన మంత్రి కొండా సురేఖతోపాటు పలువురు ప్రజాప్రతినిధులు, ఉన్నతాధికారులు ఉన్నారు.
ముఖ్యమంత్రి పర్యటన సందర్భంగా భారీ భద్రత ఏర్పాటు చేశారు.ఈ పర్యటనలో బాధితులతో సీఎం రేవంత్ రెడ్డి స్వయంగా మాట్లాడారు. ఈ సందర్భంగా వారికి భరోసా ఇచ్చారు.
Updated Date - Oct 31 , 2025 | 08:52 PM