రాజేంద్రనగర్ అగ్రికల్చర్ యూనివర్సిటీలో గందరగోళం..
ABN, Publish Date - Jun 20 , 2025 | 02:47 PM
హైదరాబాద్ రాజేంద్రనగర్ అగ్రికల్చర్ యూనివర్సిటీలో గందరగోళం చెలరేగింది. వేల మంది విద్యార్థులు ధర్నాకు దిగారు.
హైదరాబాద్ రాజేంద్రనగర్ అగ్రికల్చర్ యూనివర్సిటీ వద్ద శుక్రవారం గందరగోళం చెలరేగింది.
20 అసిస్టెంట్ వార్డెన్ జాబ్స్ కోసం యూనివర్సిటీ నోటిఫికేషన్ ఇవ్వడంతో రాష్ట్రం నలుమూలల నుండి వేల సంఖ్యలో విద్యార్థులు తరలివచ్చారు.
సుదూర ప్రాంతాల నుంచి రెండు రోజుల ముందే హైదరాబాద్ చేరుకున్నారు. అయితే, ఇంటర్వ్యూని వాయిదా వేశారు.
దీంతో రిజిస్టర్ విద్యాసాగర్ అభ్యర్థులకు ఎలాంటి సమాచారం ఇవ్వకుండా ఇంటర్వ్యూ నీ వాయిదా వేశారని విద్యార్థులు ఆందోళనకు దిగారు. రాజేంద్రనగర్ డీసీపీ శ్రీనివాస్ ధర్నాని విరమించాలి అని అభ్యర్థించినా ధర్నా విరమించలేదు.
వేల సంఖ్యలో వచ్చిన అభ్యర్థులందరూ కూడా అగ్రికల్చర్ యూనివర్సిటీ రాజేంద్రనగర్ నాలెడ్జ్ సెంటర్ ముందు ధర్నాకు దిగారు. కనీసం మంచి నీటి సౌకర్యం కూడా కల్పించలేదని మండిపడ్డారు.
ఉన్న 20 పోస్టులను డబ్బులకు అమ్ముకున్నారంటూ అసిస్టెంట్ వార్డెన్ పోస్టులకు సంబంధించిన అభ్యర్థులు ఆరోపిస్తున్నారు. వచ్చిన వారితోనే ఇంటర్వ్యూలు జరపాలని.. రిజిస్టర్ పైన చర్యలు తీసుకోవాలని డిమాండ్ చేస్తున్నారు.
Updated Date - Jun 20 , 2025 | 03:02 PM