Ankol tree: వెండి మొక్క
ABN, Publish Date - Jul 21 , 2025 | 01:55 AM
ప్రకృతిలో మనకు అవసరమైనవన్నీ ఉంటాయి. కానీ కొన్నిసార్లు మనమే గుర్తించలేకపోతాం. అలాంటిదే అలాంగియం సాల్విఫోలియం మొక్క. అనారోగ్యానికి ఔషధంగానే కాక వెండి నానో కణాల తయారీకి...
ప్రకృతిలో మనకు అవసరమైనవన్నీ ఉంటాయి. కానీ కొన్నిసార్లు మనమే గుర్తించలేకపోతాం. అలాంటిదే అలాంగియం సాల్విఫోలియం మొక్క. అనారోగ్యానికి ఔషధంగానే కాక వెండి నానో కణాల తయారీకి ఉపయోగపడుతుంది ఇది. ఈ మొక్క గురించి వివరాలు తెలుసుందాం..
దీనిని అంకోల్ చెట్టు, ఊడుగ చెట్టు అని కూడా అంటారు. ఇది భారత్, శ్రీలంక, నేపాల్, బంగ్లాదేశ్, మయన్మార్, ఆగ్నేయాసియాలోని కొన్ని ప్రాంతాల్లో పెరుగుతుంది. తూర్పు కనుమలలోని అడవుల వద్ద ఈ మొక్క ఎక్కువగా కనిపిస్తుంది. ఇది 10 నుంచి 12 మీటర్ల ఎత్తు పెరుగుతుంది. ఈ మొక్కకు లేత పసుపు రంగు ఆకర్షణీయమైన పువ్వులు పుస్తాయి. సువాసన వెదజల్లే ఈ పూలు వేసవిలో వికసిస్తాయి. ఈ మొక్కకు బెర్రీ రంగు పండ్లు కాస్తాయి. ఈ పండ్లలో ఒకేఒక్క విత్తనం ఉంటుంది. ఈ పండును సంప్రదాయ వైద్యంలో, ఆయుర్వేదంలో వినియోగిస్తారు. జ్వరం, వాపులు, జీర్ణ సమస్యల పరిష్కారానికి ఉపయోగిస్తారు. ఈ పండ్ల జీవసంబంధ సమ్మేళనాలలో యాంటీ ఆక్సిడెంట్, యాంటీ మైక్రోబయల్ లక్షణాలు ఉండొచ్చని కొన్ని అధ్యయనాలు చెబుతున్నాయి. ఈ మొక్క దాహాన్ని తగ్గించడంలోనూ ఉపయోగపడుతుంది. ఈ చెట్టు పండు ఒక్కదానిని తింటే మండే ఎండాకాలంలోనైనా సరే 3-4 గంటలపాటు దాహం వేయదు. ఈ మొక్క ఆకులను వెండి నానో కణాల తయారీ ప్రక్రియలో వాడతారు.
డాక్టర్ శ్రీనాథ్,
వృక్ష శాస్త్రవేత్త, కన్హా శాంతివనం, హైదరాబాద్
drananthanenisreenath@gmail.com
ఇవీ చదవండి:
జీతంలో 50 శాతం పన్నులకే.. ఐరోపా లైఫ్పై ఎన్నారై పోస్టు వైరల్
22 ఏళ్ల వయసులో ఒంటరిగా విదేశీ యాత్ర.. ఈ భారతీయ యువకుడి అనుభవం ఏంటో తెలిస్తే..
Updated Date - Jul 21 , 2025 | 01:55 AM
