Unverified Health Tips: బరువు తగ్గాలని 3 నెలలుగా పండ్లరసమే ఆహారం
ABN, Publish Date - Jul 26 , 2025 | 03:46 AM
యూట్యూబ్లో ఓ వీడియోను చూసి మూడునెలలుగా కేవలం పండ్ల రసాన్ని మాత్రమే తాగుతున్న..
యూట్యూబ్ చిట్కా పాటించిన బాలుడి మృతి
చెన్నై, జూలై 25: యూట్యూబ్లో ఓ వీడియోను చూసి మూడునెలలుగా కేవలం పండ్ల రసాన్ని మాత్రమే తాగుతున్న ఓ 17 ఏళ్ల బాలుడు చివరకు ప్రాణం కోల్పోయాడు. తమిళనాడులోని కన్యాకుమారి జిల్లా కొలాచెల్కు చెందిన శక్తీశ్వరన్ గురువారం తమ ఇంట్లోనే ఊపిరాడక కుప్పకూలిపోయి మృతి చెందినట్టు కుటుంబసభ్యులు తెలిపారు. తమ బాబు చాలా ఆరోగ్యంగా, చురుగ్గాఉండేవాడని, అయితే యూట్యూబ్లో ఓ వీడియోను చూసి పండ్ల రసాన్ని మాత్రమే తీసుకుంటున్నాడని వారు చెప్పారు. తన ఆహార అలవాటును మార్చుకునే ముందు వైద్య లేదా పోషకాహార నిపుణుడిని సంప్రదించలేదని తెలిపారు. గురువారం తమ ఇంట్లో పూజ నిర్వహించగా.. బాబు ఆహారం తిన్నాడు. ఆ తర్వాత వాంతి చేసుకున్నాడు. అనంతరం ఊపిరాడటం లేదంటూనే కుప్పకూలిపోయాడు. కాగా ఆ బాబు మరణానికి గల కారణాలను తెలుసుకునేందుకు వైద్యులు శవపరీక్ష నివేదికను పరిశీలిస్తున్నారు.
ఇవి కూడా చదవండి
వాయుగుండం.. మళ్లీ భారీ వర్షాలు
పన్ను చెల్లింపుదారులకు అలర్ట్.. ఈ మోసాల గురించి హెచ్చరిక..
For More Andhrapradesh News And Telugu News
Updated Date - Jul 26 , 2025 | 03:46 AM
