1. • Home » Lifestyle » Beauty Tips for Sensitive Skin in summer SJ

Sensitive Skin Care Tips: మీ చర్మం సున్నితంగా ఉందా.. వేసవిలో ఈ ముఖ్య విషయాలను గుర్తుంచుకోండి..

మీ చర్మం సున్నితంగా ఉంటే వేసవి కాలంలో కొన్ని విషయాలపై ప్రత్యేక శ్రద్ధ వహించాలని నిపుణులు చెబుతున్నారు. లేదంటే తీవ్రమైన సమస్యలను ఎదుర్కొవాల్సి వస్తుందని సూచిస్తున్నారు. కాబట్టి, ఆ విషయాలు ఏంటో ఇప్పుడు తెలుసుకుందాం..

వేసవి కాలంలో సున్నితమైన చర్మం ఉన్నవారు చాలా ఇబ్బంది పడుతుంటారు. వారి ముఖంపై మొటిమలు ఎక్కువగా వస్తాయి. సూర్యరశ్మి, దుమ్ము కారణంగా వడదెబ్బ కూడా వచ్చే అవకాశం ఉంటుంది. కొన్నిసార్లు, సమస్య తీవ్రమైనప్పుడు వైద్యుడిని కూడా సంప్రదించాల్సి వస్తుంది. అయితే, సున్నితమైన చర్మం ఉన్నవారు వేసవిలో కొన్ని విషయాలు గుర్తుంచుకోవాలి. ఈ విషయాలను దృష్టిలో ఉంచుకోవడం ద్వారా మీరు మీ చర్మాన్ని జాగ్రత్తగా చూసుకోవచ్చు. అవేంటో ఇప్పుడు తెలుసుకుందాం..

సన్‌స్క్రీన్‌ను అప్లై చేయండి

మీ చర్మం సున్నితంగా ఉంటే ప్రతి మూడు నుండి నాలుగు గంటలకు కనీసం SPF50 SPF ఉన్న సన్‌స్క్రీన్‌ను అప్లై చేయండి. ఇది ఎండ నుండి మిమ్మల్ని రక్షిస్తుంది. సూర్యుని హానికరమైన కిరణాలు ఉదయం 11 గంటల నుండి మధ్యాహ్నం 3 గంటల మధ్య చాలా తీవ్రంగా ఉంటాయి. కాబట్టి ఈ సమయంలో బయటకు వెళ్లకుండా ఉండండి. మీరు ఏ కారణం చేతనైనా బయటకు వెళుతుంటే, ఎండ మీ చర్మాన్ని ప్రభావితం చేయకుండా మాస్క్ పెట్టుకోండి.

సేంద్రీయ ఉత్పత్తులను వాడండి

సున్నితమైన చర్మం ఉన్నవారు సేంద్రీయ ఉత్పత్తులను వాడటం మంచిది. కలబంద, దోసకాయ వంటి పదార్థాలను ఎక్కువగా ఉపయోగించండి.

రోజుకు రెండుసార్లు ముఖం కడుక్కోండి

సున్నితమైన చర్మం ఉన్నవారు రోజుకు కనీసం రెండుసార్లు ముఖం కడుక్కోవాలి. తేలికపాటి క్లెన్సర్‌తో మీ ముఖాన్ని శుభ్రం చేసుకోండి. ఇలా చేయడం వల్ల మొటిమల సమస్య దూరం అవుతుంది.

మీ చర్మాన్ని హైడ్రేట్‌గా ఉంచుకోండి

వేసవి కాలంలో మీ చర్మాన్ని హైడ్రేట్ గా ఉంచుకోవడం చాలా ముఖ్యం. కాబట్టి, కనీసం వారానికి ఒకసారి హైడ్రేటింగ్ మాస్క్ ఉపయోగించండి. ఇటువంటి ఫేస్ మాస్క్‌లు మీ ముఖాన్ని ప్రకాశవంతం చేయడంలో సహాయపడటమే కాకుండా, వాటి వాడకం చర్మానికి అంతర్గత తేమను కూడా అందిస్తుంది. ఇది చర్మానికి చాలా ముఖ్యమైనది.

రాత్రిపూట ఈ పనులు చేయండి

సున్నితమైన చర్మం ఉన్నవారు రాత్రిపూట తేలికపాటి మాయిశ్చరైజర్‌‌ను ఉపయోగించండి. ఇది చర్మాన్ని ప్రశాంతంగా మారుస్తుంది.

వీటికి దూరంగా ఉండండి

సున్నితమైన చర్మం ఉన్నవారు కఠినమైన స్క్రబ్‌లకు దూరంగా ఉండాలి. దీనితో పాటు, ఏదైనా బ్యూటీ ప్రొడక్ట్ మీకు సరిపోతుంటే దాన్ని మాత్రమే వాడండి. దాన్ని పదే పదే మార్చకండి.

Also Read:

Health Tips: ఈ అలవాట్లు మీ రక్తపోటును పెంచుతాయి.. బీ కేర్ ఫుల్..

Pakistan Occupied Kashmir: పీవోకేలో ఏముందీ.. సొంతమైతే భారత్‌కు కలిగే ప్రయోజనాలేంటో తెలుసా..

Marriage Funny Video: టోపీపై టెక్నాలజీ అంటే ఇదేనేమో.. ఈ వరుడు ప్రయోగం చూస్తే.. ఖంగుతినాల్సిందే..