1. • Home » International » Trump Hints at Possible End to Israel Iran Conflict Just Like India Pakistan Scenario

Donald Trump: భారత్-పాకిస్థాన్ మాదిరిగా ఇజ్రాయెల్-ఇరాన్ వివాదం త్వరలో క్లోజ్

ఇజ్రాయెల్-ఇరాన్ గొడవ (Iran Israel conflict) త్వరలో ఆగిపోతుందని అమెరికా అధ్యక్షుడు డొనాల్డ్ ట్రంప్ (Donald Trump) ట్విస్ట్ ఇచ్చారు. భారత్-పాక్ లాగా ట్రేడ్ డీల్స్‌తో సెటిల్ చేస్తామని చెప్పారు. కానీ భారత్ ఆపరేషన్ సిందూర్ విషయంలో క్లారిటీ ఇచ్చేసింది. ఈ నేపథ్యంలో ట్రంప్ మళ్లీ హీరో అవుతారా?

అమెరికా అధ్యక్షుడు డొనాల్డ్ ట్రంప్ (Donald Trump), ఇరాన్-ఇజ్రాయెల్ మధ్య నెలకొన్న ఉద్రిక్తతల (Iran Israel Conflict) వివాదాన్ని త్వరలో పరిష్కరిస్తామని ఆశాభావం వ్యక్తం చేశారు. ఈ ప్రక్రియను భారత-పాకిస్థాన్ మధ్య జరిగిన కాల్పుల విరమణ ఒప్పందంతో పోల్చుతూ, వాణిజ్య చర్చల ద్వారా ఈ సమస్యను కూడా పరిష్కరించగలమని పేర్కొన్నారు. మరోవైపు ఇరాన్-ఇజ్రాయెల్ మధ్య యుద్ధం మూడు రోజులుగా కొనసాగుతోంది. ఇజ్రాయెల్ రైజింగ్ లయన్ ఆపరేషన్‌లో భాగంగా, ఇరాన్ కీలక సైనిక, అణు కేంద్రాలను లక్ష్యంగా చేసుకుంది.

ఈ దాడుల్లో ఇప్పటివరకు..

ఈ దాడుల్లో ఇరాన్ సైనిక అధికారి, అణు శాస్త్రవేత్తలతో సహా 20 మందికి పైగా మరణించారు. ఇరాన్ ప్రతిస్పందనగా, ఇజ్రాయెల్ నివాస ప్రాంతాలను లక్ష్యంగా చేసుకుని దాడులు చేసింది. ఫలితంగా 78 మంది మరణించారు. ట్రంప్ గత శాంతి చర్చల అనుభవాలను ప్రస్తావిస్తూ, ఈ వివాదాన్ని కూడా పరిష్కరించగలమని ఆశాభావం వ్యక్తం చేశారు. మిడిల్ ఈస్ట్‌ను మళ్లీ గొప్పగా చేయాలనే అనే నినాదంతో ఈ ప్రక్రియను ముందుకు నడిపించాలని సూచించారు.

ఇరు దేశాలు మాత్రం..

కానీ ఇజ్రాయెల్ ప్రధాని నెతన్యాహూ మాత్రం ఇరాన్‌పై మరింత దాడులు చేయాలని భావిస్తున్నారు. ఇరాన్ కూడా ప్రతిస్పందనగా మరింత తీవ్ర చర్యలు తీసుకుంటామని హెచ్చరించింది. ఈ పరిణామాలు ట్రంప్ శాంతి ప్రయత్నాలకు సవాలుగా మారనున్నాయి. ప్రపంచ దేశాలు ఈ ఉద్రిక్తతలను తగ్గించడానికి చర్యలు తీసుకోవాలని సూచిస్తున్నాయి. ఫ్రాన్స్ అధ్యక్షుడు ఇమాన్యూల్ మాక్రోన్, ఇరాన్ అధ్యక్షుడు పెజెష్కియన్, బ్రిటన్ వంటి దేశాలు శాంతి చర్చలను ప్రోత్సహిస్తున్నాయి. అయితే ఈ పరిణామాలు మధ్య ప్రాచ్య ప్రాంతంలో మరింత ఉద్రిక్తతలకు దారితీస్తున్నాయి.

నిజంగా ఆపేస్తారా..

ఇరాన్-ఇజ్రాయెల్ మధ్య శాంతి చర్చలు ప్రారంభమయ్యాయి, కానీ ఈ యుద్ధం ఇంకా కొనసాగుతోంది. అమెరికా అధ్యక్షుడు ట్రంప్, ఈ వివాదాన్ని పరిష్కరించడానికి తన శాంతి ప్రయత్నాలను కొనసాగిస్తున్నారు. ట్రంప్ (Donald Trump) శాంతి స్లోగన్. మేక్ ది మిడిల్ ఈస్ట్ గ్రేట్ అగైన్ అంటూ ట్రంప్ ఇజ్రాయెల్-ఇరాన్ గొడవ ఆపేస్తానని చెప్తున్నారు. కానీ రష్యా-ఉక్రెయిన్ విషయంలో ట్రేడ్ డీల్స్ మాత్రం ఫెయిల్ అయ్యాయి. ఇప్పుడు ఈ శాంతి ప్లాన్ సక్సెస్ అవుతుందా లేదా అనేది చూడాలి మరి. ప్రపంచ దేశాలు, ఈ పరిణామాలను సమీక్షిస్తూ, శాంతి చర్చలను ప్రోత్సహిస్తున్నాయి.

ఈ వార్తలు కూడా చదవండి..

కన్నప్ప సినిమాకు షాక్.. బ్రాహ్మణ చైతన్య వేదిక పోరాటం సక్సెస్..

సెంట్రల్ బ్యాంకులో 4,500 జాబ్స్.. అర్హతలు ఎలా ఉన్నాయంటే..

For National News And Telugu News