Mount Etna Eruption: ఎగిసిపడిన అగ్నిపర్వతం.. భయాందోళనతో పర్యాటకుల పరుగు..
ABN, Publish Date - Jun 02 , 2025 | 06:42 PM
సిసిలీ ద్వీపంలోని ఓ పర్వత ప్రాంతానికి పర్యాటకులు చేరుకుని సరదాగా ఎంజాయ్ చేస్తున్నారు. అదే సమయంలో అక్కడున్న అగ్ని పర్వతం (Mount Etna Eruption) ఒక్కసారిగా బద్ధలైంది. దీంతో అక్కడున్న టూరిస్టులు పరుగులు తీశారు. అందుకు సంబంధించిన దృశ్యాలు నెట్టింట వైరల్ అవుతున్నాయి.
ఇటలీ: సిసిలీ ద్వీపంలో ప్రశాంతంగా ఉన్న మౌంట్ ఎట్నా(Mount Etna Eruption) అగ్నిపర్వతం హఠాత్తుగా ఎగిసిపడింది. దీంతో ఆ ప్రాంతానికి చేరుకున్న టూరిస్టులు ఒక్కసారిగా పరుగులు తీశారు. ఆ క్రమంలో అందుకు సంబంధించిన దృశ్యాలను పలువురు వీడియో తీసి సోషల్ మీడియాలో పోస్ట్ చేయడంతో అవి వైరల్ అవుతున్నాయి. వీడియోలో అగ్నిపర్వతం నుంచి పెద్దఎత్తున పొగలు ఆకాశం వైపు దూసుకెళ్లడం చూడవచ్చు.
ఆ క్రమంలో అనేక మంది పర్యాటకులు ఆ పర్వత సమీపం నుంచి పరుగులు తీస్తున్నట్లు కనిపించారు. వారిలో భయం కనిపించింది. ఎందుకంటే లావా ప్రవాహం వారి వైపు వస్తున్నట్లు కనిపించింది. అదే సమయంలో కొంత మంది టూరిస్టులు మాత్రం దూరం నుంచి ఆ దృశ్యాలను వారి ఫోన్లలో బంధించారు.
ఎందుకు విరుచుకుపడింది..
ఈరోజు(సోమవారం) ఉదయం సౌత్ ఈస్ట్ క్రేటర్ (Southeast Crater) ప్రాంతంలోని ఓ భాగం కూలిపోయి మాగ్మాతో కలిసిపోయింది. దీంతో శక్తివంతమైన స్ట్రాంబోలియన్ పేలుళ్లు జరిగి, లావా ఫౌంటెయిన్ ఏర్పడిందని నిపుణులు చెబుతున్నారు. ఈ ప్రక్రియలో భాగంగా సల్ఫర్ డయాక్సైడ్ వంటి విషపదార్థాలు ఆకాశంలోకి విడుదలయ్యాయన్నారు. ఇటలీ జియోఫిజిక్స్ వల్కనాలజీ సంస్థ (INGV) ప్రకారం ఇది స్ట్రాంబోలియన్ పేలుళ్ల రూపంలో జరిగిందని, ఇది తక్కువ శక్తితో కూడిన పేలుళ్లను సూచిస్తుందన్నారు. కాగా, ఈ ఘటన వల్ల స్థానిక ప్రజలకు మాత్రం ఎలాంటి ప్రమాదం జరగలేదు.
Mount Etna గురించి..
Mount Etna 3,403 మీటర్ల ఎత్తుతో యూరోప్లోని అత్యంత ఎత్తైన అగ్నిపర్వతంగా ఉంది. ఇది సిసిలీ ద్వీపంలోని కాటానియా నగరానికి సమీపంలో కలదు. ఈ పర్వతం గతంలోనూ బద్ధలైంది. అయితే, ఈసారి విరుచుకుపడటం మరింత శక్తిమంతంగా జరిగింది. అగ్నిపర్వత పేలుడు ప్రకృతిలోని శక్తిని, అందాన్ని చూపిస్తోందని పలువురు చెబుతున్నారు. ఈ నేపథ్యంలో ఇలాంటి వాటి పట్ల పర్యాటకులు, స్థానికులు జాగ్రత్తగా ఉండాలని కూడా సూచించారు.
ఇవీ చదవండి:
ప్రజల వద్ద ఉన్న రూ.2000 నోట్లను తిరిగి తీసుకుంటాం..
జూన్ నెలలో 12 రోజులు బ్యాంకులు బంద్..
మరిన్ని బిజినెస్, అంతర్జాతీయ వార్తల కోసం క్లిక్ చేయండి
Updated Date - Jun 02 , 2025 | 07:22 PM
