1. • Home » International » Massive Earthquake Strikes South America Coast Tsunami Warnings Issued for Chile and Argentina sri

Earthquake: భారీ భూకంపం, సునామీ హెచ్చరిక..రోడ్లపైకి పరుగులు తీసిన జనం

ప్రకృతి మరోసారి తన ప్రకోపాన్ని చూపించింది. ఈ క్రమంలోనే చిలీ, అర్జెంటీనా మధ్య సముద్రంలో రిక్టర్ స్కేలుపై 7.4 తీవ్రతతో ఓ భారీ భూకంపం సంభవించింది. వెంటనే అప్రమత్తమైన ప్రభుత్వం ఆయా ప్రాంతాల ప్రజలకు ఆదేశాలు జారీ చేసింది.

దక్షిణ అమెరికా తీరంలోని చిలీ, అర్జెంటీనా దేశాల సమీపంలో శుక్రవారం రాత్రి రిక్టర్ స్కేలుపై 7.4 తీవ్రతతో భారీ భూకంపం(Earthquake) సంభవించింది. యునైటెడ్ స్టేట్స్ జియోలాజికల్ సర్వే (USGS) ప్రకారం, ఈ భూకంపం అర్జెంటీనాలోని ఉషుయా నగరానికి 219 కిలోమీటర్ల దూరంలో సముద్ర గర్భంలో కేంద్రీకృతమైంది. ఈ సంఘటనతో చిలీలోని మాగళనీస్ ప్రాంతంలో సునామీ హెచ్చరికలు జారీ చేశారు. దీంతో తీర ప్రాంతాల నుంచి ప్రజలను సురక్షిత ప్రాంతాలకు తరలించారు. ఇదే సమయంలో అర్జెంటీనాలోని ఉషుయాలో కూడా నీటి కార్యకలాపాలను మూడు గంటల పాటు నిలిపివేసి ప్రజలకు హెచ్చరికలు జారీ చేశారు. దీంతో ఆయా ప్రాంతాల ప్రజలు బయటకు పరుగులు తీశారు.

భూకంప తీవ్రత, ప్రభావం

ఈ భూకంపం చిలీ, అర్జెంటీనా దేశాల సరిహద్దులోని సముద్ర తీరంలో సంభవించింది. USGS నివేదిక ప్రకారం, భూకంప కేంద్రం సముద్ర గర్భంలో ఉండటం వల్ల సునామీ అవకాశం ఉందని అధికారులు హెచ్చరించారు. ఈ క్రమంలో చిలీలోని మాగళనీస్ ప్రాంతంలోని స్ట్రెయిట్ ఆఫ్ మాగెల్లాన్ తీర ప్రాంతంలో ఈ హెచ్చరికను తీవ్రంగా అమలు చేశారు. అదే సమయంలో చిలీ అంటార్కిటిక్ భూభాగంలోని బీచ్ ప్రాంతాలను కూడా ప్రజలు ఖాళీ చేయాలని అధికారులు ఆదేశించారు.

ఈ ప్రాంతాల్లో ప్రధానంగా..

అర్జెంటీనాలోని ఉషుయా నగరంలో భూకంపం బలంగా సంభవించింది. ఈ నగరం ప్రపంచంలోనే అత్యంత దక్షిణాన ఉన్న నగరంగా పరిగణించబడుతుంది. స్థానిక ప్రభుత్వం ప్రకారం, ఉషుయాలో భూకంపం బాగా గుర్తించబడగా, ఆ ప్రాంతంలోని ఇతర పట్టణాల్లో దాని ప్రభావం స్వల్పంగా నమోదైంది. అయినప్పటికీ, ఈ ఘటన వల్ల ఎటువంటి ఆస్తి నష్టం లేదా ప్రాణనష్టం నమోదు కాలేదని అధికారులు తెలిపారు.

మరోవైపు అర్జెంటీనాలోని ఉషుయా నగరంలో భూకంపం బలంగా సంభవించినప్పటికీ, ఎటువంటి ఆస్తి నష్టం లేదా గాయాలు నమోదు కాలేదని స్థానిక ప్రభుత్వం తెలిపింది. బీగల్ ఛానల్‌లో అన్ని రకాల నీటి కార్యకలాపాలు, నావిగేషన్‌ను కనీసం మూడు గంటల పాటు నిలిపివేశారు. ఈ క్రమంలో ఆయా ప్రాంతాల ప్రజలు ఇళ్ల నుంచి బయటకు పరుగులు తీశారు. దీంతో రోడ్లు మొత్తం జనాలతో నిండిపోయాయి. అందుకు సంబంధించిన వీడియోలు ప్రస్తుతం సోషల్ మీడియాలో వైరల్ అవుతున్నాయి.

ఇవి కూడా చదవండి:

Pakistan Ceasefire: కశ్మీర్‌లో మళ్లీ కాల్పులు..తొమ్మిదోసారి ఒప్పందాన్ని ఉల్లంఘించిన పాకిస్తాన్

Hyderabad vs Gujarat: ఈ తప్పులు చేయకుంటే హైదరాబాద్ జట్టు గెలిచేది..కానీ చివరకు

PM Modi: ఇక్కడ శశి థరూర్..ఇది కొంత మందికి నిద్ర కూడా పట్టదన్న ప్రధాని మోదీ

Bank Holidays: మే 2025లో 12 రోజులు బ్యాంకులు బంద్.. పూర్తి లిస్ట్ ఇదే

Read More Business News and Latest Telugu News