AC Health Effects: ఏసీలో గంటల తరబడి కూర్చుంటే..? ఈ సమస్య తప్పదు!
ABN, Publish Date - Jun 20 , 2025 | 08:52 AM
AC Health Risks: వాతావరణం చల్లగా, వేడిగా ఎలా ఉన్నా ఏసీ కావాలని అనేవారు చాలామంది ఉన్నారు. ఆఫీసు, ఇల్లు ఎక్కడికెళ్లినా ఏసీ ఆన్ లో ఉండాలని కోరుకుంటారు. అందుకే ఫ్యాన్ల కంటే ఏసీకే డిమాండ్ పెరుగుతోంది. కానీ, ఇలా రోజూ గంటలో తరబడి ఏసీలో గడిపితే ఈ సమస్య తప్పదని హెచ్చరిస్తున్నాయి అధ్యయనాలు. అదేంటో చూద్దాం.
Health Risks of Sitting in AC for Long Hours: వేడిగా ఉన్నా, వర్షంలో ఉన్నా, చలిలో ఉన్నా కొంతమంది ఏసీ ఆన్ చేయకుండా ఉండలేరు. ఆఫీసుకు వెళ్తున్నా, ఇంట్లో ఉన్నా, ఏసీ లేకుండా అస్సలు కుదురుగా కూర్చోలేరు. అయితే, ఇలా గంటల తరబడి ఎయిర్ కండిషనర్ (ఏసీ) కింద విశ్రాంతి తీసుకోవడం అస్సలు మంచిది కాదు. ఎందుకటే, ఇటీవలి రోజుల్లో ఫ్యాన్లను ఉపయోగించడం కంటే ఏసీని ఉపయోగించే వారి సంఖ్య చాలా ఎక్కువగా ఉంది. కానీ ఎక్కువసేపు ఏసీలో కూర్చోవడం వల్ల మన ఆరోగ్యానికి ఎంత ఇబ్బంది కలుగుతుందో ఎవరైనా ఆలోచించారా? కొన్ని అధ్యయనాల ప్రకారం, ఏసీని ఇష్టపడే వారికి ఎముకల ఆరోగ్య సమస్యలు వచ్చే ప్రమాదం ఉంది. ఇది ఎందుకు జరుగుతోంది? దీనికి పరిష్కారం ఏమిటో తెలుసుకుందాం..
ఏసీలో ఉండటానికి అలవాటు పడిన వారు బయటి వాతావరణంలో అంత ఈజీగా ఇమడలేరు. రోజంతా ఎయిర్ కండిషన్డ్ గదుల్లోనే ఉండటం వల్ల శరీరం చల్లటి వాతావరణానికి అలవాటు పడిపోతుంది. తెలిసీ లేదా తెలియకుండా పాటించే ఈ అలవాటు మీ ఎముకలను బలహీనపరుస్తుంది. నిపుణుల ప్రకారం ఎక్కువసేపు ఏసీలో ఉండటం ఎముకలకు హానికరం. తక్కువ ఉష్ణోగ్రతలలో ఎక్కువసేపు ఉండటం వల్ల మన ఎముకలు బలహీనపడతాయి. కీళ్ల నొప్పులు పెరుగుతాయి.
AC ఉన్నవారిలో ఎముకలు బలహీనపడటానికి కారణం ఏమిటి?
మనం నిరంతరం లేదా ఎక్కువసేపు తక్కువ ఉష్ణోగ్రతలలో ఉన్నప్పుడు శరీర జీవక్రియ క్రమంగా మందగించడం ప్రారంభమవుతుంది. ఇది ఎముకలకు రక్త ప్రవాహాన్ని తగ్గిస్తుంది. వాటిని బలోపేతం చేయడానికి అవసరమైన పోషకాలను తగ్గిస్తుంది. ఈ స్థితిలో ఎక్కువసేపు ఉండటం వల్ల ఎముకలు బలహీనపడతాయి. కీళ్ల నొప్పులు పెరుగుతాయి.
ఎముకల ఆరోగ్యాన్ని కాపాడుకోవడానికి ఏం చేయాలి?
ఎముకలను ఆరోగ్యంగా ఉంచుకోవడానికి కొన్ని సాధారణ నివారణలను అనుసరించడం చాలా ముఖ్యం. ఇది మీ ఎముకలు బలహీనంగా మారకుండా నిరోధిస్తుంది.
పాలు, కాల్షియం అధికంగా ఉండే ఆహారాలు
ఎముకలను బలంగా ఉంచడానికి కాల్షియం చాలా ముఖ్యం. దీని కోసం ప్రతిరోజూ పాలు తప్పకుండా తాగాలి. అదనంగా, పెరుగు, పనీర్ వంటి ఇతర పాల ఉత్పత్తులు కూడా ఎముకలకు మేలు చేస్తాయి. కాబట్టి వీటిని మీ ఆహారంలో చేర్చుకోండి.
నీరు
శరీరాన్ని హైడ్రేటెడ్ గా ఉంచుకోవడం చాలా ముఖ్యం. వీలైనంత ఎక్కువ నీరు తాగడానికి ప్రయత్నించండి. ఎందుకంటే నీరు శరీర జీవక్రియను సమతుల్యం చేయడంలో సహాయపడుతుంది. ఎముకలకు అవసరమైన ఖనిజాల సమతుల్యతను కాపాడుతుంది.
ఆకుపచ్చ కూరగాయలు
పాలకూర, బ్రోకలీ వంటి ఆకుకూరలు మన శరీరానికి కాల్షియం, ఇనుము, ఇతర ముఖ్యమైన పోషకాలను అందిస్తాయి. కాబట్టి, ఈ ఆహారాలు తీసుకోవడం వల్ల ఎముకల ఆరోగ్యం మెరుగుపడుతుంది.
క్రమం తప్పకుండా వ్యాయామం
మన ఎముకలు, కండరాలను బలంగా ఉంచుకోవడానికి ప్రతిరోజూ కనీసం 30 నిమిషాలు నడవాలి లేదా తేలికపాటి వ్యాయామం చేయాలి. ఇది ఎముకలను బలంగా మారడానికి, రక్త ప్రసరణను మెరుగుపరచడానికి సహాయపడుతుంది.
ధూమపానం, మద్యం
ధూమపానం, మద్యం సేవించడం వల్ల ఎముకలు గుల్లబారిపోతాయి. కాబట్టి ఈ అలవాట్లను తక్షణమే మానేయండి. అప్పుడే మనం ఎముకల ఆరోగ్యాన్ని రక్షించుకోగలం.
జంక్ ఫుడ్
జంక్ ఫుడ్ ఎముకలకు హానికరం. ఎందుకంటే ఈ రకమైన ఆహారాలలో పోషకాలు ఉండవు. శరీరంలో అసిడిటీ పెరుగుతుంది. ఫలితంగా ఎముకలు దెబ్బతింటాయి.
Also Read:
రక్తహీనత లేకపోయినా బలహీనంగా ఉన్నారా? అయితే.. అది ఇదే కావచ్చు..
ముఖంలో కనిపించే ఈ చిన్న మార్పే... నోటి క్యాన్సర్కు సంకేతమా?
For More Health News
Updated Date - Jun 20 , 2025 | 09:49 AM
