1. • Home » Health » Nail Color Changes A Sign of Underlying Vitamin Deficiencies Mouni

Nail Color Changes: గోళ్ల రంగు మారిందా? ఈ 7 జబ్బులకు సిగ్నల్ కావొచ్చు!

మన శరీరంలో ఏదైనా సమస్య వస్తే కచ్చితంగా దాని గురించి సంకేతాలను ఇవ్వడం ప్రారంభిస్తుంది. ముఖ్యంగా గోళ్ల రంగును, ఆకృతిలో సంబంధింత జబ్బు లక్షణాలు కనిపిస్తాయి. వివిధ అనారోగ్యాలను గోళ్ల ద్వారా ఎలా గుర్తించవచ్చో ఈ కథనంలో తెలుసుకుందాం..

మనం తరచుగా మన గోళ్లను ఒక సాధారణ శరీర భాగంగా భావిస్తాము. కానీ వాస్తవానికి గోళ్లు అంతర్గత ఆరోగ్యానికి శక్తివంతమైన సూచికలుగా పనిచేస్తాయి. గోళ్ల పరిస్థితి, రంగు, ఆకృతిలో మార్పులు శరీరంలో పోషకాహార లోపం లేదా ఇతర ఆరోగ్య సమస్యలకు సంకేతం కావచ్చు. గోళ్లలో కనిపించే మార్పులు పోషకాహార లోపాన్ని సూచిస్తాయని న్యూట్రీషియన్లు చెబుతున్నారు. వివిధ అనారోగ్య సమస్యలను, విటమిన్లు, ఖనిజాల లోపాలను గోళ్ల ద్వారా ఎలా గుర్తించాలో ఈ కథనంలో తెలుసుకుందాం..

గోర్లు మన చేతుల అందాన్ని పెంచడమే కాకుండా మన ఆరోగ్య స్థితిని కూడా తెలియజేస్తాయి. అవును, గోళ్లలో మార్పుల సహాయంతో (Nail Health Signs) మీ శరీరంలో ఏ పోషకాలు లోపిస్తున్నాయో తెలుసుకోవచ్చు. వీటిని కనుగొనడం ద్వారా మీరు ఆయా లోపాలను సకాలంలో సవరించుకోవచ్చు. ముఖ్యంగా గోళ్లపై ఈ కింది సంకేతాలు కనిపిస్తే వెంటనే వైద్యుడిని సంప్రదించం

పసుపు రంగు గోర్లు

గోళ్లు పసుపు రంగులోకి మారితే విటమిన్, ఖనిజాల లోపానికి సూచిక కావచ్చు. ముఖ్యంగా విటమిన్-ఇ, బయోటిన్, ఐరన్ లోపం వల్ల గోళ్లు పసుపు రంగులోకి మారతాయి. కాలేయం లేదా థైరాయిడ్ సంబంధిత సమస్యలకు కూడా సంకేతం కావచ్చు . మీ గోళ్లు పసుపు రంగులో కనిపిస్తుంటే ఆహారంలో ఆకుకూరలు, గింజలు, గుడ్లను చేర్చుకోండి.

గోర్లు విరగడం లేదా బలహీనపడటం

గోళ్లు విరగడం లేదా బలహీనపడటం తరచుగా ప్రోటీన్, కాల్షియం, జింక్ లోపానికి సంకేతం. గోళ్ల బలానికి ప్రోటీన్ చాలా అవసరం. అయితే, కాల్షియం, జింక్ గోళ్లను ఆరోగ్యంగా ఉంచడంలో సహాయపడతాయి. మీ గోళ్లు సులభంగా విరిగిపోతుంటే ఆహారంలో పాలు, పెరుగు, చేపలు, బాదం వంటి పోషకాలను చేర్చుకోండి.

గోళ్ళపై తెల్లని మచ్చలు

గోళ్లపై తెల్లటి మచ్చలు జింక్, కాల్షియం లోపానికి సంకేతం కావచ్చు . ఈ మచ్చలు తరచుగా గోళ్ల నిర్మాణంలో మార్పులకు కారణమవుతాయి. జింక్ లోపాన్ని అధిగమించడానికి ఆహారంలో గుమ్మడికాయ గింజలు, పప్పులు, మాంసాన్ని చేర్చుకోవాలి.

గోర్లు నెమ్మదిగా పెరగడం

విటమిన్-బి కాంప్లెక్స్, ఇనుము కొరవడితే గోర్లు నెమ్మదిగా పెరుగుతాయి. ఎందుకంటే, గోర్లు పెరగడానికి విటమిన్-బి చాలా అవసరం. ఇక ఐరన్ శరీరంలో ఆక్సిజన్ ప్రవాహాన్ని నిర్వహిస్తుంది. మీ గోర్లు నెమ్మదిగా పెరుగుతుంటే ఆహారంలో ఆకుపచ్చని కూరగాయలు, గుడ్లు, తృణధాన్యాలు చేర్చుకోవాలి.

చెంచా ఆకారపు గోర్లు

"కోయిలోనిచియా" అని పిలువబడే చెంచా ఆకారపు గోర్లు ఇనుము లోపానికి తీవ్రమైన సంకేతం కావచ్చు. ఈ స్థితిలో గోర్లు లోపలికి ముడుచుకుని చెంచాలా కనిపిస్తాయి. రక్తహీనతతో బాధపడుతున్న వ్యక్తులలో ఈ సమస్య తరచుగా కనిపిస్తుంది. ఇనుము లోపాన్ని అధిగమించడానికి పాలకూర, బీట్‌రూట్, మాంసాన్ని తినండి.

గోళ్ళపై గుంతలు లేదా కరుకుదనం

జింక్, విటమిన్ సి తక్కువైతే గోళ్ళపై గుంతలు రావడం లేదా గరుకుగా మారవచ్చు. ఈ సమస్య తరచుగా సోరియాసిస్ లేదా తామర వంటి చర్మ వ్యాధుల లక్షణాలతో ముడిపడి ఉంటుంది. విటమిన్ సి, జింక్ లోపాన్ని అధిగమించడానికి నారింజ, నిమ్మకాయలు, విత్తనాలను ఎక్కువగా తినాలి.

గోర్లు నీలం రంగులోకి మారడం

శరీరంలో ఆక్సిజన్ లోపిస్తే గోర్లు నీలం రంగులోకి మారతాయి. అంతేగాక ఐరన్ తక్కువైనా ఇలా జరుగుతుంది. రక్తహీనత లేదా ఊపిరితిత్తుల వ్యాధులకు కూడా సంకేతం కావచ్చు. అటువంటి పరిస్థితిలో వైద్యుడిని సంప్రదించడం చాలా ముఖ్యం.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)

Also Read:

గోళ్ల రంగు మారిందా? ఈ 7 జబ్బులకు సిగ్నల్ కావొచ్చు!
వెల్లుల్లి తొక్కలు పనికిరానివి కాదు.. ఈ వ్యాధులకు దివ్యౌషధం..!

For More Latest News