1. • Home » Devotional » Vinayaka Chavithi 2025 when to bring a Ganesha idol home Sj

Vinayaka Chavithi 2025: ఈ సమయాల్లో గణపతిని ప్రతిష్టిస్తే శుభ ఫలితాలు

ఈనెల 27న వినాయక చవితి. అయితే, గణపతి విగ్రహాన్ని ఇంటికి తీసుకురావడానికి శుభ సమయం ఎప్పుడు?, ఆ సమయంలో గుర్తుంచుకోవాల్సిన విషయాల గురించి ఇప్పుడు తెలుసుకుందాం..

ఇంటర్నెట్ డెస్క్‌: గణేష్ చతుర్థి పండుగను ఈసారి ఆగస్టు 27న జరుపుకుంటారు. ఈ రోజున చాలా ఇళ్లు, దేవాలయాల్లో గణపతిని ప్రతిష్టిస్తారు. కానీ విగ్రహాన్ని ఏ రోజు కొనాలి, ఎప్పుడు ఇంటికి తీసుకురావాలనే సందేహం చాలా మందికి ఉంటుంది. కాబట్టి, గణపతి విగ్రహాన్ని ఇంటికి తీసుకురావడానికి శుభ సమయం ఎప్పుడు? ఆ సమయంలో గుర్తుంచుకోవాల్సిన విషయాల గురించి ఇప్పుడు తెలుసుకుందాం..

విగ్రహాన్ని ఇంటికి తీసుకురావడానికి శుభ సమయం

గణేష్ చతుర్థి రోజున (ఆగస్టు 27) ఉదయం 11 గంటల తర్వాత ఇంటికి తీసుకురావడం మంచిది. దానికంటే ముందే తీసుకురావాలనుకుంటే, ఈ శుభ సమయాల్లో గణేష్ విగ్రహాన్ని కొనవచ్చు.

• ఉదయం వేళ 7:33 గంటల నుంచి 9:09 వరకు

• ఉదయం 10:46 గంటల నుంచి మధ్యాహ్నం 12:22 వరకు

ఆగస్టు 26 విగ్రహాన్ని తీసుకురావాలనుకుంటే:

• ఉదయం 9:09 నుంచి మధ్యాహ్నం 1:59 వరకు విగ్రహాన్ని ఇంటికి తీసుకురావచ్చు.

• విగ్రహాన్ని ప్రతిష్టించడానికి ముహూర్తం ఆగస్టు 27 ఉదయం 11:05 నుంచి మధ్యాహ్నం 1:40 వరకు అత్యంత శుభప్రదమైన సమయం.

• గణేశుడు మధ్యాహ్నం జన్మించాడని ఎక్కువగా నమ్ముతారు. అందుకే మధ్యాహ్నం పూజకు ఉత్తమ సమయంగా పరిగణిస్తారు.

విగ్రహాన్ని ప్రతిష్టించడానికి సరైన దిశ

ఈశాన్య దిశ (North-East corner) – ఇంట్లో అత్యంత పవిత్రమైన ప్రదేశం. అక్కడ ప్రతిష్టిస్తే శుభం కలుగుతుందని నమ్మకం.

జాగ్రత్తలు

• మట్టితో చేసిన విగ్రహాన్ని మాత్రమే తీసుకోవడం మంచిది.

• గణపతి తొండం ఎడమవైపు ఉండే విగ్రహం తీసుకోండి.

• కూర్చున్న గణపతిని ప్రతిష్టించడం శుభప్రదం.

• తెలుపు లేదా పసుపు రంగు గణపతి సిరిసంపద, శాంతి ఇస్తారని చెబుతారు.

• విగ్రహం పాడవకుండా జాగ్రత్తగా చూసుకోండి.

(Note: ఈ సమాచారం నమ్మకాల ఆధారంగా ఇవ్వబడింది. ఏదైనా నిర్ణయం తీసుకునే ముందు పండితుల లేదా నిపుణుల సలహా తీసుకోవడం మంచిది.)

Also Read:

ఖైరతాబాద్ మహాగణపతి ఆగమన్ కార్యక్రమంలో ప్రత్యేక ఆకర్షణగా మహారాష్ట్ర బ్యాండ్

జాతీయ ఉత్తమ ఉపాధ్యాయ అవార్డులు ప్రకటించిన కేంద్రం..

ఏపీలో రెండు రోజుల పాటు భారీ వర్షాలు