IPL 2025 PBKS vs RCB: క్వాలిఫై అయ్యేది ఎవరు.. ఇరు జట్లలో కీలక ఆటగాళ్లు వీరే
ABN, Publish Date - May 29 , 2025 | 04:59 PM
గత రెండు నెలలుగా క్రికెట్ అభిమానులను ఉర్రూతలూగిస్తున్న ఐపీఎల్-2025 తుది అంకానికి చేరుకుంది. మరో నాలుగు మ్యాచ్లు మాత్రమే మిగిలి ఉన్నాయి. ఈ నేపథ్యంలో ఫైనల్స్ కోసం కీలక పోటీ జరగబోతోంది. ముల్లాన్పూర్లో పంజాబ్ కింగ్స్, రాయల్ ఛాలెంజర్స్ బెంగళూరు పోటీ పడుతున్నాయి.
గత రెండు నెలలుగా క్రికెట్ అభిమానులను ఉర్రూతలూగిస్తున్న ఐపీఎల్-2025 తుది అంకానికి చేరుకుంది. మరో నాలుగు మ్యాచ్లు మాత్రమే మిగిలి ఉన్నాయి. ఈ నేపథ్యంలో ఫైనల్స్ కోసం కీలక పోటీ జరగబోతోంది. ముల్లాన్పూర్లో పంజాబ్ కింగ్స్, రాయల్ ఛాలెంజర్స్ బెంగళూరు పోటీ పడుతున్నాయి (PBKS vs RCB). ఈ మ్యాచ్లో గెలిచే జట్టు నేరుగా ఫైనల్స్కు చేరుకుంటుంది. ఓడిపోయిన జట్టు ఎలిమినేటర్ ఆడుతుంది. కాగా, ఈ రెండు జట్లు ఇప్పటివరకు ఒక్కసారి కూడా ఐపీఎల్ ట్రోఫీని కైవసం చేసుకోలేదు (IPL 2025).
అనారోగ్యం నుంచి కోలుకుని జాష్ హాజెల్వుడ్ తిరిగి రావడం ఆర్సీబీకి కొండంత బలాన్ని అందిస్తోంది. లఖ్నవూతో జరిగిన గత మ్యాచ్లో హాజెల్వుడ్ ఆడలేదు. అయితే ఈ రోజు మ్యాచ్లో హాజెల్వుడ్ ఆడే అవకాశం కనిపిస్తోంది. ఇప్పటివరకు ఈ సీజన్లో 10 మ్యాచ్లు ఆడిన హాజెల్వుడ్ 18 వికెట్లు తీసి ఆర్సీబీ టాప్ బౌలర్గా ఉన్నాడు. ఇక, ఎప్పటిలాగానే విరాట్ కోహ్లీ ఆర్సీబీకి కీలక ప్లేయర్. ఫిల్ సాల్ట్, రజత్ పటిదార్, జితేష్ శర్మ కీలక బ్యాటర్లు. అలాగే కృనాల్ పాండ్యా, షెపర్డ్ అవసరమైనపుడు రాణిస్తున్నారు. హాజెల్వుడ్తో పాటు భువనేశ్వర్ కుమార్, యశ్ దయాల్ కూడా రాణిస్తున్నారు.
మరోవైపు ప్రభ్సిమ్రన్, ప్రియాంశ్ ఆర్య, శ్రేయస్ అయ్యర్, నేహల్ వధేరాతో కూడిన పంజాబ్ బ్యాటింగ్ కూడా బలంగానే కనబడుతోంది. గత మ్యాచ్లో జాస్ ఇంగ్లీష్ మ్యాచ్ను గెలిపించే ఇన్నింగ్స్ ఆడాడు. అర్ష్దీప్ సింగ్, యన్సెన్, హర్ప్రీత్ బ్రార్ చక్కగా బౌలింగ్ చేస్తున్నారు. గత మ్యాచ్కు దూరమైన ఛాహల్ ఈ మ్యాచ్ ఆడే అవకాశం కనిపిస్తోంది.
తుది జట్లు:
పంజాబ్ కింగ్స్ (అంచనా): ప్రభ్సిమ్రన్ సింగ్, ప్రియాంశ్ ఆర్య, శ్రేయస్ అయ్యర్, జాష్ ఇంగ్లిస్, నేహల్ వధేరా, శశాంక్ సింగ్, మార్కస్ స్టోయినిస్, యన్సెన్, ఛాహల్, హర్ప్రీత్ బ్రార్, అర్ష్దీప్ సింగ్
రాయల్ ఛాలెంజర్స్ (అంచనా): ఫిల్ సాల్ట్, విరాట్ కోహ్లీ, రజత్ పటిదార్, జితేష్ శర్మ, లివింగ్స్టన్, షెపర్డ్, కృనాల్ పాండ్యా, భువనేశ్వర్ కుమార్, హాజెల్వుడ్, యశ్ దయాల్, సుయాష్ శర్మ
ఇవీ చదవండి:
రాసిపెట్టుకోండి.. కప్పు ఆర్సీబీదే..
పొల్లుపొల్లు కొట్టుకున్న క్రికెటర్లు
మరిన్ని క్రీడా, తెలుగు వార్తల కోసం క్లిక్ చేయండి
Updated Date - May 29 , 2025 | 04:59 PM
