Legend 90 League 2025: క్రికెట్లో కొత్త ఫార్మాట్.. 90 బంతుల్లో ఖేల్ ఖతం.. టీ20లను మించేలా..
ABN, Publish Date - Feb 07 , 2025 | 01:18 PM
Delhi Royals vs Chhattisgarh Warriors: క్రికెట్లో మరో కొత్త ఫార్మాట్ వచ్చేసింది. ఇకపై 90 బంతుల్లోనే మ్యాచులు ముగిసిపోవడాన్ని చూడొచ్చు. ఈ ఫార్మాట్కు సంబంధించిన మరిన్ని వివరాలు ఇప్పుడు తెలుసుకుందాం..
క్రికెట్ ఎప్పటికప్పుడు అప్డేట్ అవుతూ వస్తోంది. ట్రెండ్కు తగ్గట్లు జెంటిల్మన్ గేమ్లో ఎన్నో మార్పులు చోటుచేసుకుంటున్నాయి. వీటి వల్ల మరింత మంది ప్రేక్షకులకు గేమ్ దగ్గరవుతోంది. ఒకప్పుడు క్రికెట్లో టెస్టులే ఉండేవి. ఆ తర్వాత ఆటలో వేగం పెంచడం, ఆడియెన్స్ను మరింత ఎంటర్టైన్ చేయాలనే ఉద్దేశంతో వన్డే ఫార్మాట్ ప్రవేశపెట్టారు. అది సక్సెస్ అయిన కొన్నేళ్ల తర్వాత టీ20 ఎంట్రీ ఇచ్చింది. ఇప్పుడు హవా మొత్తం ఈ ఫార్మాట్దే. ప్రపంచ వ్యాప్తంగా పుట్టగొడుగుల్లా ఎన్నో క్రికెట్ లీగ్లు పుట్టుకొచ్చాయి. ఈ తరుణంలో జెంటిల్మన్ గేమ్లోకి మరో కొత్త ఫార్మాట్ ఎంట్రీ ఇచ్చింది. దాని గురించి ఇప్పుడు చూద్దాం..
ఎంత మంది బౌలింగ్ చేయొచ్చు?
ఇంటర్నేషనల్ క్రికెట్కు రిటైర్మెంట్ ప్రకటించిన దిగ్గజ ఆటగాళ్లతో లెజెండ్ 90 లీగ్ 2025 స్టార్ట్ అయింది. ఈ లీగ్లో ప్రతి ఇన్నింగ్స్లో 15 ఓవర్లే ఉంటాయి. ఇన్నింగ్స్కు 90 బంతుల చొప్పున ఆడిస్తారు. 5 మంది బౌలర్లు గరిష్టంగా మూడేసి ఓవర్ల చొప్పున బౌలింగ్ చేయొచ్చు. జట్టులో నుంచి ఒక బౌలర్ మాత్రం గరిష్టంగా 4 ఓవర్లు వేయొచ్చు. ఇన్నింగ్స్లోని తొలి 4 ఓవర్లను బౌలింగ్ పవర్ప్లేగా పరిగణిస్తారు. ఈ సమయంలో కేవలం ఇద్దరు ఫీల్డర్లు మాత్రమే సర్కిల్ అవతల ఉండాలి.
పవర్ప్లే రూల్స్!
11 నుంచి 15 ఓవర్ల మధ్య ఒక ఓవర్ను బ్యాటింగ్ పవర్ప్లేగా పరిగణిస్తారు. ఈ టైమ్లో సర్కిల్ అవతల ముగ్గురు ఫీలర్డను మోహరించొచ్చు. ప్రస్తుతం జరుగుతున్న లెజెండ్స్ 90 లీగ్లో మొత్తం 7 జట్లు పాల్గొంటున్నాయి. ఇందులో నుంచి టాప్-2లో నిలిచిన జట్ల మధ్య ఫిబ్రవరి 17న ఫైనల్ మ్యాచ్ నిర్వహిస్తారు. ప్రయోగాత్మకంగా చేపట్టిన ఈ ఫార్మాట్ గనుక సక్సెస్ అయితే ఇంటర్నేషనల్ క్రికెట్లో దీన్ని ప్రవేశపెట్టే అవకాశాలను కొట్టిపారేయలేం. మరి.. ఈ 90 బంతుల ఆట సక్సెస్ అవుతుందో లేదో చూడాలి.
ఇవీ చదవండి:
ఫైనల్ చేరిన సన్రైజర్స్.. కావ్యా పాప టీమ్ అంటే మినిమం ఉండాలి
‘ద హండ్రెడ్’ జట్టును కొన్న ‘సన్రైజర్స్’
‘సన్రైజర్స్’బ్యాడ్మింటన్లో కొత్త స్కోరింగ్ విధానం
మరిన్ని క్రీడా, తెలుగు వార్తల కోసం క్లిక్ చేయండి
Updated Date - Feb 07 , 2025 | 01:21 PM
